[᭑᭑ 11B]
᭞᭑᭑᭟
ᬩᬦ᭄ᬳᬶᬤᬵᬫᬮᬶᬗ᭄ᬕᬶᬄ᭞ᬭᬹᬧᬪᬶᬭᬸ᭞ᬲᬶᬤ᭄ᬥᬶᬫᬦ᭄ᬥᬶᬢᬦᬩᬬ᭟᭘᭙᭟ᬭᬶᬂᬫᬥ᭄ᬬᬾᬓᬸᬪᬝᬭᬰᬶᬯᬫᬮᬸᬗ᭄ᬕᬸᬄ᭞ᬬᬦ᭄ᬫᬭᬶᬂᬰᬭᬷᬭ᭞ᬯᬶᬢ᭄ᬳᬢᬶᬳᬶᬤᬫᬮᬶᬗ᭄ᬕᬶᬄ᭞ᬢᭀ
ᬓᬕᬸᬭᬸ᭞ᬧᬜ᭄ᬘᬯᬃᬡ᭄ᬦᬲᬶᬤ᭄ᬥᬶᬰ᭄ᬯᬭ᭟᭙᭐᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬤᬾᬯᬲᬗᬦᬾᬧᬸᬦᬶᬓᬸ᭞ᬘᬳᬶᬳᬧᬂᬬᬢ᭄ᬦ᭞ᬫᭂᬥᬮ᭄ᬭᬶᬂᬚᬩᬳ᭄ᬮᬶᬗᬶᬦ᭄᭞ᬬᬾᬦ᭄ᬲᬸᬩᬯ᭄ᬭᬸᬄ᭞ᬘᬳᬶᬗ
ᬫᭀᬗᬶᬦ᭄ᬳᬸᬢ᭄ᬢᬫ᭟᭙᭑᭟ᬩᭂᬮᬶᬩᬕᬸᬲ᭄ᬩᬶᬩᬶᬢ᭄ᬫᬦᬸᬱᬦᬾᬫᭂᬢᬸ᭞ᬗᭂᬦ᭄ᬤᬶᬧᬦᬗ᭄ᬓᬦ᭄ᬬ᭞ᬤᬤᬶᬬᬫᬦᬸᬱᬚᬢᬶ᭞ᬳᬤᬶᬩᬕᬸᬲ᭄᭞ᬳᬧᬂᬬᬢ᭄ᬦᬫᬗ᭄ᬭᬸᬗ᭄ᬯᬂ᭟᭙᭒᭟
ᬩᬶᬩᬶᬢ᭄ᬳᬶᬧᬸᬦ᭄ᬲᬓᬶᬂᬓᬵᬫᬧᭂᬝᬓ᭄ᬫᬢᬸᬃ᭞ᬤᬤᬶᬬᬯᭀᬂᬮᬦᬂ᭞ᬫᬗᬾᬓᬘᬃᬫ᭄ᬫᬳᭀᬲᬤᬶ᭞ᬯᭀᬗᬾᬯᬥᬸ᭞ᬓᬵᬫᬩᬵᬂᬋᬓᬾᬯᭂᬢᬸᬦ᭄ᬜ᭟᭙᭓᭟
[᭑᭒ 12A]
ᬩᬜ᭄ᬘᬶᬄᬳᬶᬓᬸ᭞ᬲᬓᬶᬓᬵᬫᬤᬤᬹᬫᭂᬢᬸ᭞ᬭᬶᬤᬍᬫ᭄ᬫᬢᬶᬗ᭄ᬓᬄ᭞ᬮᬦᬂᬯᬤᭀᬦ᭄ᬫᬶᬯᬄᬓᭂᬤᬶ᭞ᬤᬸᬯᬚᬸᬭᬸ᭞ᬧᬥᬫᬗᬩᭂᬢᬂᬳᬯᬓ᭄᭟᭙᭔ᬩᭂᬮᬶᬩᬕᬸᬲ᭄ᬧᬫᬸᬧᬸᬢ᭄ᬢᬦ᭄ᬫᬦᬾ
ᬫᬢᬸ᭞ᬫᬭᬶᬫᬥ᭄ᬬᬧᬤ᭞ᬲᬓᬶᬂᬓᬵᬫᬫᭂᬤᬮ᭄ᬲᬫᬶ᭞ᬳᬚᬓ᭄ᬳᬶᬧᬸᬦ᭄᭞ᬜᬫᬦ᭄ᬜᬦᬾᬫᬓᬧᬢ᭄ᬧᬢ᭄᭟᭙᭕᭟ᬩᭂᬮᬶᬩᬕᬸᬲ᭄ᬲᬫ᭄ᬧᬸᬦᬺᬲᭂᬧ᭄ᬢᬶᬢ᭄ᬬᬂᬗ᭄ᬭᬸᬗᬸ᭞ᬫᬮᬶᬄᬓᬾ
ᬲᬾᬚᬾᬦᬦ᭄᭞ᬫᭂᬗᬧᭂᬧᭂᬢᬾᬧᬸᬦᬶᬓᬶ᭞ᬳᬾᬫᭂᬳᬶᬗ᭄ᬲᬸᬦ᭄᭞ᬢᬸᬮᬶᬤᬶᬚᬧᬦᬗ᭄ᬓᬦ᭄ᬜ᭟᭙᭖᭟ᬳᬤᬶᬩᬕᬸᬲ᭄ᬳᬧᬂᬬᬢ᭄ᬦᬫᬗᬭᬸᬗᬸ᭞ᬩᭂᬮᬶᬫᬗᭀᬭᬳᬂ᭞ᬫᭂᬗᬧᭂᬧᭂᬢᬾᬧᬸᬦᬶᬓᬶ᭞
ᬭᬯᬸᬄᬳᬶᬧᬸᬦ᭄᭞ᬭᬳᬶᬦᬯᭂᬗᬤᬓᬂ᭟᭙᭗᭟ᬭᬶᬂᬭᬓᬾᬓᬸᬕᭂᬦᬄᬧᭂᬧᭂᬢᬾᬧᬸᬦᬶᬓᬸ᭞ᬫ᭄ᬯᬂᬕᭂᬦᬳᬶᬂᬫᭂᬗ᭞ᬭᬸᬭᬸᬳᬂᬓᭂᬚᬂᬤᬶᬳᬢᬶ᭞ᬧᬥᬤᬶᬢᬸ᭞ᬢ᭄ᬯᬭᬚᭀᬄᬳᬶᬤᬗᬦ᭄ᬢᭀᬲᬂ᭟᭙᭘᭟
Kaca:Bali-lontar-paparikan-kanda-pat-400ppi.pdf/12
Kaca puniki sampun kauji-wacén
