[᭒᭗ 27B]
᭒᭗
ᬓ᭞ᬳᬮᬶᬲ᭄ᬬᬸᬲ᭄ᬫᬜᬋᬗᬶᬦ᭄᭟ᬲᬗᬃᬚ᭄ᬚᬸᬡᬗ᭄ᬮᬾᬩᬂᬳ᭄ᬭᬸᬦᬕᬧᬰ᭞ᬓᬕᬕᬯᭀᬓ᭄ᬓᬚᬚ᭄ᬭᬶᬄ᭞ᬗᭀᬓᭀᬓ᭄ᬩᬸᬗᬸᬢ᭄ᬜᭂᬩᬓ᭄᭞ᬯᬮᬸᬬᬓᬮᬵᬦ᭄ᬢᬓ᭞ᬳᬶᬭᬶᬓᬲᬶᬭᬓ᭄ᬭ᭄ᬬᬵᬦ᭄ᬧᬢᬶᬄ᭞ᬘᭂᬧᭂᬢ᭄ᬫᬗ᭄ᬮᬾᬩᬂ᭞ᬳ᭄ᬭᬸᬦᬾᬫᬳᬵᬰᬓ᭄ᬢᬶ
᭟ᬫᬦᬶᬯᬓᬶᬦ᭄ᬳᬦ᭄ᬢᬸᬓ᭄ᬳ᭄ᬭᬸᬯᬶᬦᬢᬾᬬᬵᬲ᭄ᬢ᭄ᬭ᭞ᬯᬶᬚᬶᬮ᭄ᬲᬂᬓᬕᬧᬢᬶ᭞ᬗᬶᬩᭂᬃᬭᬶᬂᬳᬫ᭄ᬩᬭ᭞ᬲᬳᬲᬜᬦ᭄ᬤᭂᬃᬦᭂᬃᬚᬂ᭞ᬳᬶᬳ᭄ᬭᬸᬦᬕᬧᬰᬵᬗ᭄ᬮᬶᬮᬶᬢ᭄᭞ᬭᭀᬱᬫᬗ᭄ᬮᬯᬵᬦ᭄᭞ᬲᬹᬓ᭄ᬱ᭄ᬫᬭᬶᬂᬩ᭄ᬬᬸᬫᬦ᭄ᬢᬭᬶ᭟ᬮᬶᬦ᭄ᬢᬂᬓ᭄ᬭᭀᬥᬦᬾᬫᬗ᭄ᬓᬶ
ᬦ᭄ᬲᬂᬤᬦᬜ᭄ᬚᬬ᭞ᬫᬢᬶᬢᬶᬲ᭄ᬭᬓ᭄ᬭ᭄ᬬᬵᬦ᭄ᬧᬢᬶᬄ᭞ᬲᬳᬵᬧᬰᬸᬧᬢ᭄ᬬ᭞ᬗ᭄ᬮᬾᬩᬂᬳ᭄ᬭᬸᬳᬸᬢᬵᬰᬡ᭞ᬫᬸᬫ᭄ᬩᬸᬮ᭄ᬢᬂ᭠ᬧᬯᬓᬵᬫᬶᬚᬶᬮ᭄᭞ᬯᬮᬸᬬᬕᬸᬦᬸᬂᬕ᭄ᬦᬶ᭟ᬭᬓ᭄ᬭ᭄ᬬᬵᬦ᭄ᬧᬢᬶᬄᬗᬯᬍᬲ᭄ᬳᬦ᭄ᬢᬸᬓ᭄ᬩ᭄ᬭᬸᬦᬵᬲ᭄ᬢ᭄ᬭ᭞ᬤᭂᬓᭂᬢ᭄ᬕᬸᬍᬫ᭄ᬗ᭄ᬭᬯᬸᬳᬶᬦ᭄
ᬫᬗ᭄ᬮᬶᬧᬸᬢᬵᬫ᭄ᬩᬭ᭞ᬋᬫ᭄ᬋᬫ᭄ᬳ᭄ᬬᬂᬲᬰ᭄ᬭᬗ᭄ᬲᬸᬫᬦ᭄᭞ᬫᬓᭀᬳᭀᬓ᭄ᬭᬶᬂᬪ᭄ᬬᭀᬫᬦ᭄ᬢᬭᬶ᭞ᬫᬗ᭄ᬕᬯᬾᬳᬸᬤᬦ᭄᭞ᬓᬤᬶᬭ᭄ᬯᬩᬶᬂᬚᬮᬥᬶ᭟ᬓᬩᬶᬦᬯᬧᬘᭂᬧᬸᬓ᭄ᬳᬶᬤ᭄ᬥᬲᬂᬓᬵᬃᬭ᭄ᬯ᭞ᬓᬤᬶᬫᬸᬩᬸᬭᬂᬲᬶᬣᬶ᭞ᬫᬮᬶᬄᬲᬗᬃᬚ᭄ᬚᬸᬡ᭞ᬗᬺᬕᭂᬧ᭄ᬳ
[᭒᭘ 28A]
᭒᭘
ᬲ᭄ᬢ᭄ᬭᬉᬢ᭄ᬢᬫ᭞ᬗ᭄ᬮᭂᬧᬲ᭄ᬭᬸᬯᬸᬗ᭄ᬓᬮ᭄ᬲᬳᬸᬓᬶᬃ᭞ᬓ᭄ᬭᬸᬭᬓᬵᬭ᭞ᬭᬸᬧᬦᬾᬫᬗᬗᭀᬩᬶᬦ᭄᭟ᬭᬓ᭄ᬭ᭄ᬬᬵᬦ᭄ᬧᬢᬶᬄᬫᬗ᭄ᬮᬾᬩᬂᬳ᭄ᬭᬸᬢᬗ᭄ᬕᬮ᭞ᬗ᭄ᬭᬸᬤᬸᬕ᭄ᬓᬤᬶᬓ᭄ᬭᬸᬕ᭄ᬢᬶᬢᬶᬃ᭞ᬗ᭄ᬚᭂᬃᬫᬳᬾᬜ᭄ᬚᭀᬗᬦ᭄᭞ᬲᬸᬭᬵᬓ᭄ᬲᬮᬶᬂᬲᬸᬭᬵᬓᬂ᭞ᬓᬾᬭᬗᬦ᭄ᬲᬂ
ᬧᬃᬣᬕᭂᬮᬶᬲ᭄᭞ᬗ᭄ᬮᭂᬧᬲ᭄ᬩ᭄ᬭᬳ᭄ᬫᬵᬲ᭄ᬢ᭄ᬭ᭞ᬮ᭄ᬯᬶᬃᬕ᭄ᬮᬧ᭄ᬭᬶᬂᬳᬯ᭄ᬬᬢᬶ᭟ᬭᬭᬶᬲ᭄ᬫᬮᬶᬄᬭᬓ᭄ᬭ᭄ᬬᬵᬦ᭄ᬧᬢᬶᬄᬫᬹᬃᬢ᭄ᬬᬯᬰ᭞ᬜᬩᬸᬢ᭄ᬤᬦᬸᬄᬦᬶᬯᬓᬶᬦ᭄᭞ᬳ᭄ᬭᬸᬲᬫ᭄ᬩᬃᬢ᭄ᬣᬓᬵ᭞ᬗᬫᭂᬲᭂᬳᬶᬦ᭄ᬩ᭄ᬭᬳ᭄ᬫᬵᬳᬲ᭄ᬢ᭄ᬭ᭞ᬗᬺᬤᭂᬕ᭄ᬫᬲᭂᬫ᭄ᬩᬭᬦ᭄ᬕᭂᬦᬶ᭞ᬦᬾᬦᭀᬦ᭄ᬢᭀᬦ᭄ᬲ
ᬳᬕ᭄᭞ᬫ᭄ᬭᬲᬓᬸᬤᬦᬦ᭄ᬕᭂᬦᬶ᭟ᬫᬮᬶᬄᬗᬫ᭄ᬩᬶᬮ᭄ᬲᬂᬧᬃᬣᬳᬶᬲᬸᬲᬵᬫ᭄ᬧᬢ᭞ᬕ᭄ᬮᬶᬲᬶᬭᬓ᭄ᬭ᭄ᬬᬵᬦ᭄ᬧᬢᬶᬄ᭞ᬫᭂᬡ᭄ᬝᬂᬫᬗ᭄ᬮᭂᬧᬲ᭄᭞ᬗ᭄ᬮᬾᬩᬂᬳ᭄ᬭᬸᬩᬵᬬᬸᬩᬚ᭄ᬭ᭞ᬳᬗᬶᬦ᭄ᬳᬮᬶᬯᬯᬃᬧᬸᬲᬶᬂ᭞ᬳ᭄ᬭᬸᬦᬾᬳᬶᬘᬮ᭄᭞ᬲᬸᬭᬵᬓ᭄ᬫᬯᬦ᭄ᬢᬶᬯᬦ᭄ᬢᬶ᭟ᬯ
ᬤ᭄ᬯᬢᬲᬶᬓ᭄ᬫᬮᬬᬭᬯᬶᬂᬳᬱ᭄ᬝᬶᬦᬵ᭞ᬭᬾᬄᬲᬂᬫᬧᬕᬸᬢ᭄ᬚᬸᬭᬶᬢ᭄᭞ᬲᬫᬶᬢᬦ᭄ᬓᬲᭀᬭᬦ᭄᭞ᬫᬘᭂᬧᬸᬓ᭄ᬲᬫᬶᬳᬶᬘᬮ᭄᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬗᭂᬦᬶᬦᬶᬦ᭄᭞ᬯᬸᬲ᭄ᬧᬸᬧᬸᬕ᭄ᬧᬸᬦᬄ᭞ᬲᬫᬶᬳᬸᬢᬸᬄᬢᬦ᭄ᬓᭂᬦᬶ᭟ᬲᬫᬶᬢ᭄ᬕᬸᬄᬭᬭᬶᬲ᭄ᬲᬫᬶ᭠
