Kaca puniki sampun kauji-wacén
[᭖᭑ 61B]
᭖᭑
ᬳᭀᬮᬶᬳᬶᬯ᭄ᬯᬂ᭞ᬫᬳᬾᬲ᭄ᬧᬢᬶᬩᬺᬢ᭄ᬬ᭞ᬮᬶᬯᬢ᭄ᬓᬺᬱᬤᬭᬶᬤ᭄ᬭᬦᬾ᭞ᬲᬸᬤ᭄ᬭᬯᬗ᭄ᬰᬫᬸᬥᬳᬧᬸᬗ᭄ᬕᬸᬂ᭞ᬢᬦᬸᬦᬶᬗᬾᬢᬢᬦᬶᬂᬕᬸᬭᬶᬢ᭄
᭞ᬪᬱᬦᬾᬳᬫᬸᬭᬂᬫᬸᬭᬂ᭞ᬳᬡ᭄ᬥᬧ᭄ᬫᬸᬯᬄᬮᬸᬳᬸᬃ᭞ᬅᬓ᭄ᬱᬭᬢᬦ᭄ᬢᬸᬢᬶᬂᬓ᭄ᬭᬫ᭞ᬫᬸᬗ᭄ᬕ᭄ᬯᬶᬂᬘᬡ᭄ᬥ᭞ᬫ᭄ᬯᬂᬢᬶᬓᬂᬲᬸᬢ᭄ᬭᬲᬡ᭄ᬥᬶ᭞ᬓᬾᬯᬮᬯ᭄ᬦᬂᬯᬶ
ᬦᬘ᭟᭜᭟ᬧᬸᬄᬧᬗ᭄ᬓᬸᬃ᭟ᬯᬸᬲ᭄ᬲᬫᬧ᭄ᬢᬓᬂᬳᬦᬸᬭᬢ᭄᭞ᬭᬶᬓᬵᬮᬯ᭄ᬯᬿᬰᬦᬶᬰ᭄ᬘᬭᬫᬥ᭄ᬬᬦᬾᬓᬶ᭞ᬦ᭄ᬬᬦ᭄ᬲᬧ᭄ᬢᬯᬭᬦᬶᬧᬸᬦ᭄᭞ᬢᬶᬓ᭄ᬱ᭄ᬡᬵ
ᬦᬶᬂᬯᬭᬬᬂ᭞ᬓᬂᬓᬢ᭄ᬭᬶᬡᬶ᭞ᬰᬸᬓ᭄ᬮᬧᬓ᭄ᬱᬦᬾᬓᬸ᭞ᬫ᭄ᬯᬂᬢᬫᬰᬦᬶᬂᬓᬃᬢ᭄ᬢᬶᬓᬵ᭞ᬓᬵᬮᬬᬸᬱᬦᬶᬂᬦᬕᬭᬶ᭟ᬪᬸᬢᬪᬸᬢᬶᬳᬗᬶᬱ᭄ᬝᬶᬮᭀᬓ
[᭖᭒ 62A]
᭖᭒
᭞ᬓᬵᬮᬦ᭄ᬬᬫᬓᬬᬸᬱᬦᬶᬂᬦᬕᬭᬶ᭞ᬅᬓ᭄ᬱᬫᬓᭂᬦ᭄ᬧ᭄ᬯᬗ᭄ᬳᬸᬮᬸᬦ᭄᭞ᬭᬶᬓᬂᬫᬓᬰᬸᬤ᭄ᬥ᭄ᬬᬫᬘ᭞ᬲᬦ᭄ᬢᭀᬱᬓ᭄ᬦᬵ᭞ᬫᬓᬭᬸᬧᬦᬶᬂᬅᬓ᭄ᬱ
ᬭᬾᬓᬸ᭞ᬮ᭄ᬯᬶᬃᬫᬓᬤᬮᬦᬶᬂᬭᬓᬢ᭞ᬢᬦᬦᬸᬢ᭄ᬭᬶᬂᬧᬲᬂᬲᬡ᭄ᬥᬶ᭟ᬲᬫᬗ᭄ᬓᬦᬵᬢᬸᬃᬢᬦ᭄ᬧᬜ᭄ᬚᬂ᭞ᬓᬂᬳᬦᬸᬭᬢ᭄ᬕᬸᬲ᭄ᬢᬶᬫ᭄ᬓᬃᬓᬗᬦᬫᬶ᭞
ᬭᬶᬂᬢᬸᬗ᭄ᬕᬮ᭄ᬤᬾᬰᬓᬯ᭄ᬢᬸ᭞ᬭᬶᬂᬮᭀᬭᬶᬂᬯ᭄ᬭᬢ᭄ᬫᬭ᭞ᬯ᭄ᬯᬂᬤᬭᬶᬤ᭄ᬭ᭞ᬢᬦᬦ᭄ᬤ᭄ᬭᬸᬯᬾᬬᬬᬄᬳᬶᬩᬸ᭞ᬓ᭄ᬤᭂᬄᬦᬸᬳᬸᬦ᭄ᬧᬗᬓ᭄ᬱᬫ᭞ᬳᬦ᭄ᬤᬾᬬᬳᬶᬯᬂ
ᬧᬗᬫ᭄ᬧᬸᬦᬶ᭟ᬒᬁᬒᬁᬧᬗᬲ᭄ᬢᬸᬢᬶᬦᬶᬗ᭄ᬯᬂ᭞ᬭᬶᬓᬂᬳᬦᬸᬭᬢ᭄ᬫᭀᬖᬵᬢᬦ᭄ᬓᬢᬫᬦᬯᬾᬘᬶ᭞ᬢᬦ᭄ᬓᭂᬦᬾᬂᬢᬸᬮᬄᬳᬶᬗ᭄ᬲᬸᬦ᭄᭞
