[ ᭖᭗ 67B]
᭖᭗᭞
ᬦ᭄ᬧᬤᬾᬯᬾᬦ᭄ᬢᭂᬦ᭄ᬧᬶᬤᬩ᭄ᬤᬩ᭄᭞ᬲᬦᬾᬫᬸᬱ᭄ᬝᬶᬓᬓᬃᬤᬶᬦᬶᬦ᭄᭞ᬧᬢᬸᬢ᭄ᬚᬤ᭄ᬫᬦᬾᬜᬭᬢᬂ᭞ᬧᬓᬃᬬ᭄ᬬᬦᬾᬚᬦ᭄ᬢᭀᬲ᭄ᬧᬸᬧᬸᬢ᭄᭞ᬫᬦᬸᬢ᭄ᬫᬦᬄᬢᬢ᭄ᬯᬶᬬᬦ᭄᭞ᬓᬧᬶᬂᬓᬮᬶᬄ᭞ᬫᬗ᭄ᬤᬵ
ᬫᬦᬸᬢ᭄ᬢᬢᬓ᭄ᬭᬫᬵ᭟ᬫᬓ᭄ᬭᬡᬓᬤᬶᬧᬸᬦᬶᬓᬵ᭞ᬭᬾᬄᬘᬭᬦᬾᬫᬲᬫᬵᬥᬶ᭞ᬫ᭄ᬯᬄᬘᬭᬫᬢᬧᬩ᭄ᬭᬢ᭞ᬦᬾᬢᬦ᭄ᬚᬢᬶᬦᭂᬓᬾᬂᬓᬬᬸᬦ᭄᭞ᬓᬤᬶᬫᭂᬩᭂᬳᬶᬦ᭄ᬩᬸᬓ᭄ᬫᬸᬯᬄ᭞ᬗᬍᬩᬶᬳᬶᬦ᭄᭞
ᬭᬶᬂᬭᬕᬤᬓᬶᬫᬤᬸᬕᬮ᭄᭟ᬲᬓᬜ᭄ᬘᬦ᭄ᬲᭀᬮᬳᬾᬘᭀᬭᬄ᭞ᬩᭂᬘᬶᬓᬦ᭄ᬢᬦ᭄ᬓᬓᬃᬤᬶᬦᬶᬦ᭄᭞ᬭᬾᬄᬧᬭᬶᬲᭀᬮᬳᬾᬘᭀᬭᬄ᭞ᬚᬕᬫᬜᬶᬓ᭄ᬱᬧᬫᬸᬧᬸᬢ᭄᭞ᬲᬂᬗ᭄ᬮᬓ᭄ᬱ
ᬡᬬᬂᬧᬸᬦᬶᬓᬵ᭞ᬭᬶᬓᬵᬮᬦᬶᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬲᭀᬮᬳᬂ᭟ᬦᬾᬧᬶᬦᬶᬄᬩᭂᬘᬶᬓ᭄ᬓᬶᬦᬸᬘᬧ᭄᭞ᬲᭀᬮᬳᬾᬭᬳᬬᬸᬚᬢᬶ᭞ᬧᬸᬦᬶᬓᬵᬜᬦ᭄ᬤᬂᬲᭀᬮᬳᬂ᭞ᬲᬓᬜ᭄ᬘᬦ᭄ᬲᭀ
[ ᭖᭘ 68A]
ᬮᬳᬾᬧᬢᬸᬢ᭄᭞ᬲᬵᬲᬫ᭄ᬧᬸᬦ᭄ᬧᬸᬧᬸᬢ᭄ᬜᬾᬮᬳᬂ᭞ᬢᬦ᭄ᬚᬵᬫᬮᬶᬄ᭞ᬚᬕᬦᬫ᭄ᬧᬶ᭠ᬓᬲᭂᬤᬶᬳᬦ᭄᭞ᬮ᭄ᬯᬶᬃᬓᬸᬣᬭᬶᬂᬧᬯᬢᭂᬲᬦ᭄᭞ᬦᬾᬓᬭᬓ᭄ᬱᬓᬓᬸᬓᬸᬳᬶᬦ᭄᭞ᬭᬶᬂᬚᬩᬵᬫ᭄ᬯᬄᬭᬶᬂ
ᬢᭂᬗᬄ᭞ᬲᬳᬵᬧᬕ᭄ᬮᬭᬦ᭄ᬫᬗᬸᬯᬸᬩ᭄᭞ᬓᬤᬶᬧᬸᬦᬶᬓᬵᬧᬢᬸᬢ᭄ᬜᬵ᭞ᬤᬾᬯᬫᬗ᭄ᬓᬶᬦ᭄᭞ᬩᬭᬓ᭄ᬱᬭᬕᬦ᭄ᬳᬶᬤᬾᬯᬵ᭟ᬲᬵᬫ᭄ᬧᬸᬦᬂᬯᬾᬳᬶᬦᬵᬲᭂᬮ᭞ᬳᬶᬤᬾᬯᬚᬕᬜᬭᬶᬭᬶᬢ᭄᭞ᬯᬶᬭᬾᬄ
ᬲᬂᬲᬦᬾᬫᬗ᭄ᬕᬬᬂ᭞ᬤᬾᬯᬾᬓ᭄ᬳᬶᬧᬸᬦ᭄ᬫᬕᭂᬍᬩᬸᬕ᭄᭞ᬚᬕᬢᬸᬢᬸᬕ᭄ᬓᬲᭂᬤᬶᬳᬦ᭄᭞ᬭᬶᬓᬵᬮᬦᬶᬂ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬦᬭᬓᬵ᭟ᬚᬤ᭄ᬫᬦᬾᬫᬭᬱᬵᬓᬾᬫᬤ᭄᭞ᬭᬶᬂᬳᬶᬦ᭄ᬤᬶᬓ᭄ᬲᬦᬾᬲᬸᬚᬢᬶ᭞
ᬢᬦ᭄ᬗᬯᬾᬤᬾᬯᬾᬓ᭄ᬜᬓᬾᬫᬤ᭄᭞ᬫᬮᬶᬳᬵᬢᬦ᭄ᬫᬭᬱᬓᬶᬫᬸᬤ᭄᭞ᬭᬶᬂᬲᬓᬜ᭄ᬘᬦ᭄ᬧᬭᬶᬲᭀᬮᬳ᭄᭞ᬳᬕᬸᬂᬳᬮᬶᬢ᭄᭞ᬦᬾᬫᬭᬸᬧᬓᬲᭀᬭᬳᬦ᭄᭟ᬚᬤ᭄ᬫᬦᬾᬓᬤᬶᬓᬶᬦᬸ
