[ ᭖ 6B]
᭖᭞
ᬦ᭄᭞ᬩᬕ᭄ᬬᬫᬮᬶᬄ᭞ᬭᬶᬂᬲᬓᬸᬯᬸᬩᬶᬂᬓᬲᬸᬘ᭄ᬬᬦ᭄᭟ᬚᬤ᭄ᬫᬦᬾᬧᬕᭂᬄᬗᬸᬢ᭄ᬲᬳ᭞ᬮᬦᬳᬦ᭄ᬢᭂᬂᬫᬲᬫᬥᬶ᭞ᬳᬶᬧᬸᬦ᭄ᬧᬘᬂᬲᬶᬤᬍᬧᬲ᭄᭞ᬭᬶᬂᬲᬮ᭄ᬯᬶᬭᬶᬂᬲᬦᬾᬦᭂᬕᬸᬮ᭄᭞ᬲᬳᬫᭀᬮᬶᬄ
ᬓᬦᬶᬃᬯᬦᬦ᭄᭞ᬲᬦᬾᬓᬧ᭄ᬢᬶ᭞ᬢᬢᬸᬚᭀᬦ᭄ᬧᬶᬦᬶᬄᬧᬫᭂᬓᬲ᭄᭟ᬓᬫᭂᬦᬗᬦ᭄ᬦᭀᬭᬮ᭄ᬬᬦᬦ᭄᭞ᬲᬦᬾ ᬧᬱ᭄ᬝᬶᬚᬕᬧᬗ᭄ᬕᬶᬄ᭞ᬳᬦ᭄ᬢᬸᬓ᭄ᬧᬂᬳᬦ᭄ᬢᭂᬂᬗᬸᬢ᭄ᬲᬳ᭞ᬢᬸᬃᬧᬭᬶᬲᭀᬮᬄ
ᬜᬧᬢᬸᬢ᭄᭞ᬗᬦ᭄ᬤᬧ᭄ᬓᬾᬲᭀᬃᬦᬶᬗ᭄ᬓᭂᬲ᭄ᬭᬕ᭞ᬘᬶᬦ᭄ᬢᬓᬲᬶᬄ᭞ᬭᬯᬲ᭄ᬳᬮᬸᬲ᭄ᬲᬤᬩᬦ᭄ᬩᬦ᭄᭟ᬢᬸᬃᬳᬸᬭᬶᬧ᭄ᬳᬶᬧᬸᬦ᭄ᬳᬜ᭄ᬘᬘᬤ᭄᭞ᬫᬤᭀᬄᬲᬓᬶᬂᬲᬃᬯ᭄ᬯᬤᬓᬶ᭞ᬢᬦ᭄ᬯᬭᬶᬗᬯᬲ᭄ᬧ
ᬤᬬᬂ᭞ᬤᬳᬢ᭄ᬳᭂᬍᬓ᭄ᬫᬧᬶᬓᬬᬸᬦ᭄᭞ᬢᬦ᭄ᬳᭂᬮᬤ᭄ᬗ᭄ᬯᬲᬬᬂᬭᬕ᭞ᬗᬾᬩᭂᬓ᭄ᬫᬮᬶᬄ᭞ᬳᬦ᭄ᬢᬸᬓ᭄ᬓᬢᬾᬮᬶᬗᬦ᭄ᬫᬦᬄ᭟ᬫᬮᬭᬧᬦ᭄ᬳᬦ᭄ᬢᬸᬓ᭄ᬬᬢ᭄ᬦ᭞ᬗᬸᬢ᭄ᬲᬳᬳᬦ᭄ᬢᭂᬂᬢᬦ᭄ᬫᬭᬶ᭞ᬲ
[ ᭗ 7A]
ᬳᬓᬬᬸᬦ᭄ᬳᬢᬸᬯᬶᬬᬦ᭄᭞ᬢᬸᬃᬯᬶᬦᬬᬲᬦᬾᬓᬸᬓᬸᬄ᭞ᬲᬲᬦᬦᬾᬦᭀᬭᬳᭀᬩᬄ᭞ᬚᬢᬶᬚᬢᬶ᭞ᬗᬸᬭᬸᬓ᭄ᬭᬕᬢᬦ᭄ᬚᬗ᭄ᬓᬬᬦ᭄᭟ᬧᬕᭂᬄᬓᬤᬶᬲᬧᬸᬦᬶᬓ᭞ᬳᬶᬤᬲᬂᬧ᭄ᬭᬚ᭄ᬜᬦ᭄ᬲᬸᬚᬢᬶ
᭞ᬫᬃᬗᬤᬶᬬᬂᬭᬕᬦ᭄ᬳᬶᬤ᭞ᬯᬮᬸᬬᬓᬤᬶᬗᬯᬗᬸᬦ᭄᭞ᬕᬶᬮᬶᬲᬦᬾᬓᬸᬓᬸᬄᬕᬸᬯᬢ᭄᭞ᬦᬾᬢᬦ᭄ᬓᭂᬦᬶ᭞ᬓᬮᬜ᭄ᬘᬄᬳᬦ᭄ᬢᬸᬓ᭄ᬩᬮᬩᬃ᭟ᬚᬦ᭄ᬫᬦᬾᬢᬫ᭄ᬩᭂᬢ᭄ᬩᬯᭀᬲᬂ᭞ᬦᬾᬢᬦ᭄ᬗᬳᬦᬦ᭄ᬧᬗᬸ
ᬦᬶᬂ᭞ᬢᬦ᭄ᬫᬭᬶᬗᬸᬮᬸᬭᬶᬦ᭄ᬳᬫ᭄ᬧᬄ᭞ᬦᬵᬗ᭄ᬳᬶᬂᬲᬂᬧ᭄ᬭᬚ᭄ᬜᬦ᭄ᬓᬧᬸᬧᬸᬲ᭄᭞ᬮᬦᬗᭂᬫᬶᬢ᭄ᬓᬢᬾᬮᬶᬗᬦ᭄᭞ᬓᬓᬬᬸᬦᬶᬦ᭄᭞ᬤᬺᬯᬾᬦ᭄ᬳᬶᬤᬧᬶᬦᬶᬄᬩᬸᬗᬄ᭟ᬚᬤ᭄ᬫᬦᬾᬲᬦᬾᬧᬯᬶᬓᬦ᭄᭞ᬦᬾᬲᬫ᭄ᬧᬸᬦ᭄ᬜᬧᬸ
ᬳᬂᬩᬺᬲᬶᬄ᭞ᬲᬓᬜ᭄ᬘᬦ᭄ᬳᬶᬦ᭄ᬤᬶᬓᬾᬳᬫ᭄ᬧᬄ᭞ᬳᬦ᭄ᬢᬸᬓ᭄ᬓᬢᬾᬮᬶᬗᬦ᭄ᬓᬬᬸᬦ᭄᭞ᬳᬶᬧᬸᬦ᭄ᬲᬶᬤᬚᬕᬍᬧᬲ᭄᭞ᬲᬓᬶᬂᬲᭂᬤᬶᬄ᭞ᬫᬮᬶᬄᬲᬓᬶᬂᬓᬲᬗ᭄ᬲᬭᬦ᭄᭟ᬦᬸᬜ᭄ᬘᬧ᭄ᬓᬧᬮᬶᬢ᭄ᬓᬧ᭄ᬭᬚ᭄ᬜᬦ᭄᭞ᬲᬳ
