[ ᭕᭒ 52B]
᭕᭒᭞
ᬤᬾᬯ᭟ᬓᬯᬾᬦ᭄ᬢᭂᬦᬦ᭄ᬤᬾᬯᬫᬗ᭄ᬓᬶᬦ᭄᭞ᬚᬢᬶᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬤᬳᬢ᭄᭞ᬭᬶᬂᬳᭀᬩᬕ᭄ᬳᭀᬩᬕ᭄ᬓᭀᬭᬶᬦᬾ᭞ᬦᬾ ᬦᬸᬚᬸᬩᬺᬓ᭄ᬜᬕ᭄ᬧᬲᬄ᭞ᬗᬶᬂᬳᬶᬤᬾᬯᬤᬸᬭᬸᬂᬧᬶᬲᬦ᭄᭞ᬫᬤ᭄ᬯᬾᬩᭂ
ᬓᭂᬮ᭄ᬓᬵᬮᬦᬸᬮᬸᬄ᭞ᬧᬫᬃᬕᬶᬦᬾᬫᬤᬸᬃᬕᬫ᭟ᬭᬕᬦᬾᬜᬦ᭄ᬤᬂᬩᬺᬲᬶᬳᬶᬦ᭄᭞ᬲᬓᬶᬂᬍᬓᭂ᭠ᬢ᭄ᬫᬮᬶᬄᬘᬘᬤ᭄᭞ᬢᬍᬃᬓᬳᬶᬦ᭄ᬤ᭄ᬭ᭄ᬬᬦ᭄ᬫᬦᬳᬾ᭞ᬬᬾᬦ᭄ᬲᬵᬫ᭄ᬧᬸᬦ᭄ᬓᬤᬶᬧᬸᬦᬶᬓ᭞ᬳᬶᬤᬾᬯᬧᬘᬂᬢᬸᬫ
ᬫ᭞ᬭᬶᬂᬮᬶᬗ᭄ᬕᬶᬄᬲᬂᬧᬭᬧᬸᬢᬸᬲ᭄᭞ᬗᬭᬦ᭄ᬲ᭄ᬯᬃᬕ᭄ᬕᬵᬲᬸᬤ᭄ᬥᬵᬯᬭ᭟ᬳᬸᬭᬶᬧ᭄ᬳᬶᬤᬾᬯᬦᬾᬧᬸᬦᬶᬓᬶ᭞ᬲᬦᬾᬫᬗ᭄ᬓᬶᬦ᭄ᬚᬕᬧ᭄ᬭᬕᬢ᭄᭞ᬤᬾᬯᬚᬕᬧᬗᭀᬚᭀᬕᬾ᭞ᬭᬶᬂᬳᬶᬤᬵᬪᬝᬵᬭᬬᬫ
᭞ᬢᬦ᭄ᬯᬾᬦ᭄ᬢᭂᬦ᭄ᬕᭂᬦᬄᬫᬭᬃᬬ᭄ᬬᬦ᭄᭞ᬢᬍᬃᬩᭂᬓᭂᬮ᭄ᬲᬦᬾᬧᬸᬦ᭄ᬤᬸᬢ᭄᭞ᬭᬶᬓᬮᬭᬶᬂᬢᭂᬗᬄᬫᬃᬕ᭄ᬕᬵ᭟ᬳᬗ᭄ᬕᬾᬦ᭄ᬳᬶᬤᬾᬯᬧᬤᬶᬤᬶ᭞ᬧᬢᬸᬢᬾᬧᬸᬮᭀᬯᬗᬸᬦᬂ᭞ᬦᬾᬲᬓ᭄ᬱᬗ᭄ᬭᬓ᭄ᬱ
[ ᭕᭓ 53A]
ᬭᬕᬦᬾ᭞ᬫᬓ᭄ᬭᬡᬜᬦ᭄ᬤᬂᬕᭂᬮᬶᬲᬂ᭞ᬲᬵᬫ᭄ᬧᬸᬦᬂᬫᬢᬶᬦ᭄ᬤᬵᬢᬶᬦ᭄ᬤ᭞ᬉᬢ᭄ᬲᬳᬂᬲᬮ᭄ᬯᬶᬃᬧᬗᬯ᭄ᬭᬸᬄ᭞ᬤᬤᭀᬲᬂᬲᬂᬯᬶᬘᬓ᭄ᬱᬡ᭟ᬭᬕᬦᬾ ᬜᬦ᭄ᬤᬂᬩᬺᬲᬶᬳᬶᬦ᭄᭞ᬲᬓᬶᬂᬍᬓᭂᬢ᭄ᬫᬶᬯᬄᬘᬘᬤ᭄᭞ᬭᬶᬂᬮᬶ
ᬗ᭄ᬕᬶᬄᬧᬭᬲᬸᬘᬶᬦᬾ᭞ᬗᬭᬦ᭄ᬲ᭄ᬯᬃᬕ᭄ᬕᬵᬲᬸᬤᬵᬯᬭ᭞ᬳᬶᬭᬶᬓᬗ᭄ᬭᬜ᭄ᬚᬶᬂᬳᬶᬤᬾᬯ᭞ᬢᬸᬃᬚᬕᬩ᭄ᬢᬸᬤᬂᬬᬮᬸᬧᬸᬢ᭄᭞ᬲᬓᬶᬂᬱᬢᬶᬫᬶᬯᬄᬍᬓᬤ᭄᭟ᬫᬮᬭᬧᬦ᭄ᬲᬓᬓᬶᬤᬶᬓ᭄᭞ᬢᬍᬃᬲᬧ
ᬗ᭄ᬓᬵᬲᬧᬗ᭄ᬓ᭞ᬲᬓᬶᬂᬫᬲᬓᬫᬲᬦᬾ᭞ᬉᬢ᭄ᬲᬳᬦ᭄ᬲᬂᬯᬶᬘᬓ᭄ᬱᬡᬜᬧᬸᬄᬓᭂᬤᬲ᭄ᬭᬋᬕᭂᬤᬦ᭄᭞ᬳᬶᬢᬸᬢᬂᬫᬲ᭄ᬦᬾᬓᬢᬶᬭᬸ᭞ᬫᬺᬲᬶᬳᬶᬦ᭄ᬫᬮᬦᬶᬂᬧᬶᬭᬓ᭄᭟ᬓᬸᬫ᭄ᬧᬫᬬᬂᬲᬧᬸᬦᬶᬓᬶ᭞
ᬢᬳᬶᬦ᭄ᬩᭂᬲᬶᬦᬾᬢᬗ᭄ᬩᬶᬦ᭞ᬦᬾᬫᭂᬢᬸᬲᬓᬶᬂᬩᭂᬲᬶᬦᬾ᭞ᬢᬦ᭄ᬮᬾᬦ᭄ᬲᬦᬾᬓᬭᬸᬩᬾᬤᬵ᭞ᬩᭂᬲᬶᬦᬾᬧᬤᬶᬤᬶᬯᬦ᭄ᬢᬄ᭞ᬓᬢᭂᬤᬩᬦ᭄ᬓᬭᬢ᭄ᬳᬶᬧᬸᬦ᭄᭞ᬲᬓᬓᬶᬤᬶᬓ᭄ᬚᬦ᭄ᬢᭀᬲ᭄ᬢᭂᬮ
Kaca:Bali-lontar-paparikan-dammapada-500ppi.pdf/53
Kaca puniki sampun kauji-wacén
