[᭓᭕ 35B]
᭓᭕
ᬲᬦᬾᬓᬯᬲ᭄ᬢᬦᬶᬦ᭄᭞ᬫᬶᬖ᭄ᬦᬾᬦ᭄ᬟᬃᬫ᭄ᬫᬭᬶᬂᬕᬸᬫᬶ᭞ᬓᬦ᭄ᬢᭀᬲ᭄ᬫᬳᬯᬦᬦ᭄ᬭᬸᬕ᭄ᬢᬸᬕ᭄᭞ᬗᭂᬧᬸᬂᬧᬫᬵᬃᬕ᭄ᬕᬶᬦ᭄ᬢᬶᬢ᭄ᬬᬂ᭞ᬲᬳᬵᬩᬮᬵᬲᬺᬕᭂᬧ᭄ᬲᬫᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬯᬢᭂᬲ᭄ᬢᬲᬶᬓ᭄ᬫᬮᬬ᭟ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬤᭀᬄᬗᬸᬗ᭄ᬕᬳᬂ᭞ᬳᭂᬢᭀᬦ᭄ᬢᬶᬢ᭄ᬬᬂᬢ᭄ᬩᭂᬂᬢᬶᬢᬶ
ᬩ᭄᭞ᬓᬯᬸᬮᬯᬮᬸᬬᬳᭂᬫ᭄ᬩᬄ᭞ᬲᬳᬵᬓᬸᬤᬓ᭄ᬭᬾᬢ᭄ᬣᬳᬱ᭄ᬝᬶ᭞ᬕᭀᬂᬢᬫ᭄ᬩᬸᬃᬳᬩᬃᬳᬩᬶᬃ᭞ᬫᬕᬕ᭄ᬮᬭᬦ᭄ᬩᭂᬘᬶᬓ᭄ᬓᬸᬓᬸᬄ᭞᭠ᬧᬥ᭄ᬫᬩ᭄ᬬᬸᬳᬫᬢᬶᬗ᭄ᬓᬄ᭞ᬦᬮᬶᬓᬸᬭᬶᬂᬩᬜ᭄ᬘᬂᬩᬸᬓᬶᬢ᭄᭞ᬓᬤᬶᬳᬶᬚᬸᬢᬶᬢ᭄ᬬᬂᬫᬦ᭄ᬢᬸᬓ᭄ᬗᬸᬦᬶᬗᬬᬂ᭟ᬬᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ
᭞ᬲᬶᬦᬄᬧᬘᬂᬗᭂᬩᬸᬕ᭄ᬕᬭᬶᬓᬶ᭞ᬢᬲᬧᬸᬦᬶᬓᬵᬧᬶᬤᬵᬃᬣᬦ᭄᭞ᬳᬢᬸᬃᬲᬗᬃᬬ᭄ᬬᬓᬶᬭᬶᬣᬶ᭞ᬭᬭᬶᬲ᭄ᬰ᭄ᬭᬷᬳᬭᬷᬫᬹᬃᬢ᭄ᬢᬶ᭞ᬫᬋᬧ᭄ᬭᬶᬂᬭᬓᬦᬾᬫᬵᬢᬸᬃ᭞ᬰ᭄ᬭᬷᬭᬵᬚᬬᬸᬥᬶᬱ᭄ᬝᬶᬭ᭞ᬤᬸᬄᬭᬢᬸᬰ᭄ᬭᬷᬦᬭᬧᬢᬶ᭞ᬫᬗ᭄ᬤᬾᬤᬸᬭᬸᬲᬧᬸᬦᬶᬓᬵ᭟ᬓᬤᬶ
ᬳᬢᬸᬃᬳᬶᬅᬃᬚ᭄ᬚᬸᬡ᭞ᬲᬵᬫ᭄ᬧᬸᬦ᭄ᬫᬮᬶᬄᬳᬮᬶᬦ᭄ᬳᬮᬶᬦ᭄᭞ᬲᬯᬶᬭᬾᬄᬫᬩᬱᬯᬶᬭᬂ᭞ᬭᬶᬂᬳᬶᬳᬭᬶᬲᬂᬢᬧᬢᬶ᭞ᬬᬦ᭄ᬢ᭠ᬦ᭄ᬚᬢᬶᬫᬵᬃᬕ᭄ᬕᬶᬦᬶᬦ᭄᭞ᬓᬧᬤᬭᬸᬱᬦᬾᬫᬕᭂᬩᬸᬕ᭄᭞ᬧᬦ᭄ᬲᭀᬢᬦᬶᬂᬓᬯᭂᬓᬲ᭄᭞ᬲᬵᬫ᭄ᬧᬸᬦ᭄ᬫᬗᬤᬸᬓᬰᬓ᭄ᬢᬶᬦ᭄᭞ᬭᬶᬂᬳᬦ᭠
[᭓᭖ 36A]
ᬓ᭄ᬮᬸᬄ᭞ᬓᬮᬶᬄᬭᬶᬂᬧᬢᬶᬄᬫᬢ᭄ᬯ᭟ᬓᬧᭂᬲ᭄ᬫᬢᬦ᭄ᬤᬶᬂᬳᬚ᭄ᬜᬡᬦ᭄᭞ᬬᬾᬦ᭄ᬧᬘᬂᬩᬗ᭄ᬕᬬᬂᬫᬗ᭄ᬓᬶᬦ᭄᭞ᬧᬸᬦᬧᬶᬭᬭᬶᬲ᭄ᬢ᭠ᬦᬵᬧᬗᬸᬧᬯᬥᬦᬶᬂᬕᬸᬫᬶ᭞ᬭᬶᬂᬢᬶᬢ᭄ᬬᬂᬲᬋᬂᬲᬫᬶ᭞ᬓᬸᬤᬂᬲᬵᬫ᭄ᬧᬸᬦ᭄ᬓᬢ᭄ᬮᬜ᭄ᬚᬸᬃ᭞ᬬᬤᬶᬳᬶᬬᬃᬚ᭄ᬚᬸᬡ᭞ᬫ᭄ᬮᬓ᭄ᬱᬡᬲ
ᬭᭀᬱᬩᬸᬤ᭄ᬟᬶ᭞ᬤᬤᭀᬲ᭄ᬮᬚᬸᬫ᭄ᬭᬱᬜᬶᬤ᭄ᬟᬬᬂᬜᬾᬤ᭄ᬟᬬᬂ᭟ᬳᬶᬲ᭄ᬢ᭄ᬭᬶᬮ᭄ᬯᬶᬳᬶᬂᬧᬢᬶᬩ᭄ᬭᬢ᭄ᬣ᭞ᬧᬸᬦᬶᬓᬥ᭄ᬬᬄᬲᭀᬫᬯᬢᬶ᭞ᬥᬸᬄᬭᬢᬸᬰ᭄ᬭᬷᬥᬃᬫ᭄ᬫᬯᬗ᭄ᬰ᭞ᬓᬾᬯᬦ᭄ᬢᭂᬦ᭄ᬧ᭄ᬭᬬᬢ᭄ᬦᬳᬸᬕᬶ᭞ᬳᬧᬦ᭄ᬫᬫᭂᬲᭂᬄᬰᬓ᭄ᬢᬶ᭞ᬯᬳᬸᬲᬧᬸᬦᬶᬓᬳᬢᬸᬃ᭞ᬲᬂᬧ᭄ᬭᬪᬸᬧᬥ᭄ᬫ᭠
ᬦᬵᬪ᭞ᬭᬭᬶᬲ᭄ᬳᬶᬤ᭄ᬟᬰ᭄ᬭᬷᬪᬸᬧᬢᬶ᭞ᬥᬃᬫ᭄ᬫᬲᬸᬦᬸ᭞ᬗᬦ᭄ᬤᬶᬓᬢᬸᬩᬸᬄᬫᬵᬃᬤ᭄ᬟᬯ᭄ᬯ᭟ᬥᬸᬄᬳᬤᬶᬳᬚᬓ᭄ᬫᬓᭂᬚᬂ᭞ᬓ᭄ᬦᭂᬄᬩ᭄ᬮᬶᬫ᭠ᬫᬭᬦᬶᬦ᭄᭞ᬓᬚᬕᬢ᭄ᬢᬲᬶᬓ᭄ᬫᬮᬬ᭞ᬗᭂᬩᬸᬕ᭄ᬓᭂᬫᬵᬫᬗᭂᬦ᭄ᬤᭀᬦᬶᬦ᭄᭞ᬦᬄᬤᬳᬸᬳᬶᬦ᭄᭞ᬦᬾᬦᬾᬚᬦᬶ᭞ᬧᬜ᭄ᬚᬓᬾ
ᬲᬫᬗ᭄ᬤᬾᬢᬳᬸ᭞ᬫᬦᬶᬲᭂᬫᭂᬂᬫᬚᬮᬦ᭄᭞ᬲᬫᬗ᭄ᬤᬵᬲᬬᬕᬲᬫᬶ᭞ᬲᬺᬕᭂᬧ᭄ᬳᬶᬧᬸᬦ᭄ᬧᬳᬶᬦ᭄ᬤᬶᬓᬦ᭄ᬘᬢᬸᬃᬳᬗ᭄ᬕ᭟ᬲᬧᬸᬦᬶᬓᬧᬯᬘᬡᬦ᭄᭞ᬧ᭄ᬭᬪᬸᬬᬸᬥᬶᬱ᭄ᬝᬶᬭᬫᬗ᭄ᬓᬶᬦ᭄᭞ᬩ᭄ᬭᬶᬬᬸᬓ᭄ᬲᬫᬶᬲᬳᬸᬃᬲᭂᬫ᭄ᬩᬄ᭞ᬲᬂᬩᬶᬫᬦ᭄ᬤᬯᬸᬳᬂᬕ᭄ᬮᬶᬲ᭄᭞ᬭᬶᬂᬧᬭᬵᬳᬤᬶ
Kaca:Bali-lontar-paparikan-datacandrabanu-450ppi.pdf/36
Kaca puniki sampun kauji-wacén
