[ ᭕᭐ 50B]
᭕᭐᭞
ᬮᬢ᭄ᬭᬶᬫᬲᬫᬥᬶ᭞ᬫᬫᬕᭂᬳᬂᬓᬲᬸᬰᬶᬮᬦ᭄᭞ᬓᬧ᭄ᬭᬚ᭄ᬜᬦ᭄ᬢᬦ᭄ᬲᬄᬗ᭄ᬭᬸᬦ᭄ᬢᬸᬢᬶᬦ᭄᭞ᬢᬸᬃᬫ᭠ᬭᬳᬶᬯᬸᬦ᭄ᬫᬫᬸᬲᬢ᭄᭞ᬦᬸᬚᬸᬓᬦᬶᬃᬯᬡᬦ᭄ᬗᬶᬮᬶᬲ᭄᭟ᬧᬶᬧ᭄ᬫᬗᬂᬳᬢᬸᬮᬩᬕᬸᬲ᭄᭞ᬭᬯᭀᬲ᭄ᬓᬓᬸ
ᬦᬦ᭄ᬧᬸᬦᬶᬓᬶ᭞ᬩᭀᬬᬲᬦᬾᬫᬗ᭄ᬓᬶᬦ᭄ᬯᬦ᭄ᬢᬄ᭞ᬚᬤ᭄ᬫᬦᬾᬫᬸᬮᬜᬤ᭄ᬘᬤᬶᬦ᭄᭞ᬲᬂᬦᭂ᭠ᬕᬓ᭄ᬢᬦ᭄ᬫᬓ᭄ᬮᬶᬲᬶᬓᬦ᭄᭞ᬲᭂᬧᬶᬢᬦ᭄ᬯᬾᬦ᭄ᬢᭂᬦ᭄ᬫᬫᬸᬜᬶ᭟ᬢᬍᬃᬓᬘᬾᬤᬢᬦ᭄ᬮᬸᬧᬸᬢ᭄᭞ᬚᬤ᭄ᬫᬦᬾ
ᬓᬢᬄᬫᬫᬸᬜᬶ᭞ᬳᬸᬕᬶᬢᬦ᭄ᬯᬸᬭᬸᬂᬓᬘᬤ᭄ᬘᬤ᭄᭞ᬚᬤ᭄ᬫᬦᬾᬗᬸᬘᬧ᭄ᬳᬓᭂᬤᬶᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬂᬲᬦᬾ ᬮᬲ᭄ᬬ᭞ᬦᬾᬢᬦ᭄ᬓᬘᬾᬤᬤᬶᬕᬸᬫᬶ᭟ᬭᬶᬂᬚᬕᬢᬾᬮᬸᬫ᭄ᬩ᭄ᬭᬄᬲᬫ᭄ᬧᬸᬦ᭄᭞
ᬢᬦ᭄ᬧᭂᬡ᭄ᬦᬄᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭞ᬭᬶᬂᬫᬲᬦᬾᬲᬫ᭄ᬧᬸᬦ᭄ᬮᬶᬦ᭄ᬢᬂ᭞ᬓᬤᬶᬲᬧᬸᬦᬶᬓᬳᬸᬕᬶ᭞ᬭᬶᬂᬫᬲᬦᬾᬧᬘᬂᬢᭂᬓ᭞ᬢᬦ᭄ᬚᬕᬯᬾᬦᬵᬢᭂᬦ᭄ᬫᬍᬚᬶᬢ᭄᭟ᬧᬶᬢᬸᬯᬶᬢᬦ᭄ᬧᬘᬂᬢᬸᬫ᭄ᬩᬸᬄ᭞ᬭᬶᬂ
[ ᭕᭑ 51A]
ᬫᬲᬦᬾᬲᬦᬾᬫᬗ᭄ᬓᬶᬦ᭄᭞ᬚᬤ᭄ᬫᬤᬳᬢ᭄ᬩᬕ᭄ᬬ᭞ᬫᬓᬲᬫᬶᬦ᭄ᬜᬓᬧᬸᬚᬶ᭞ᬢᬍᬃᬚᬤ᭄ᬫᬮᬗ᭄ᬓᬸᬂᬦᬶᬱ᭄ᬝ᭞ᬦᬾ ᬓᬘᬾᬤᬫᬓᬲᬫᬶ᭟ᬭᬶᬂᬲᬫ᭄ᬧᬸᬦ᭄ᬦᬼᬓ᭄ᬢᭂᬓᬂᬢᭂᬭᬸᬲ᭄᭞ᬳᬶᬦ᭄ᬤᬶᬓ᭄ᬜ
ᬦᬾᬤᬶᬦᬮᬢ᭄ᬭᬶ᭞ᬓᬯᬾᬦᬵᬢᭂᬦᬦ᭄ᬜᬫᬓᭂᬚᬂ᭞ᬭᬭᬶᬲ᭄ᬲᬂᬧ᭄ᬭᬚ᭄ᬜᬦ᭄ᬫᬫᬸᬚᬶ᭞ᬚᬤ᭄ᬫᬦᬾ ᬳᭂᬫ᭄ᬩᬂᬲ᭄ᬢᬦ᭄ᬘᬘᬤ᭄᭞ᬦᬾᬢᬦ᭄ᬧᬤᭀᬱᬫᬳᬸᬭᬶᬧ᭄᭟ᬢᬍᬃᬲᬂᬧ᭄ᬭᬚ᭄ᬜᬦ᭄ᬫᬜᬸᬫ᭄ᬩᬸᬂ᭞ᬳᬦᬓ᭄ᬯᬶᬓᬦ᭄ᬫᬮᬶᬄ
ᬭᬶᬭᬶᬄ᭞ᬫᬮᬶᬄᬚᬤ᭄ᬫᬲᬦᬾᬮᬶᬫ᭄ᬩᬓ᭄᭞ᬓᬢᬄᬫᬤᬺᬩᬾᬧᬗᬸᬦᬶᬂ᭞ᬲᬗ᭄ᬮᬓ᭄ᬱᬦᬬᬂᬲᬸᬰᬶᬮ᭞ᬲᬦᬾᬧᬕᭂᬄᬲᬳᬦᬶᬢᬶᬓ᭄᭟ᬲᬧᬲᬶᬭᬓᬾᬧᬸᬦᬶᬓᬸ᭞ᬚᬤ᭄ᬫᬦᬾᬧᬘᬂᬜᬳᬶᬮᬶᬦ᭄
᭞ᬜᬾᬤᬳᬶᬤᬲᬦᬾᬤᬩ᭄ᬤᬩ᭄᭞ᬗᬦ᭄ᬤᬧ᭄ᬓᬲᭀᬃᬜᬸᬜᬸᬃᬫᬦᬶᬲ᭄᭞ᬲᬢ᭄ᬲᭂᬓᬃᬫᬲ᭄ᬳᬦ᭄ᬢᬸᬓ᭄ᬩᬸᬗᬄ᭞ᬫᬗ᭄ᬕᭂᬄᬳᬶᬤᬗᬬᬸᬦ᭄ᬳ᭄ᬬᬸᬦᬶᬦ᭄᭟ᬧᬭᬤᬾᬯᬢᬦᬾᬮᬸᬳᬸᬃ᭞ᬲᬫᬶᬫᬗᬍᬫ᭄
Kaca:Bali-lontar-paparikan-dammapada-500ppi.pdf/51
Kaca puniki sampun kauji-wacén
