Kaca puniki sampun kauji-wacén
[᭓᭓ 33B]
᭓᭓
ᬯᬭᬶᬄ᭞ᬳᬤᬮᬾᬦ᭄ᬗᬮᬶᬄᬧᬜ᭄ᬘᭀᬭᬦ᭄᭞ᬫᬳᬶᬦᬩ᭄ᬳᬦᬓ᭄ᬫᬩᬺᬲᬶᬄ᭞ᬤᬶᬳᬮᬲ᭄ᬩᬸᬗᬦᬾᬫᬮᬶᬄ᭞ᬓᬶᬤᬂᬫᬜ᭄ᬚᬗᬦ᭄ᬳᬢᬸᬭᬸ᭞ᬳᬤᬩᬗᬸᬦ᭄ᬓ
ᬧᬸᬧᬸᬗᬦ᭄᭞ᬓᬳᭂᬦ᭄ᬢᬾᬭᬦ᭄ᬤᬾᬦᬶᬂᬭᬢᬶᬄ᭞ᬓᬭᬱᬬᬂ᭞ᬭᬳᬶᬦᬳᭀᬮᬶᬄᬳᬶᬓᬶᬥᬂ᭟ᬧᬓᬶᬬᬶᬓ᭄ᬤᬶᬢᬸᬗᬮᬶᬜ᭄ᬘᬓ᭄᭞ᬰᬰᬦᬾᬗᭂᬫᬸᬓ᭄ᬫᬗᭂ
ᬧᬶᬮ᭄᭞ᬢᬓᬸᬢ᭄ᬢ᭄ᬓᬾᬦᬶᬂᬳᬶᬓᬶᬤᬂ᭞ᬓᭂᬍᬲᬶᬳᬾᬩᬸᬗ᭄ᬓᭂᬃᬢᬦ᭄ᬫᬭᬶ᭞ᬩᬢᬦ᭄ᬩᬸᬗᬦᬾᬗᬸᬮᬶᬮᬶᬓ᭄᭞ᬳᬶᬮᬦ᭄ᬤᬓ᭄ᬳᬾᬧᭀᬢ᭄ᬫᬗᬯᬸᬂ᭞ᬩᭀᬚᭀᬕᬾ
ᬧᬥᬫᬢᬶᬜ᭄ᬚᭀ᭞ᬓᬧᬶᬗᭀᬦ᭄ᬳᬶᬧᬸᬦ᭄ᬗᬶᬯᬲᬶᬦ᭄᭞ᬓᬬᬸᬓᬬᬸ᭞ᬓᬢᬾᬚᬦᬦ᭄ᬲᬗ᭄ᬳ᭄ᬬᬂᬯᬸᬮᬦ᭄᭟ᬲᬲᭀᬭᭀᬢ᭄ᬯ᭄ᬯᬶᬮᬾᬳᭀᬜᬗᬦ᭄᭞
[᭓᭔ 34A]
᭓᭔
ᬫᬓ᭄ᬫᬶᬢ᭄ᬭᬶᬂᬢᬫᬦ᭄ᬲᬭᬶ᭞ᬫᬘᬡ᭄ᬥᬫᬍᬕᬦ᭄ᬮᭂᬕᬦ᭄᭞ᬕᬶᬭᬂᬗᭂᬢᭀᬦ᭄ᬲᬂᬳ᭄ᬬᬂᬭᬢᬶᬄ᭞ᬓᬮᬯᬦ᭄ᬯᬶᬦᬶᬲᬫᬶ᭞ᬫᬭᬭᬲ᭄ᬗ᭄ᬕᬯᬾᬯᬸᬮᬗᬸᬦ᭄᭞ᬳᬤᬫ
ᬢᬢᬾᬭᬾᬓ᭄ᬩᬸᬯᬢ᭄᭞ᬳᬤᬮᬾᬦ᭄ᬫᬩᭀᬭᬾᬄᬫᬶᬳᬶᬓ᭄᭞ᬫᬲ᭄ᬮᬶᬯᭂᬭᬦ᭄᭞ᬫᬘᬡ᭄ᬥᬢ᭄ᬗᬳᬶᬂᬦᬢᬃ᭟ᬢ᭄ᬮᬄᬗ᭄ᬕᬯᬾᬓᬚᭂᬕᬾᬕᬦ᭄᭞ᬗᬮᬶᬜ᭄ᬘᬓ᭄ᬫᬗᭂ
ᬢᬸᬲ᭄ᬲᬭᬶ᭞ᬳᬤᬫᬗᭂᬫ᭄ᬧᭀᬮ᭄ᬳᬗ᭄ᬰᬡ᭞ᬓᬸᬫᬸᬥᬓᬮᬯᬦ᭄ᬕᬫ᭄ᬩᬶᬃ᭞ᬳᬤᬫᬓᬸᬝᬵᬓᬜᬶᬭᬶ᭞ᬤᬶᬲᬶᬲᬶᬦ᭄ᬢᭂᬮᬕᬦᬾᬮᬸᬳᬸᬂ᭞ᬓᭂᬦᭂᬄᬜᬦᬾᬦᬸᬭᬄᬦᬸᬭᬄ
᭞ᬲᭀᬮᬄᬯᬢᭂᬓ᭄ᬯᬶᬤ᭄ᬬᬥᬭᬶ᭞ᬬᬦᬸᬧᬫ᭞ᬳᬶᬘᬗᬓ᭄ᬦᬸᬮᬤ᭄ᬳᬶᬫ᭄ᬭᬓ᭄᭟ᬤᬤᬶᬫᬯ᭄ᬢᬸᬩ᭄ᬬᬵᬧᬭ᭞ᬲ᭄ᬫᬭᬰᬩ᭄ᬥᬦᬾᬜᬸᬲᬸᬧᬶᬦ᭄᭞ᬫᬓᬶᬥᬸᬂᬫᬲᬲᬦ᭄ᬤᬭ
