[᭑᭖ 16B]
᭑᭖
ᬭᬶᬂᬧᬗ᭄ᬓᬸᬲᬦᬾ᭞ᬲᬂᬭᬾᬯᬢᬶᬫᬤᬸᬮᬸᬃ᭞ᬘᬶᬢ᭄ᬭᬯᬢᬶᬫ᭄ᬯᬂᬲᬸᬓ᭄ᬭᬯᬢᬶ᭞ᬧ᭄ᬭᬫᬶᬰ᭄ᬯᬃᬬ᭄ᬬᬢᬦ᭄ᬲᬄ᭞ᬧᬦ᭄ᬤᭂᬂᬮᬶᬲ᭄ᬢ᭄ᬯᬬᬸ᭞ᬲᬲᭀᬮᬄᬫᬗᬸᬦ᭄ᬓᬸᬂᬭᬶᬫᬂ᭞ᬢᬫᬾᬂᬭᬭᬲ᭄᭞ᬲᬭᬭᬲ᭄ᬫᭂᬦ᭄ᬕᭂᬧ᭄ᬭᬲ᭄ᬨᬢᬶ᭞ᬫᬗ᭄ᬕᬯᬳᬸᬧᬘᬭ᭟ᬧᬗᬬᬳᬾᬦᬾᬮᬸᬄ
ᬳᬮᬄᬕᬶᬭᬶᬓ᭄ᬲᬫᬶᬕᭂᬜ᭄ᬚᬄ᭞ᬳᬮᬶᬢ᭄ᬩᬚᬂᬢ᭄ᬯ᭞ᬫᬓᬵᬤᬶᬲᬸᬭᬵᬯᬥᬸᬦᬾ᭞ᬓᬧᬶᬗ᭄ᬮᬸᬃᬤ᭄ᬬᬄᬳᬬᬸ᭞ᬕᬶᬭᬬᬲᬦ᭄ᬫᬶ᭠ᬭᬕᬶᬳᭀᬃᬢ᭄ᬣᬶ᭞ᬧᬸᬦᬶᬓᬫᬳᬯᬶᬦᬦ᭄᭞ᬯᬾᬦ᭄ᬢᭂᬦ᭄ᬫ᭄ᬮᬳᬶᬩ᭄ᬮᬩᬸᬄ᭞ᬩᬄᬩᬗᬸᬦ᭄ᬫᬩᭂᬘᬢ᭄ᬲᬾᬧᬦ᭄᭞ᬯᬾᬦ᭄ᬢᭂᬦ᭄ᬳᭀ᭠
ᬲᬄ᭞ᬮᬦᬂᬮᬦᬂᬫᬗᬶᬦ᭄ᬢᬶᬧ᭄᭞ᬫ᭄ᬮᭂᬤ᭄ᬫᬗ᭄ᬕᬶᬳᬶᬦ᭄ᬲᬂᬧᬃᬣ᭟ᬦᬾᬓᬮᬸᬫ᭄ᬭᬄᬧᭂᬓᬶᬓᬾᬢᬦ᭄ᬲᬶᬧᬶᬫᬯᬶᬰᬾᬱ᭞ᬲᬸᬕᬸ᭠ᬡᬰᬓ᭄ᬢᬶᬫᬦ᭄᭞ᬫᬦᬸᬢ᭄ᬭᬶᬂᬬᬸᬱᬯᬃᬡ᭄ᬦᬦᬾᬳᬶᬦᬸᬘᬧ᭄ᬚᬬᬰᬢ᭄ᬭᬸ᭞ᬫ᭄ᬯᬄᬯᬶᬤᬕ᭄ᬥᬫᬫᬸᬮᬸᬢ᭄ᬳᬲᬶᬄ᭞ᬓᬮᭀᬓᬾᬂᬚᬦ
ᬦ᭄ᬢᬭᬶᬂᬧᬗᬯ᭄ᬭᬸᬄ᭞ᬯᬢᭂᬓ᭄ᬯᬦᬶᬢᬦᬾᬳᬾᬕᬃ᭞ᬗᬶᬭᬶᬂᬓᭀᬤᬮ᭄᭞ᬫᬧᬬᬲ᭄ᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬗᬧᬶᬓᬶ᭠ᬦ᭄ᬧᬧᬭᬲᬦ᭄᭟ᬫᬗ᭄ᬓᬶᬦ᭄ᬳᬶᬤ᭄ᬥᬰ᭄ᬭᬷᬧ᭄ᬭᬫᬾᬰ᭄ᬯᬭᬶᬓᬫᬗ᭄ᬕᬮᬵ᭞ᬭᬶᬂᬳᬋᬧ᭄ᬫᬫᬵᬃᬕ᭄ᬕ᭞ᬓᬳᬫᭂᬃᬭᬶᬂᬧᬡ᭄ᬥᬶᬢ᭄ᬣᬦᬾ᭞ᬧᬗᬜ᭄ᬚᬸ
[᭑᭗ 17A]
᭑᭗
ᬭᬾᬭᬶᬂᬳᬬᬸᬦ᭄᭞ᬲᬵᬫ᭄ᬧᬸᬦ᭄ᬲᬫᬶᬲᬯᬢ᭄ᬭᬫᬶᬚᬶᬮ᭄᭞ᬲᬭᬯᬸᬳᬾᬳᬶᬭᬶᬓᬵ᭞ᬲᬂᬰ᭄ᬭᬷᬦᬺᬧᬯᬥᬸ᭞ᬫᬜᬸᬚᬸᬃ᭠ᬩᬮᬾᬧᬲᬫᬸᬳᬦ᭄ᬫᬲᬋᬗᬦ᭄᭞ᬭᬶᬂᬳᬶᬤ᭄ᬥᬥ᭄ᬬᬄᬲᭀᬫᬯᬢᬶ᭞ᬓᬭᬶᬭᬭ᭄ᬬᬵᬦᬾᬂᬦᬢᬃ᭟ᬦᬸᬦᬲ᭄ᬮᬸᬕ᭄ᬭᬧ᭄ᬭᬡ᭠
ᬫ᭄ᬬᬗᬜ᭄ᬚᬮᬶᬬᬦ᭄ᬧᬃᬡ᭄ᬦᬬᬂ᭞ᬓᬤᬶᬢᬭᬳᬸᬤᬦ᭄᭞ᬫᬭᭀᬲ᭄ᬭᭀᬲᬦ᭄ᬢᬗᬦᬾ᭞ᬓᬸᬘᬸᬧᬶᬂᬓᬭᬮᬸᬭᬸᬲ᭄᭞ᬋᬗ᭄ᬓ᭄ᬬᬋᬗ᭄ᬓ᭄ᬬᬵᬗᬶᬂᬋᬫ᭄ᬧᬶ᭞ᬲᬸᬫᬶᬗ᭄ᬓᬶᬦ᭄ᬓᬭᬳᬢᬦ᭄᭞ᬲᬂᬓᬦ᭄ᬤᭂᬳᬦ᭄ᬮᬸᬮᬸᬢ᭄᭞ᬩᬶᬦᬰ᭄ᬫᬶᬦᬶᬂᬲ᭄ᬫᬭᬦᬵᬮ᭞ᬩᬸᬓᬘᬶᬗᬓ᭄᭞ᬳᬦ᭄ᬢᬸ
ᬓ᭄ᬳᬶᬤ᭄ᬥᬰ᭄ᬭᬷᬪᬸᬧᬢᬶ᭞ᬮᬾᬤᬂᬓᬢᬭᬾᬂᬢᬶᬗ᭄ᬳᬮ᭄᭟ᬲᬳᬵᬲ᭄ᬫᬶᬢᬫᬲ᭄ᬫᬸᬕᬸᬬᬸᬭᬭᬶᬲ᭄ᬗᬦ᭄ᬤᬶᬓᬬᬂ᭞ᬗᬭᬭᬶᬲ᭄ᬫᬸᬗ᭄ᬕᬳᬦ᭄᭞ᬫ᭄ᬮᬶᬗ᭄ᬕᬶᬄᬭᬶᬂᬓᬶᬯᬦ᭄ᬳᬶᬤ᭄ᬥᬦᬾ᭞ᬲᬋᬂᬫᬓᬭᭀᬦ᭄ᬮᬸᬗ᭄ᬕᬸᬄ᭞ᬭᬶᬂᬳᭀᬓᬦᬾᬥ᭄ᬬᬄᬲᭀᬫᬯᬢᬶ᭞ᬭᬶᬂᬢ᭄ᬗᭂᬦ᭄ᬓᬤᬯᬸᬳᬂ᭞ᬲᬧ
ᬤᬦ᭄ᬭᬶᬂᬳᬬᬸ᭞ᬗᬧᬶᬢ᭄ᬳᬚᬶᬦᬾᬫᬚᬚᬭ᭄᭞ᬲᬬᬦ᭄ᬫᬫ᭄ᬭᬢ᭄᭞ᬲᬂᬧᬃᬣᬓ᭄ᬭᬡᭂᬳᬦ᭄ᬗᬓ᭄ᬱᬶ᭞ᬲᬂᬫᬡᬶᬓᬶᬂᬓᬤᬢ᭄ᬯᬦ᭄᭟ᬳᬧᬦ᭄ᬳᬶᬤ᭄ᬥᬲᬗ᭄ᬳ᭄ᬬᬂᬯᬕᬶᬰ᭄ᬯᬭᬶᬭᬶᬂᬲᬓᬵᬮ᭞ᬢᬸᬫᬸᬭᬸᬦ᭄ᬫᬜ᭄ᬚᬦ᭄ᬫ᭞ᬫᬓᬲᬵᬭᬷᬦᬶᬂᬲᬭᬵᬢᬾ᭞ᬲᬸᬫᬗ᭄ᬓᬶᬦ᭄ᬳᬮᬸᬄᬤᬸᬤᬸᬢ᭄
