[᭔᭔ 44B]
᭔᭔
ᬧ᭄ᬲᬭ᭞ᬬᬦ᭄ᬭᬶᬂᬯᬶᬭᬲᬗ᭄ᬓᬭᬶᬬᬬᬄᬦ᭄ᬬᬾᬓᬶ᭞ᬭᬶᬂᬭᬚ᭄ᬬᬍᬗ᭄ᬓᬵᬧᬶᬦᬸᬜ᭄ᬚᬸᬮ᭄᭞ᬧᬦ᭄ᬢᭂᬲ᭄ᬤᬶᬕ᭄ᬚᬬᬾᬂᬧᬧ᭄ᬭᬗᬦ᭄᭞ᬢᬦᬸᬘᬧᬦ᭄᭞ᬯᬤ᭄ᬯᬦᬾᬳᬤᬸᬢᬶᬂ
ᬧᬸᬗ᭄ᬓᬸᬃ᭞ᬓᭀᬝ᭄ᬬᬦ᭄ᬧᬸᬦᬂᬭᬵᬓ᭄ᬱᬲ᭞ᬫᬤᬸᬮᬸᬃᬓᭂᬡ᭄ᬥᬂᬕᭀᬂᬪᬾᬭᬶ᭟ᬲ᭄ᬯᬭᬦᬾᬢᬦ᭄ᬧᬧ᭄ᬕᬢᬦ᭄᭞ᬫᬗᬭᬸᬤᬸᬕ᭄ᬓᬤᬶᬯ᭄ᬯᬄᬲᬗ᭄ᬓᬭᬶᬂᬩᬸᬓᬶᬢ᭄᭞
ᬲᬸᬫᬗ᭄ᬓᬶᬦ᭄ᬫᬲᬸᬲᬸᬦ᭄ᬲᬸᬲᬸᬦ᭄᭞ᬮᬫ᭄ᬧᬳᬶᬂᬯᬤ᭄ᬯᬭᬵᬓ᭄ᬱᬲ᭞ᬳᬢᬧ᭄ᬢᬶᬢᬶᬩ᭄᭞ᬫᬢᬸᬦ᭄ᬤᬸᬂᬳᬢᬸᬕᬸᬃᬧ᭄ᬦᬸᬄ᭞ᬫᬗ᭄ᬩᭂᬓᬶᬦ᭄ᬳᬭᬳᬭᬄ᭞ᬭᬸᬩᬸᬄᬲᬓᬶᬂᬓᬧᬭᬦᬶ
ᬦ᭄᭟ᬲᬓᬶᬂᬲᭂᬓ᭄ᬳᬦᬭᬶᬂᬤᬭᬢ᭄᭞ᬳᬦᬦ᭄ᬫᭂᬲᬢ᭄ᬫᬸᬗ᭄ᬕ᭄ᬯᬶᬂᬕᬕᬡᬳᬵᬫᬃᬕ᭄ᬕᬶ᭞ᬭᬵᬓ᭄ᬱᬲᬢᬦ᭄ᬓᭂᬦᬾᬂᬳᬶᬢᬸᬂ᭞ᬧ᭄ᬦᬸᬄᬫᬭᬶᬂᬦᬪᬱ᭄ᬝᬮ᭞ᬲᬯᬂᬫᬾᬖ᭞
[᭔᭕ 45A]
᭔᭕
ᬳᬓᬡ᭄ᬥᭂᬮᬩᬂᬮᬦ᭄ᬩᬶᬭᬸ᭞ᬋᬫ᭄ᬋᬫ᭄ᬢᬾᬚᬦᬶᬂᬳ᭄ᬬᬂᬳᬃᬓ᭄ᬓ᭞ᬢᬦ᭄ᬓᬢᭀᬦᬵᬫ᭄ᬩᬭᬦᬾᬓᬶ᭟ᬭᬶᬓᬮᬳᬦᬭᬶᬂᬳᬯᬦ᭄᭞ᬫᬳᬵᬲᬸᬭᬳᬦᬳᬸ᭠
ᬢᬦ᭄ᬧᬢᬓᬳᬓ᭄ᬱᬶ᭞ᬲᬗ᭄ᬳ᭄ᬬᬂᬅᬭᬸᬡᬓᬤᬸᬮᬸ᭞ᬫᬳᭀᬲ᭄ᬢᬸᬫᬸᬮᬶᬳᬩᬂ᭞ᬫᬓᬮᬗᬦ᭄᭞ᬪᬸᬢᬓᬯᬡ᭄ᬥᬧᬤᬸᬗ᭄ᬓ᭄ᬭᬸᬓ᭄᭞ᬗᬶᬕᭂᬮ᭄ᬗᬶᬤᭂᬭᬶᬦ᭄ᬳ᭄ᬬᬵᬂ
ᬲᬹᬃᬬ᭄ᬬ᭞ᬫᬾᬖᬵᬳᬩᬵᬂᬳᬸᬤᬦ᭄ᬕᭂᬢᬶᬄ᭟ᬧᬓ᭄ᬱᬶᬕᬕᬓᬲ᭄ᬮᬶᬯᭂᬭᬦ᭄᭞ᬳᬦᬫ᭄ᬩᭂᬭᬶᬮᬓᬸᬦᬶᬂᬳᬲᬸᬭᬵᬧᬢᬶ᭞ᬲ᭄ᬯᬭᬦᬶᬂᬳᬲᬸᬫᬜᬮᬸᬂ᭞ᬤᬶᬦᬸ
ᬮᬸᬃᬲ᭄ᬯᬭᬦᬶᬂᬕ᭄ᬮᬧ᭄᭞ᬲᬳᬢᬢᬶᬢ᭄᭞ᬫᬘᬶᬳ᭄ᬦᬦᬶᬂᬲᬂᬭᬢᬸ᭞ᬫᬢᬶᬢ᭄ᬗᬳᬶᬂᬧᬬᬸᬤ᭄ᬥᬦ᭄᭞ᬲᬳᬯᬤ᭄ᬯᬦᬾᬢᬦ᭄ᬓᬭᬶ᭟ᬳᬗ᭄ᬳᬶᬂᬢᬢᬦ᭄ᬓᬮᬶᬗ᭄ᬯᬂ᭞ᬢ
