[᭒᭙ 29B]
᭒᭙
ᬗ᭄ᬓᬢ᭄᭞ᬦᬶᬓᬧᬸᬮᬶᬄᬓᬯᬲ᭄ᬢᬦᬶᬦ᭄᭞ᬓᬲᬫ᭄ᬩᬢ᭄ᬚᬬ᭞ᬲᬶᬭᬫᬗ᭄ᬓᬶᬦ᭄ᬗ᭄ᬭᬶᬳᬶᬦᬶᬦ᭄᭟ᬭᬭᬶᬲ᭄ᬦᬶᬫ᭄ᬩᬮ᭄ᬲᬂᬧᬃᬣᬫᬲ᭠ᬯᬸᬃᬩᬾᬩᬲ᭄᭞ᬲᬓ᭄ᬦᭂᬄᬧᬫᬦ᭄ᬧᬢᬶᬄ᭞ᬢ᭄ᬬᬂᬢ᭄ᬯᬭᬢᬸᬮᬓ᭄᭞ᬚᬮᬦ᭄ᬚᬦᬶᬳᬶᬦ᭄ᬤᬬᬂ᭞ᬬᬤ᭄ᬬᬧᬶᬦ᭄ᬢᬓᭂᬭᬦ᭄ᬕᭂᬢᬶᬄ᭞ᬲ
ᬫ᭄ᬩᬸᬗᬦ᭄ᬘᭀᬢᬵ᭞ᬢᭀᬲᬶᬂᬢ᭄ᬬᬂᬜᬶᬭᬶᬓᬶᬦ᭄᭟ᬩᬸᬓᬚᬦᬶᬦᬄᬧᬫᬦ᭄ᬧᬢᬶᬄᬓᬗ᭄ᬕᭀᬜ᭞ᬗ᭄ᬮᬯᬸᬢ᭄ᬲᬸᬩᬳ᭄ᬤᬸᬫᬶᬦ᭄᭞ᬜᬾᬦ᭄ᬧᬢᬸᬢ᭄ᬫᬮ᭄ᬯᬦ᭄᭞ᬢ᭄ᬬᬂᬧᬘᬂᬦᬸᬳᬸᬢᬂ᭞ᬧ᭄ᬭᬕᬢᬂᬫᬮᬸᬧᬶᬮᬶᬳᬶᬦ᭄᭞ᬧᬂᬧᬢᬶᬄᬮ᭄ᬕ᭞ᬤ᭄ᬧᬂᬢ᭄ᬬᬂᬫᬸ
ᬗ᭄ᬓᬸᬭᬶᬦ᭄᭟᭐᭚ᬧᬗ᭄ᬓᬸᬃ᭚ᬫᬵᬢᬸᬃᬧᬢᬶᬄᬫᬹᬃᬢ᭄ᬬᬯᬰ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗ᭄ᬓᬶᬦ᭄ᬤᬸᬫᬸᬦ᭄ᬚᬶᬂᬚᬶᬗᬶ᭠ᬦ᭄᭞ᬲᬓᬶᬂᬳᬋᬧ᭄ᬲᬓᬶᬂᬧᬸᬗ᭄ᬓᬸᬃ᭞ᬲᬓᬶᬂᬤᬶᬚᬚᬵᬤᬗᬦ᭄᭞ᬭᬭᬶᬲ᭄ᬗᬤᭂᬕ᭄ᬲᬂᬧᬃᬣᬢᬦ᭄ᬲᬶᬕᬲᬶᬕᬸᬦ᭄᭞ᬚᬕᬶᬜ᭠
ᬫ᭄ᬩᬸᬢ᭄ᬲᬓᬶᬂᬳᬸᬦ᭄ᬢᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬶᬤ᭄ᬥᬬᬂᬓᭀᬓᬶᬄ᭟ᬫᬮᬶᬄᬫᬗ᭄ᬲᭂᬄᬲᬗᬃᬚ᭄ᬚᬸᬡ᭞ᬫᬢᬮᬶᬓᭂᬲ᭄ᬓᬫ᭄ᬧᬶᬕᬂᬭᬓ᭄ᬭ᭄ᬬᬵᬦ᭄ᬧᬢᬶᬄ᭞ᬫᬩᬶᬦ᭄ᬤᭂᬃᬫᬢᬸᬕᬶᬕ᭄ᬜᬸᬭᬸᬂ᭞ᬢᬍᬃᬢᬦ᭄ᬓᭂᬦᬾᬂᬕᬸᬕᬄ᭞ᬲᬳᬲᬶᬓᬲᬂᬧᬃᬣᬦᬺᬚᬓ᭄ᬫᬦᬜ᭄ᬚᬸᬂ᭞᭠
[᭓᭐ 30A]
᭓᭐
ᬲᬬᬦ᭄ᬢᭂᬓᭂᬓ᭄ᬢᬦ᭄ᬓᬶᬲᭂᬳᬦ᭄᭞ᬚᭂᬚᭂᬃᬮ᭄ᬯᬶᬃᬫᬦ᭄ᬤᬭᬕᬶᬭᬶ᭟ᬢᬫ᭄ᬧᬸᬳᬶᬂᬫᬦ᭄ᬤᬫᬭᬸᬢ᭄ᬣᬵ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬫᬕᬶᬜ᭄ᬚᭂᬮᬦ᭄ᬳᬓᬶᬤᬶᬓ᭄᭞ᬕ᭄ᬮᬶᬲᬦ᭄ᬲᬂᬧᬃᬣᬭᬸᬦ᭄ᬢᬸᬄ᭞ᬢᬶᬩᬓᬸᬦ᭄ᬤᬳᬶᬂᬮ᭄ᬫᬄ᭞ᬓᬳᬾᬭᬗᬦ᭄ᬫᬶᬋᬂᬲᬸᬭᬓᬾᬫᬓᬸᬳᬸᬕ᭄᭞ᬫᬲ᭄ᬯᬪ
ᬯᬓᬮᬜ᭄ᬚᬶᬢᬦ᭄᭞ᬓᬾᬫᭂᬗᬦ᭄ᬓᬭᬶᬫᬶᬦᭂᬳᬶᬦ᭄᭟ᬭᬭᬶᬲ᭄ᬫᬮᬶᬄᬫᬗᬦ᭄ᬤᬶᬓ᭞ᬳᬶᬄᬓ᭄ᬭ᭄ᬬᬵᬦ᭄ᬧᬢᬶᬄᬳᬶᬦ᭄ᬤᬭᬂ᭠ᬳᬶᬭᬚᬦᬶ᭞ᬲᬓ᭄ᬦᭂᬄᬮᬯᬸᬢᬂᬧᬶᬓᬸᬮ᭄᭞ᬫᬗ᭄ᬓᬶᬦ᭄ᬳᬶᬤ᭄ᬥᬲᬂᬧᬃᬣ᭞ᬭᬶᬲᬵᬓ᭄ᬱᬡᬫᬢᬶᬓᬲ᭄ᬲᬳᬵᬗᬭᬗ᭄ᬲᬸᬓ᭄᭞ᬫᬜᬶ᭠
ᬓ᭄ᬬᬂᬧᬓᬬᬸᬦᬦ᭄᭞ᬫᬗ᭄ᬭᬕᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭟ᬢᬸᬃᬲᬵᬫ᭄ᬧᬸᬦ᭄ᬫᬢ᭄ᬭᬶᬲᬶᬭᬄ᭞ᬢ᭄ᬭᬶᬦᬬᬡᬢᬗᬦᬾᬩᬶᬮᬂᬲᬶᬓᬶ᭞ᬗᬕᭂᬫ᭄ᬩᬚ᭄ᬭᬫᬶᬯᬄᬮᬶᬫ᭄ᬧᬸᬂ᭞ᬫᭀᬓ᭄ᬱᬮᬮᬦ᭄ᬢ᭄ᬭᬶᬰᬹᬮ᭞ᬓᬩᬶᬦᬯᬧᬗᬤᭂᬕᬾᬕᬸᬗᬭᬸᬳᬸᬃ᭞ᬳᬶᬫ᭄ᬧᭂᬃᬧᬃᬯ᭄ᬯᬢ᭄ᬣᬜᬓᬮ᭞
ᬳᬶᬭᬶᬓᬓ᭄ᬭ᭄ᬬᬵᬦᬧᬢᬶᬄ᭟ᬲᬭᭀᬱᬜᬕ᭄ᬚᬕ᭄ᬗᬫ᭄ᬧᭂᬕᬂ᭞ᬗᬫ᭄ᬩᬶᬮ᭄ᬢᬗᬦ᭄ᬘᭀᬓᭀᬃᬲᬂᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬗᬾᬩᭀ᭠ᬢ᭄ᬓᬦᬯᬦ᭄ᬫᬜᬯᬸᬧ᭄᭞ᬫᬫᭂᬓᭂᬲ᭄ᬫᬦ᭄ᬓᭂᬓᬂ᭞ᬩᬩᬃᬮᬲ᭄ᬬᬳᬧᬶᬲᬦᬦ᭄ᬳᬸᬲ᭄ᬓᬭᬗ᭄ᬓᬸᬮ᭄᭞ᬢᬗᬦ᭄ᬘᭀᬓᭀᬃᬓᬢ᭄ᬕᭂᬳᬂ᭞ᬋᬩᬄᬲᬂᬯᬶ
