Kaca puniki sampun kauji-wacén
[᭗ 7B]
᭗
ᬗᬶᬦ᭄ᬗᬯᬂᬗᬯᬂ᭞ᬓᬳᬸᬮᬸᬦᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬰᬶᬯᬕᬸᬭᬸ᭞ᬫᬓᬵᬤᬶᬥᬗ᭄ᬳ᭄ᬬᬂᬯᬓ᭄ᬧᬢ᭄ᬬ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬳᬭᬶᬲ᭄᭟ᬤᬲ᭄ᬫᬶᬚᬶᬮ᭄ᬳᬶᬤᬳ᭄ᬬᬂᬪ
ᬱ᭄ᬓᬭ᭞ᬫᬗᬭᬸᬤᬸᬕ᭄ᬲ᭄ᬯᬭᬦ᭄ᬢᭀᬬᬦᬶᬂᬧᬲᬶᬄ᭞ᬕᬮᬂᬮᬗᬶᬢᬾᬧᬗᬸᬲ᭄᭞ᬤᬲᬭᬶᬦ᭄ᬩᬦ᭄ᬕᬸᬍᬫ᭄ᬩᬭᬓ᭄᭞ᬬᬫᬭᬶᬭᬶᬕ᭄᭞ᬬᬾᬦ᭄ᬲᬯᬗᬂᬢ᭄ᬯᬄᬬ
ᬧᬢᬸᬢ᭄᭞ᬓᬤᬶᬮᬫ᭄ᬩᬾᬦᬶᬂᬲ᭄ᬫᬭ᭞ᬳᬾᬕᬃᬗ᭄ᬢᭀᬦ᭄ᬲᬸᬭᬧᬢᬶ᭟ᬳᬶᬥᭂᬧ᭄ᬜᬦᬾᬦ᭄ᬤᬸᬫᬤᬓᬂ᭞ᬫᬗ᭄ᬤᬾᬳᬬᬸᬢᬦ᭄ᬯᬾᬦ᭄ᬢᭂᬦᬾᬫᬗ᭄ᬮᭂᬢᭂᬳᬶᬦ᭄᭞
ᬲᬸᬭᬮᭀᬓᬦᬾᬲᬢᬸᬳᬸᬓ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬓᬧᬃᬡ᭄ᬦᬬᬂ᭞ᬲᬗ᭄ᬳ᭄ᬬᬂᬭᬯᬶ᭞ᬫᬲᬯᬂᬳᬶᬤᬫᬦᬸᬢᬸᬕ᭄᭞ᬫᬫᬃᬕ᭄ᬕᬲᬬᬦ᭄ᬤᬸᬳᬸᬭᬂ᭞ᬲᬋᬂᬓ
[᭘ 8A]
᭘
ᬰᬶᬯᬵᬦᬵᬕᬭᬶ᭟ᬫᬸᬦ᭄ᬢᬩ᭄ᬢᬾᬚᬦᬶᬂᬳᬫ᭄ᬩᬭ᭞ᬧᬥᬵᬕᬶᬭᬂᬭᬶᬂᬯᬳᬸᬦᬾᬓᬫᬃᬕ᭄ᬕᬶᬦᬶᬦ᭄᭞ᬳᭀᬮᬶᬄᬲᬗ᭄ᬳ᭄ᬬᬂᬰᬢᬓᬺᬢᬸ᭞ᬫᬮᬶᬄᬯᬾᬦ᭄ᬢᭂ
ᬦ᭄ᬓᬘᬶᬗᬓᬦ᭄᭞ᬢᬸᬳᬸᬩ᭄ᬘᬶᬓ᭄᭞ᬳᬶᬕᬸᬍᬫ᭄ᬓᬢᭀᬦ᭄ᬫᬦᬸᬳᬸᬢ᭄᭞ᬢᬩᬶᬂᬮᬗᬶᬢᬾᬫᬶᬤᭂᬳᬦ᭄᭞ᬲᬳᬵᬢᬕᬺᬄᬳᬢᬸᬢ᭄ᬧᬱ᭄ᬝᬶ᭟ᬳᬶᬦᬩ᭄ᬳᬶ
ᬧᬸᬦ᭄ᬗᬸᬦᬶᬗᬬᬂ᭞ᬫᬢᬸᬤᬶᬗᬂᬦᬾᬧᬢᬸᬢ᭄ᬧ᭄ᬭᬬᬫᬃᬕ᭄ᬕᬶᬦᬶᬦ᭄᭞ᬳᬶᬳᬗᬶᬦ᭄ᬢᭂᬓᬵᬫᬦᭂᬫ᭄ᬧᬸᬄ᭞ᬭᬱᬜᬓᬤᬶᬗ᭄ᬕᬶᬲ᭄ᬯᬂ᭞ᬢᭀᬳᬶᬢᬢᬶᬢ᭄᭞ᬫᬓᬩ᭄ᬬ
ᬓ᭄ᬩ᭄ᬬᬓ᭄ᬬᬫᬢᬭᬸᬂ᭞ᬢᬸᬮᬾᬦ᭄ᬢᬗᬦ᭄ᬫᬕᭂᬬᬸᬳᬦ᭄᭞ᬫᬧᬦ᭄ᬢᭂᬲ᭄ᬲᬯᬂᬗᬸᬮᬧᬶᬦ᭄᭟ᬭᬱᬕᬸᬭᬾᬶᬸᬭᬾᬶᬸᬤ᭄ᬫᬚᬚᬃᬚᬚᬃ᭞ᬧᬸᬄᬫᬗᬦ᭄ᬢᭂᬦᬂ᭞ᬭᬶᬂᬲᬂᬫᬳ᭄ᬬᬸ
