[᭕ 5B]
᭕
ᬦ᭄ᬤ᭄ᬭᬵᬚᬮ᭞ᬧᬓᬬᬸᬦᬦ᭄ᬲᬭᬵᬢ᭄ᬮᬸᬗᬫ᭄ᬭᬶᬓᬶ᭞ᬤᬕᬶᬂᬩᬩᬯᭀᬲᬾᬧᬸᬧᬸᬢ᭄᭞ᬳᬦ᭄ᬢᬸᬓ᭄ᬳᬶᬤ᭄ᬥᬫ᭄ᬬᬵᬃᬱ᭞ᬩᬧᬵᬳᬚᬶᬓᬮᭀᬓᬓᬲᬸᬫ᭄ᬩᬸᬂᬲᬸᬫ᭄ᬩᬸᬂ᭞ᬢᭂᬩᭂᬕᬶᬂᬓᬩᬚ᭄ᬭᬲᬢ᭄ᬯᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬜᬫᬾᬦᬶᬦ᭄᭟ᬧᬲᬸᬂᬳ᭄ᬬᬂᬮᭀᬓᬶᬢᬾᬰ᭄ᬯᬭ᭞ᬲ
ᬧᬸᬦᬶᬓᬳᬯᬶᬦᬦ᭄ᬓ᭄ᬤᭂᬄᬫᬗ᭄ᬓᬶᬦ᭄᭞ᬚᬕᬶᬧᬋᬓ᭄ᬩᬧᬳᬕᬸᬂ᭞ᬫᬲᬤ᭄ᬬᬧᬘᬂᬦᭀᬫᬄ᭞ᬦᬸᬦᬲ᭄ᬢᬶᬢ᭄ᬬᬂᬫᬗ᭄ᬤᬜᬶᬤ᭄ᬥᬬᬂᬫᬢᭂᬫᬸ᭞ᬗᬶᬭᬶᬂᬳᬶᬤ᭄ᬥᬲᬂᬗᬃᬚ᭄ᬚᬸᬡ᭞ᬓᭀᬘᬧ᭄ᬧᬘᬂᬤᬤᭀᬲ᭄ᬧᬤ᭄ᬫᬶ᭟ᬦᬗᬶᬂᬫᬸᬗ᭄ᬕ᭄ᬯᬶᬂᬫᬦᬄᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬧ
ᬘᬂᬳᭂᬜᬓ᭄ᬫᬧᬗ᭄ᬕᬶᬄ᭞ᬭᬶᬂᬲᬓ᭄ᬭᬳᬶᬂᬧᬭᬭᬵᬢᬸ᭞ᬬᬦ᭄ᬤᬸᬭᬸᬂᬫᬦᬹᬢ᭄ᬩ᭄ᬭᬢ᭄ᬣ᭞ᬫᬫᬢᭂᬳᬶᬦ᭄ᬕᬫᬦᬾᬳᬶᬭᬶᬓᬶᬭᬢᬸ᭞ᬭᬾᬄᬓᬮᬶᬦ᭄ᬢᬂᬫᬳᬵᬪᬭ᭞ᬲᬹᬓ᭄ᬱ᭄ᬫᬦᬶᬂᬬᭀᬕᬲ᭄ᬫᬥᬶ᭟ᬲᬦᬾᬫᬹᬳᬵᬕᬫᭂᬮ᭄ᬢᬶᬢ᭄ᬬᬂ᭞ᬗᬋᬕᭂᬧᬂᬧᬳᬶᬘᬦ᭄ᬩᬧᬳᬚᬶ᭞ᬫᬗ᭄ᬤᬲᬶᬸ
ᬲᬵᬫ᭄ᬧᬸᬦ᭄ᬓᬲᬮᬸᬫᬸᬃ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬫᬦᬄ᭞ᬫᬧᬦ᭄ᬲᬵᬫ᭄ᬧᬸᬦ᭄ᬫᬘᬶᬳ᭄ᬦᬫᬵᬢ᭄ᬭᬓᬧᬗ᭄ᬕᬸᬄ᭞ᬲᬶᬄᬳᬶᬤ᭄ᬥᬳ᭄ᬬᬂᬯᬶᬥᬶᬯᬰ᭞ᬫᬯᬶᬦᬦ᭄ᬲᬓᬵᬤᬶᬫᬗ᭄ᬓᬶᬦ᭄᭟ᬧᬸᬦᬶᬓᬫᬓᬵᬲᬥᬦᬵ᭞ᬲᬥᬦᬦᬶᬂᬫᬗ᭄ᬕᬶᬄᬰ᭄ᬯᬃᬕ᭄ᬕᬵᬤᬶᬮᬸᬯᬶᬄ᭞ᬦᬶᬃᬩᬦᬵᬘᬶᬦ᭄ᬢ᭄ᬬ᭠
[᭖ 6A]
᭖
ᬦᬶᬃᬢᬸᬤᬸᬄ᭞ᬢᬦ᭄ᬧ᭄ᬯᬮᬶᬚᬦ᭄ᬫᬫᬸᬯᬄ᭞ᬲᬧᬸᬦᬶᬓᬫᬳᬯᬶᬦᬦ᭄ᬢᬶᬢ᭄ᬬᬂᬧᬸᬭᬸᬦ᭄᭞ᬮᬗ᭄ᬖᬦᬵᬫᬵᬢᬸᬃᬧ᭄ᬭᬲᬗ᭄ᬖ᭞ᬦᬾᬳᬸᬦᬶᬗᬂ᭠ᬢᬶᬢ᭄ᬬᬂᬫᬮᬶᬄ᭟ᬮᬶᬂᬦᬶᬂᬳᬚᬶᬰᬲ᭄ᬢ᭄ᬭᬧ᭄ᬭᬓᭂᬃᬢ᭄ᬣᬶ᭞ᬓᭀᬘᬧ᭄ᬬᬦᬶᬂᬯ᭄ᬯᬂᬦᬶᬮᬃᬕᬫᬚᬢᬶ᭞ᬳᬕᭂᬂᬋᬓᬾᬤᭂᬦ᭄ᬤᬦᬶᬧᬸᬦ᭄᭞
ᬫᬵᬗ᭄ᬕᬸᬄᬧᬧᬵᬦᬭᬓᬵ᭞ᬓᬸᬤᬸᬓᬵᬗ᭄ᬓᬶᬤ᭄ᬲᬓᬶᬂᬓᬯᬳᬾᬓᬧᬲ᭄ᬢᬸ᭞ᬳᬢ᭄ᬫᬦᬾᬓᬕᭂᬮᬭᬶᬂᬭᬵᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤ᭠ᬤᭀᬲ᭄ᬢᭂᬩᬲᬶᬦ᭄᭟ᬢᬦ᭄ᬓᬲᬸᬧᬢ᭄ᬰᬶᬯ᭄ᬯᬩᬸᬤ᭄ᬥ᭞ᬲᬗ᭄ᬳ᭄ᬬᬂᬬᬫᬵᬳᬶᬤ᭄ᬥᬢᬦ᭄ᬲᬸᬥᬶᬗᬓ᭄ᬱᬶ᭞ᬭᬶᬂᬧᬶᬢ᭄ᬭᬦᬾᬓᬸᬭᬂᬓᬸᬓᬸᬄ᭞ᬭᬶᬂᬳᬕ
ᬫᬲᬦ᭄ᬤ᭄ᬬᬵᬲᬵ᭞ᬓᬤᬶᬫᬗ᭄ᬓᬶᬦ᭄ᬬᬦ᭄ᬓᬲᬶᬤ᭄ᬥᬦ᭄ᬫᬗ᭄ᬤᬢᬸᬮᬸᬲ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬗ᭄ᬕᭂᬳᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬳᬦᬦ᭄ᬕᬸᬜ᭄ᬚᬶᬄ᭟᭠ᬤ᭄ᬬᬵᬲ᭄ᬢᬸᬦ᭄ᬫᬢ᭄ᬫᬳᬦ᭄ᬧᭂᬚᬄ᭞ᬲᬓᬾᬯᬦ᭄ᬢᭂᬦ᭄ᬫᬶᬢᬶᬦ᭄ᬤᬶᬳᬶᬦ᭄ᬓᬚᬢᬶᬦ᭄᭞ᬲᬸᬓᬵᬫᬗ᭄ᬫᬲᬶᬦ᭄ᬳᬦ᭄ᬢᬸ᭞ᬬᬦ᭄ᬲᬵᬫ᭄ᬧᬸᬦ᭄ᬲᬢ᭄ᬬᬂᬩ᭄ᬭᬢ᭄ᬣᬵ᭞ᬢᬶ
ᬢ᭄ᬧᬂᬩᬾᬩᬲ᭄᭞ᬢᬶᬸᬢ᭄ᬬᬶᬸᬂᬧᬘᬂᬫᬢᬦ᭄ᬤᬶᬂᬧᬗᬯ᭄ᬭᬸᬄ᭞ᬭᬶᬂᬳᬶᬤ᭄ᬥᬲᬂᬤᬦᬜ᭄ᬚᬬ᭞ᬢᬶᬢ᭄ᬬᬂᬗᬶᬭᬶᬂᬩᬧᬳᬚᬶ᭟ᬭᬶᬂᬲᬵᬫ᭄ᬧᬸᬦᬾᬲᬧᬸᬦᬶᬓ᭞ᬳᬢᬸᬃᬳᬶᬤ᭄ᬥᬥ᭄ᬬᬄᬲᭀᬫᬯᬢᬶ᭞ᬮᬾᬤᬂᬦᬾᬫᬗ᭄ᬓᬶᬦ᭄ᬲᬂᬧ᭄ᬭᬪᬸ᭞ᬫ᭄ᬬᬵᬃᬱᬬᬂᬳᬢᬸᬃᬧᬸᬢ᭄ᬭ᭞ᬭᬭᬶᬲ᭄ᬗᬶᬭᬶᬂᬧᬸᬢ᭄ᬭᬦᬾ
