[᭑᭖ 16B]
᭞᭑᭖᭟
ᬭᬶ᭞ᬳᬮᬳᬬᬸ᭞ᬗᬶᬲᬶᬧᬢᬶᬳᬸᬭᬶᬧ᭄ᬳᬶᬓ᭟᭑᭓᭓᭟ᬍᬕᬧ᭄ᬭᬡᬢᬢᬲ᭄ᬩᬜ᭄ᬘᬳᬶᬗᬶᬸᬫᬗ᭄ᬭᬸᬗᬸ᭞ᬧᭂᬥᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬧᭂᬮᬶᬗ᭄ᬕᬶᬄᬩᭂᬮᬶᬦᬾᬲᬫᬶ᭞
ᬫᬓᬮᬸᬗ᭄ᬕᬸᬄ᭞ᬳᬚᬓᬶᬦ᭄ᬩᬋᬂᬫᬤᬳᬃ᭟᭑᭓᭔᭟ᬲᬮ᭄ᬯᬶᬃᬳᬶᬧᬸᬦ᭄ᬕᬯᬾᬳᬚᬓ᭄ᬩᬋᬂᬤᬶᬢᬸ᭞ᬲᬓᬮ᭄ᬯᬶᬭᬶᬂᬤᬳᬃ᭞ᬩᬋᬂᬳᬚᬓ᭄ᬬᬓᬯᬸᬓᬶᬦ᭄᭞ᬧᬗᬢᬳᬸ᭞
ᬩᬋᬂᬳᬚᬓᬮᬮᬶᬫ᭟᭑᭓᭕᭟ᬤᬤᬶᬢᬶᬦᬸᬢ᭄ᬳᬶᬍᬕᬧ᭄ᬭᬡᬧᬸᬦᬶᬓᬸ᭞ᬫ᭄ᬯᬂᬜᬫᬦᬾᬧᬢ᭄ᬧᬢ᭄᭞ᬫ᭄ᬮᬄᬬᬫᬜᬫᬧᬲ᭄ᬢᬶ᭞ᬧᬢᬸᬄᬢᬶᬦᬹᬢ᭄᭞ᬤᬤᬶ
ᬳᭂᬜᬓ᭄ᬬᬳᬚᬓ᭟᭑᭓᭖᭟ᬫᬧᬦ᭄ᬲᬤᬸᬲᬶᬂᬢᬸᬦ᭄ᬤᬾᬦ᭄ᬬᬤᬤᬶᬢᬶᬦᬹᬢ᭄᭞ᬓᬯᬾᬳᬦ᭄ᬓᬯᬷᬃᬬ᭄ᬬᬦ᭄᭞ᬳᬧᬂᬯ᭄ᬭᬸᬄᬬᬫᬲᬕᬶ᭞ᬳᬗ᭄ᬕᭀᬦ᭄ᬗᬶᬧᬸᬓ᭄᭞
[᭑᭗ 17A]
ᬗᬢᭂᬧᬂᬳᬦᬓ᭄ᬧ᭄ᬭᬚ᭄ᬜᬦ᭄᭟᭑᭓᭗᭟ᬲᬫᬫᬸᬯᬸᬲ᭄ᬳᬶᬍᬕᬧ᭄ᬭᬡᬭᬶᬂᬓᬬᬸᬦ᭄᭞ᬳᬧᬮᬶᬗ᭄ᬕᬶᬄᬳᬶᬭ᭞ᬤᬕᬶᬂᬳᬸᬢ᭄ᬢᬫᬦᬾᬲᬫᬶ᭞ᬢᬸᬢᬸᬃᬳᬶᬧᬸᬦ᭄᭞ᬤᬤᬶ
ᬢᬶᬃᬣᬦᬾᬭᬶᬂᬭᬕ᭟᭑᭓᭘᭟ᬳᬾᬓᬦ᭄ᬳᬶᬧᬸᬦ᭄ᬤᬶᬤᬶᬢᬓᭂᬧ᭄ᬧᬜ᭄ᬘᬳᬶᬓᬸ᭞ᬢᬶᬃᬣᬧᬗᬺᬲᬶᬳᬦ᭄᭞ᬓᬫᬦ᭄ᬤᬮᬸᬦᬾᬭᬶᬂᬳᬢᬶ᭞ᬲᬭᬶᬳᬶᬧᬸᬦ᭄᭞ᬗᬦ᭄ᬢᬸᬓᬂ
ᬭᬶᬂᬧᬜ᭄ᬘᬾᬦ᭄ᬤ᭄ᬭᬶᬬ᭟᭑᭓᭙᭟ᬢᬸᬢᬸᬃᬤᬶᬢᬸᬧᬩᬺᬲᬶᬳᬦ᭄ᬦᬸᬚᬸᬧᬶᬢᬸ᭞ᬦᬗ᭄ᬓᭂᬦ᭄ᬭᬶᬂᬧᬹᬃᬡ᭄ᬦᬫ᭞ᬳ᭄ᬬᬂᬭᬢᬶᬄᬳᬶᬤᬫᬮᬶᬗ᭄ᬕᬶᬄ᭞ᬳᬦᬓ᭄ᬯᭂᬭᬸᬄ᭞ᬗ᭄ᬓᬾᬦ᭄ᬧᬗᬶᬲᬶᬦᬶᬂ
ᬭᬕ᭟᭑᭔᭐᭟ᬲᭂᬮᬢ᭄ᬳᬶᬧᬸᬦ᭄ᬳᬮᬳᬬᬸᬦᬾᬬᬤᬶᬢᬸ᭞ᬬᬯ᭄ᬭᬸᬄᬭᬶᬂᬳᬸᬢ᭄ᬢᬫ᭞ᬰᬲ᭄ᬢ᭄ᬭᬦ᭄ᬬᬳᭀᬂᬓᬭᬲᬫᬶ᭞ᬳᭀᬓᬵᬭᬭᭀ᭟ᬦᬶᬭᬲᬫ᭄ᬧᬸᬦ᭄
Kaca:Bali-lontar-paparikan-kanda-pat-400ppi.pdf/17
Kaca puniki sampun kauji-wacén
