[᭖ 6B]
᭞᭖᭟
ᬲᬸᬩᬋᬩᬸᬢ᭄᭞ᬕᬭᬂᬤᬹᬃᬕ᭄ᬕᬫᬯᬶᬰᬾᬱ᭟᭔᭔᭟ᬫᬾᬫᬾᬕᬸᬭᬸᬳᭂᬤᬫᬾᬫᬾᬧᬢᬶᬓᬘᬸᬄ᭞ᬢᭀᬂᬫᬗᭂᬮᬄᬲᬢ᭄ᬭᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᭂᬦᭂᬫᬶᬦ᭄᭞ᬫᬾᬫᬾᬕᬸᬭᬸ᭞
ᬧᬢᬶᬍᬲᬂᬓᬸᬤᬵᬭᬕ᭟᭔᭕᭟ᬦᭀᬭᬓᬾᬗ᭄ᬕᬸᬄᬳᬦ᭄ᬢᬸᬓ᭄ᬤᬸᬃᬕ᭄ᬕᬦᬾᬗᬋᬩᬸᬢ᭄᭞ᬳᬓᬸᬤᬳᬚᬓ᭄ᬜ᭞ᬬᬤᬶᬦ᭄ᬮᬶᬫᬗᬢᬸᬲ᭄ᬧ᭄ᬭᬧ᭄ᬢᬶ᭞ᬦᭀᬭᬓᬾᬗ᭄ᬕᬸᬄ᭞ᬕᬭᬂᬤᬹᬃᬕ᭄ᬕ
ᬫᬯᬶᬰᬾᬱ᭟᭔᭖᭟ᬦᬾᬳᬓᬶᬸᬯᬸᬓᬸᬤ᭄ᬗᬕᭂᬫ᭄ᬘᬓᬓ᭄ᬭᬳᭂᬦ᭄ᬤᬶᬄᬫᬸᬭᬸᬩ᭄᭞ᬫᬢᬦ᭄ᬤᬶᬗᬦ᭄ᬬᬱ᭞ᬢ᭄ᬯᬭᬤᬦᬾᬩᬶᬲᬕᬶᬗ᭄ᬲᬶᬃ᭞ᬧᬥᬭᬯᬸᬄ᭞ᬤᬹᬃᬕ᭄ᬕᬦᬾᬦᬾᬕᬮᬓ᭄ᬕᬮᬓ᭄᭟
᭔᭗᭟ᬧᬥᬫᬸᬦ᭄ᬤᬸᬃᬤᬹᬃᬕ᭄ᬕᬦᬾᬭᬶᬂᬤᬾᬯᬩᬕᬸᬲ᭄᭞ᬧᬥᬫᬯᬶᬰᬾᬱ᭞ᬳᬧ᭄ᬭᬂᬭᬫᬾᬲᬶᬮᬶᬄᬕᬶᬢᬶᬓ᭄᭞ᬲᬶᬮᬶᬄᬳᭂᬭᬸᬕ᭄᭞ᬓᬲᭀᬃᬤᬹᬃᬕ᭄ᬕᬦᬾᬫᬓᭂᬚᬂ᭟᭔᭘᭟
[᭗ 7A]
ᬤᬤᬶᬫᬸᬦ᭄ᬤᬸᬃᬤᬹᬃᬕ᭄ᬕᬦᬾᬬᬓᬸᬫᬭᬸᬩᬸᬓ᭄᭞ᬓᬢᬶᬕ᭄ᬢᬶᬕ᭄ᬩᬦ᭄ᬩᬚ᭄ᬭ᭞ᬓᬘᬓ᭄ᬭᬓᬧᬱᬵᬲᬫᬶ᭞ᬧᬥᬫᬲᬸᬓ᭄᭞ᬭᬶᬕᬕᬦᬗᬯᬂᬳᬯᬂ᭟᭔᭙᭟ᬓᬢᬹᬢ᭄ᬩᬸᬭᬶᬭᬶᬂᬕᬕᬦᬵᬓᬧᬮ
ᬬᬸ᭞ᬧᬥᬫᬗᬮᬬᬂ᭞ᬭᬶᬕᬕᬦᬵᬳᬫᭂᬦ᭄ᬤᬓᬶᬦ᭄᭞ᬧᬥᬵᬦᭂᬫᬸ᭞ᬓᬢᬶᬕ᭄ᬢᬶᬕ᭄ᬓᬚᭂᬗ᭄ᬓᬚᭂᬗ᭄ᬓ᭟᭕᭐᭟ᬧᬥᬫᬸᬦ᭄ᬤᬸᬃᬮᬾᬬᬓ᭄ᬫᬜ᭄ᬘᬯᬃᬡ᭄ᬦᬫᬸᬦ᭄ᬤᬸᬃ᭞ᬓᬲᭀᬭᬦ᭄ᬫᬬᬸᬥᬵ᭞
ᬧᬓᬘᬾᬕ᭄ᬘᬾᬕ᭄ᬓᬢᬄᬫᬢᬶ᭞ᬓᬸᬫᬭᬸᬤᬸᬓ᭄᭞ᬩᬩᬳᬶᬦᬾᬧᬓᬸᬭᬾᬬᬓ᭄᭟᭕᭑᭟ᬲᬸᬩᬲᬸᬯᬸᬤ᭄ᬤᬹᬃᬕ᭄ᬕᬦᬾᬬᬓᬧᬮᬬᬸ᭞ᬳᬤᭀᬄᬫᬭᬄᬤᬾᬰ᭞ᬢ᭄ᬯᬭᬳᭂᬦᬸ
ᬜᬂᬳᬲᬶᬓᬶ᭞ᬧᬥᬭᬯᬸᬄ᭞ᬳᬶᬩᬕᬸᬲ᭄ᬬᬫᬓᬧᬢ᭄ᬧᬢ᭄᭟᭕᭒᭟ᬦᭂᬮᭀᬓ᭄ᬳᬶᬧᬸᬦ᭄ᬭᬶᬂᬜᬫᬫᬲᬶᬄᬦᬸᬓᬸᬭᬹ᭞ᬚᭂᬫᬓᬂᬫᬶᬸᬩᬩᬬᭀᬦ᭄᭞ᬳᬚᬓ᭄ᬧᬢ᭄ᬧᬢ᭄ᬲᭂᬮ
Kaca:Bali-lontar-paparikan-kanda-pat-400ppi.pdf/7
Kaca puniki sampun kauji-wacén
