Kaca puniki sampun kauji-wacén
[᭓᭕ 35B]
᭓᭕
ᬳᬦ᭄ᬮᬶᬬᬸ᭞ᬳᬤᬦᬾᬗᬩᬫᬲ᭄ᬫᬲᬦ᭄᭞ᬳᬤᬗᬩᬵᬲᬃᬯ᭄ᬯᬫᬡᬶᬓ᭄᭞ᬲᬃᬯ᭄ᬯᬫᬸᬮᬾ᭞ᬧᬲ᭄ᬮᬶᬬᬩ᭄ᬳᬤᬭᬶᬂᬲ᭄ᬯᬃᬕ᭄ᬕᬦ᭄᭟ᬯᬤ᭄ᬯᬦ᭄ᬯᬗᬮᬾᬭᬶᬂᬍᬫᬄ
᭞ᬧᬲ᭄ᬮᬶᬬᬩ᭄ᬲᬋᬂᬳᬸᬫᬶᬚᬶᬮ᭄᭞ᬫᬢᬗ᭄ᬓᭂᬧ᭄ᬲᭀᬮᬳᬶᬂᬬᬸᬤ᭄ᬥ᭞ᬗᬕᭂᬫ᭄ᬥᬥᬧ᭄ᬮᬦ᭄ᬧᬭᬶᬱᬶ᭞ᬫᬲ᭄ᬬᬢ᭄ᬲᬮᬶᬂᬢᬗ᭄ᬓᬶᬲᬶᬦ᭄᭞ᬢᬸᬗ᭄ᬕᬗᬦ᭄ᬧᬥᬓ
ᬳᬸᬭᬸᬓ᭄᭞ᬓᬸᬤᬓᬮᬯᬦ᭄ᬕᬚᬄ᭞ᬳᬲᬶᬂᬩᬕᭂᬤ᭄ᬓᬧᭂᬘᬸᬢᬶᬦ᭄᭞ᬓ᭄ᬦᬶᬲᬫ᭄ᬧᬸᬦ᭄᭞ᬮᬮᬶᬭᬶᬂᬢᬢᬦᬶᬂᬬᬸᬥ᭟ᬳᬸᬫ᭄ᬬᬂᬲ᭄ᬯᬭᬦᬶᬂᬓᭂᬡ᭄ᬥᬂ᭞ᬲᬸᬃᬬ᭄ᬬᬓᬾ
ᬫᬯᬦ᭄ᬢᬶᬯᬦ᭄ᬢᬶ᭞ᬤᬿᬢ᭄ᬬᬭᬵᬓ᭄ᬱᬲᬳᬾᬩᭂᬓᬦ᭄᭞ᬢᬸᬫᬸᬢ᭄ᬢᬂᬓᬮᬭᬓ᭄ᬱᬲᬶ᭞ᬍᬕᬵᬫᬦᬳᬾᬫᬩᬮᬶᬄ᭞ᬫᬲᬾᬧᬦ᭄ᬲᬾᬧᬦ᭄ᬬᬧᭂᬲᬸ᭞᭠
[᭓᭖ 36A]
᭓᭖
ᬢ᭄ᬯᬭᬗᬶᬢᬸᬗᬂᬧᬗᬗ᭄ᬕᭀ᭞ᬜᭀᬜᭀᬦᬾᬗᭀᬜ᭄ᬘᬂᬓᬲᬗ᭄ᬓᬶᬮ᭄᭞ᬫᬗᬮᬸᬲᬸᬄ᭞ᬓᬢᭀᬦ᭄ᬓᬤᬶᬕ᭄ᬥᬂᬚᬯ᭟ᬮ᭄ᬬᬸᬭᬵᬓ᭄ᬱᬲᬦᬾᬳ᭄ᬩᬄ
᭞ᬳᭂᬗ᭄ᬲᬧ᭄ᬫᬮᬚᬄᬫᬚᬸᬭᬶᬢ᭄᭞ᬤᬤᬶᬫ᭄ᬢᬸᬫᬾᬮᬕᬾᬦ᭄ᬤᬄ᭞ᬓᬦ᭄ᬢᭀᬲ᭄ᬮᬶᬯᬃᬢ᭄ᬗᬄᬯ᭄ᬗᬶ᭞ᬫᬦᬸᬗ᭄ᬕᬂᬓᬸᬤᬮᬦᬱ᭄ᬝᬶ᭞ᬲᬋᬂᬭᭀᬯᬂᬲᬮᬶᬂᬓᭂᬧᬸᬂ᭞ᬓ
ᬦ᭄ᬢᭀᬲ᭄ᬫᬓᬤᬲ᭄ᬭᬳᬶᬦ᭞ᬳᬗᬶᬦᬾᬢ᭄ᬓᬫᬜᬶᬮᬶᬃ᭞ᬧᬥᬩᬗᬸᬦ᭄᭞ᬧᬓ᭄ᬱᬶᬦᬾᬳᬸᬫᬸᬂᬫᬲ᭄ᬯᬭ᭟ᬧᬢᬶᬢᬶᬫᬸᬃᬳᬩᬂᬯᬾᬢᬦ᭄᭞ᬳᬬᬢ᭄ᬫᬶᬚᬶ
ᬮ᭄ᬲᬂᬳ᭄ᬬᬂᬭᬯᬶ᭞ᬫᬸᬦ᭄ᬢᬩ᭄ᬢᬾᬚᬦᬶᬂᬲ᭄ᬯᬭᬚ᭄ᬬ᭞ᬲᬃᬯ᭄ᬯᬫᬡᬶᬓᬾᬫᬗᭂᬦ᭄ᬤᬶᬄ᭞ᬳ᭄ᬬᬂᬅᬭᬸᬡᬵᬲᬫ᭄ᬧᬸᬦ᭄ᬫᬶᬚᬶᬮ᭄᭞ᬤᬸᬫᬶᬮᬄᬳᬦᬸᬗ᭄ᬕᬂᬕᬸᬦᬸᬂ᭞ᬧᬸᬗ᭄ᬕ
