[᭑ 1B]
᭑
᭚᭜᭚
ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚ᬢᭂᬫ᭄ᬩᬂᬲᬶᬦᭀᬫ᭄ᬳᬗ᭄ᬭᬸᬳᬸᬦᬂ᭞ᬢᬶᬥᬶᬫᬲᬦ᭄ᬫᬗᬢᬶᬢ᭄᭞ᬫᬦᬸᬚᬸᬩᬸᬤ᭄ᬟᬓᬮᬶ᭠ᬯᭀᬦ᭄᭞ᬯᬭᬫᬢᬮ᭄ᬫᬦᭂᬫᭀᬦᬶᬦ᭄᭞ᬢᬗ᭄ᬕᬮ᭄ᬧᬶᬂᬦᭂᬫ᭄ᬭᬶᬂᬰᬰᬶᬄ᭞ᬓᬤᬰᬲᭂᬤᭂᬓ᭄ᬭᬄᬯᭀᬮᬸ᭞ᬢᭂᬗ᭄ᬕᭂᬓ᭄ᬳᭀᬮᬸᬳᬶ
ᬢᬸᬗᬂ᭞ᬳᬂᬰᬓᬜᬲᬶᬬᬩᬗ᭄ᬲᬶᬢ᭄᭞ᬦᬗ᭄ᬕᬸᬳᬸᬮᬸᬂᬤᬰᬓᭀᬘᬧ᭄ᬦᬾᬓᬳᬸᬘᬧ᭄᭟ᬤᬸᬄᬦᬫᬸᬲᬗ᭄ᬳ᭄ᬬᬂᬳ᭄ᬬᬗᬶᬂᬳ᭄ᬬᬂ᭞ᬦᬶᬭᬵᬢ᭄ᬫᬓᬓᬂᬳᬦᬶᬱ᭄ᬝᬶ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬭᬶᬂᬳᬶᬤ᭄ᬟᬳ᭄ᬬᬂᬧ᭄ᬭᬫᬓᬯᬶ᭞ᬫᬶᬯᬄᬳ᭄ᬬᬂᬲᬭᬰ᭄ᬯᬢᬶ᭞ᬢᬦ᭄ᬮ᭄ᬬᬦ᭄ᬳᬶ᭠
ᬤ᭄ᬟᬳᬶᬱ᭄ᬝ᭄ᬬᬾᬂᬯᬦᬸ᭞ᬕᬶᬦᭂᬮᬃᬭᬶᬂᬲ᭄ᬯᬳᬺᬤ᭄ᬟᬲ᭞ᬫᬗ᭄ᬤᬢᬦ᭄ᬓᬢᬸᬮᬄᬲᬭᬶᬓ᭄᭞ᬲᬶᬤ᭄ᬟᬮᬸᬧᬸᬢ᭄᭞ᬢᬦ᭄ᬓᬢᬫᬦ᭄ᬳᬶᬮᬵᬳᬶᬮᬵ᭟ᬳᬶᬗ᭄ᬕᬶᬄᬳᬶᬤ᭄ᬟᬤᬦᬾᬲᬫ᭄ᬬᬦ᭄᭞ᬲᬂᬓᬬᬸᬦ᭄ᬜᬶᬗᬓ᭄ᬫᬯᭀᬲᬶᬦ᭄᭞ᬲᬳᬶᬱ᭄ᬡᬸᬲᬵᬫ᭄ᬧᬸᬭᬧᬶᬲᬦ᭄᭞ᬢᬶᬢ᭄ᬬᬂᬗᬶᬦ᭄ᬤ᭠
ᬭᬂᬫᬗ᭄ᬕᬸᬭᬶᬢ᭄᭞ᬗᬶᬲᬦᬭᬶᬂᬦᬯᬶᬤ᭄ᬟᬶ᭞ᬫ᭄ᬩᬲᬩᬮᬶᬬᬂᬭᬶᬂᬓᬶᬤᬸᬂ᭞ᬤᬸᬫᬤᬓ᭄ᬲᬶᬄᬳ᭄ᬬᬂᬲᬹᬓ᭄ᬱ᭄ᬫ᭞ᬫᬗ᭄ᬤᬜᬶᬤ᭄ᬟᬬᬂᬫᬕᭂᬦ᭄ᬤᬶᬂ᭞ᬧᬜᬮᬶᬫᬸᬃᬦᬸᬗ᭄ᬓᬸᬮᬂᬫᬦᬄᬧ᭄ᬭᬧᬜ᭄ᬘ᭟ᬳᬢᬸᬃᬧᬗᬓ᭄ᬱᬫᬦ᭄ᬢᬶᬢ᭄ᬬᬂ᭞ᬭᬶᬂᬧᬭᬵᬧᬫ᭄ᬬᬵᬃᬱᬲᬫᬶ᭞ᬢᬦ᭄ᬲᬓᬭᬶᬂᬳᬚ᭄ᬭᬶᬄᬘ
[᭒ 2A]
᭒
ᬘᬤ᭄᭞ᬫᬓᬵᬤᬶᬧᬘᬂᬕᬸᬬᭀᬦᬶᬦ᭄᭞ᬫᬧᬦ᭄ᬲᬓᬶᬂᬲᬸᬚᬢᬶ᭞ᬤ᭄ᬫᭂᬦ᭄ᬫᬫᬦᬄᬫᬳᬸᬭᬸᬓ᭄᭞ᬭᬾᬄᬫᬭᬸᬧᬓᬤᬶ᭠ᬧᬗ᭄ᬓᬄ᭞ᬗᬶᬓᭂᬢ᭄ᬓᬓᬯ᭄ᬬᬦ᭄ᬧᬸᬦᬶᬓᬶ᭞ᬮᬶᬦ᭄ᬢᬂᬓᬾᬯᬸᬄᬗᬶᬮᬶᬗᬶᬦ᭄ᬓᭂᬘᬧᬶᬂᬰᬲ᭄ᬢ᭄ᬭ᭟ᬫᬓᬧᬹᬃᬯ᭄ᬯᬓᬦᬶᬂᬲᬢ᭄ᬯ᭞ᬯᬾᬦ᭄ᬢᭂᬦ᭄ᬭᬢᬸᬘ
ᬓ᭄ᬭᬯᬃᬣᬶ᭞ᬭᬶᬂᬚᬕᬢ᭄ᬢᬲᬶᬓ᭄ᬫᬮᬬ᭞ᬫᬭᬓᬂᬲᬸᬪᬶᬓ᭄ᬱᬢᬺᬧ᭄ᬢᬶ᭞ᬧᭂᬲᬾᬗᬦ᭄ᬰ᭄ᬭᬶᬳᬶᬦ᭄ᬤ᭄ᬭᬧᬢᬶ᭞ᬧ᭄ᬭᬪᬹᬤᬢᬘᬦ᭄ᬤ᭄ᬭᬵᬩᬦᬸ᭞ᬤᬳᬢᬶᬂᬫᬯᬶᬰᬾᬱ᭞ᬲᬶᬤ᭄ᬥᬦᬶᬂᬬᭀᬕᬲᬫᬥᬶ᭞ᬦᬾᬓᬕᬶᬦᬸᬂᬗ᭄ᬕᭂᬮᬭᬂᬩᬸᬤ᭄ᬥᬩᬾᬭᬯ᭟ᬧᬕᭂᬄᬗᬫᭀᬂᬩ᭄ᬭᬢ᭄ᬣ
ᬢᬧ᭞ᬭᬯᬶᬂᬳᬶᬤ᭄ᬥᬧ᭄ᬭᬫᬶᬰ᭄ᬯᬭᬶ᭞ᬧᬭᬶᬧᬹᬃᬡ᭄ᬦᬧᬢᬶᬩ᭄ᬭᬢ᭄ᬣ᭞ᬧᬸᬱᬧᬢᬦ᭄ᬳᬶᬤ᭄ᬥᬯᬶᬦᬵᬃᬡ᭄ᬦᬶ᭞ᬲᬂᬤᬾᬯᬶᬯᬶᬭᬲᬦ᭄ᬢᬶ᭞ᬲᬸᬲᬢ᭄ᬬᬭᬶᬂᬕᬸᬡᬳᬬᬸ᭞ᬫᬳᭀᬓᬳᬶᬲ᭄ᬢ᭄ᬭᬶᬲᬦᬸᬗ᭄ᬕᬮ᭄᭞ᬫᬧᬭᬩ᭄ᬥ᭄ᬬᬄᬲᭀᬫᬯᬢᬶ᭞ᬳᬬᬸᬦᬸᬮᬸᬲ᭄ᬕᬸᬡᬫᬦ᭄ᬢ᭄ᬭᬯᬶ
ᬘᬓ᭄ᬱᬡ᭟ᬬᬸᬱᬲ᭄ᬥᭂᬂᬫᭂᬂᬧᭂᬂᬳᬦᭀᬫ᭄᭞ᬓᬬ᭄ᬯᬵᬦᬾᬢᬢᬦ᭄ᬧᬲᬶᬭᬶᬂ᭞ᬲᬧᬭᬶᬧᭀᬮᬄᬳᬗ᭄ᬭᬭᬲ᭄᭞ᬗᬦᬸᬢᬶᬦ᭄ᬲᬰᬡᬳᬚᬶ᭞ᬲᬸᬰᬶᬮᬲᬥᬸᬩᬸᬤ᭄ᬥᬶ᭞ᬲᬧᬦᬶᬢᬄᬬᬬᬄᬳᬶᬩᬸ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬲᬧᬫᬃᬕ᭄ᬕᬶᬯᬦ᭄ᬢᬄᬗᬶᬭᬶᬂ᭞
