[ ᭔ 4B]
᭔᭞
ᬳᬶᬦ᭄ᬤ᭄ᬭᬶᬬᬦᬾᬫᬮᬍᬯᬶᬄ᭞ᬏᬮᬄᬧᬘᬂᬫᬺᬲᬶᬤᬬᬂ᭞ᬫᬾᬢᬾᬮ᭄ᬭᬯᬸᬄᬫᬜᬸᬲᬸᬧᬶᬦ᭄᭞ᬫᬦᬄᬳᬶᬧᬸᬦ᭄᭞ᬲᬂᬫᬬᬸᬲ᭄ᬢᬸᬃᬫᬕ᭄ᬮᬶᬬᬸᬤᬦ᭄᭟ᬓᬤᬶᬲᬩᭂᬳᬾᬢᬦ᭄ᬩᬶᬦ᭞ᬲᬦᬾᬢ᭄ᬯᬭ᭠
ᬫᬶᬓᭀᬮᬶᬄ᭞ᬧᬘᬂᬜᬸᬲᬸᬧᬶᬦ᭄ᬫᬾᬢᬾᬮᬂ᭞ᬓᭂᬋᬩ᭄ᬉᬫᬄᬲᬦᬾᬩᭂᬘᬶᬓ᭄᭞ᬓᬸᬓᬸᬄᬫᬧᬶᬬᬭᬲᬳᬶ᭞ᬲᬢ᭄ᬓᬤᬶᬧᬸᬦᬶᬓᬧᬢᬸᬄ᭞ᬳᬶᬦ᭄ᬤ᭄ᬭᬶᬬᬦᬾᬫᬮᬲᬲᬃ᭞ᬫᬾᬯᭂᬄᬫᬾᬢᬾᬲ᭄ᬗ
ᬭᬜ᭄ᬚᬶᬗᬶᬦ᭄᭞ᬲᬂᬲᬢᬸᬯᬸᬓ᭄᭞ᬫᬓᬬᬸᬦ᭄ᬧᬕᭂᬄᬢᬦ᭄ᬳᭀᬩᬄ᭟ᬇᬭᬶᬓᬶᬳᬶᬧᬸᬦ᭄ᬲᬗ᭄ᬰᬭ᭞ᬲᬤᬓᬵᬮᬲᭂᬤᬶᬄᬳᬢᬶ᭞ᬭᬶᬂᬓᬤᬶᬢ᭄ᬯᬦ᭄ᬚ᭄ᬯᬤᬸᬄᬓᬶᬢ᭞ᬭᬶᬂᬚᬕᬢᬾᬫᬓ
ᬓᬮᬶᬄ᭞ᬲᬂᬘᭀᬭᬄᬫᬫᬢᬶᬫᬢᬶ᭞ᬚᬕᬦᬦ᭄ᬤᬂᬲᭂᬥᬶᬄᬲᬸᬗ᭄ᬲᬸᬢ᭄᭞ᬢᬍᬃᬲᬮ᭄ᬯᬶᬃᬓᬫᬾᬯᭂᬳᬦ᭄᭞ᬓᬲᬗ᭄ᬲᬭᬦ᭄ᬲᬓᬶᬢ᭄ᬳᬢᬶ᭞ᬓᬵᬮᬳᬶᬧᬸᬦ᭄᭞ᬦᬫ᭄ᬧᬶᬯᭀᬄᬲᭀ
[ ᭕ 5A]
ᬮᬘᭀᬭᬄ᭟ᬇᬭᬶᬳᬶᬧᬸᬦ᭄ᬲᬸᬩᬕ᭄ᬬ᭞ᬭᬶᬂᬓᬤᬶᬢ᭄ᬯᬦ᭄ᬢ᭄ᬯᬫᬸᬧᭀᬦᬶᬦ᭄᭞ᬲᬤ᭄ᬬᬫᬮᬶᬄᬓᬮᬾᬤᬗᬦ᭄᭞ᬭᬶᬂᬚᬕᬢᬾᬫᬓᬓᬮᬶᬄ᭞ᬚᬤ᭄ᬫᬦᬾᬫᬲᭀᬮᬄᬩᭂᬲᬶᬓ᭄
᭞ᬲᬸᬩᬕ᭄ᬬᬧᬘᬂᬓᬧᬸᬧᬸ᭞ᬳᬶᬧᬸᬦ᭄ᬩᬗᭂᬢ᭄ᬫ᭄ᬭᬱᬩᬕ᭄ᬬ᭞ᬗᭂᬘᬧᬶᬦ᭄ᬓᬲᬸᬓᬦ᭄ᬳᬢᬶ᭞ᬓᬮᬭᬯᬸᬄ᭞ᬯᭀᬄᬲᭀᬮᬄᬜᬳᬬᬸᬧᭂᬘᬓ᭄᭟ᬲᬂᬘᭀᬭᬄᬓᬮᬭᬮᬭ᭞ᬭᬶᬂᬳᬸᬭᬶᬧ᭄ᬳᬶᬧᬸᬦᬾ
ᬫᬗ᭄ᬓᬶᬦ᭄᭞ᬤ᭄ᬬᬲ᭄ᬢᬸᬭᬶᬂᬚᬕᬢ᭄ᬓᬤᬶᬢ᭄ᬯᬦ᭄᭞ᬭᬶᬂᬚᬕᬢᬾᬫᬓᬓᬮᬶᬄ᭞ᬳᬶᬧᬸᬦ᭄ᬩᬗᭂᬢ᭄ᬜᬓᬶᬢ᭄ᬳᬢᬶ᭞ᬓᬕᭀᬤᬩᬦ᭄ᬘᭀᬭᬄᬳᬶᬧᬸᬦ᭄᭞ᬚᬕᬳᭂᬫ᭄ᬩᬲ᭄ᬢᬦ᭄ᬯᬸᬭᬸᬗᬦ᭄᭞ᬭᬶᬂᬦᬵᬭᬓᬗᬋ᭠
ᬲ᭄ᬋᬱᬶᬦ᭄᭞ᬢᬸᬃᬓᬮᬶᬧᬸᬢ᭄᭞ᬥᬸᬄᬓᬶᬢᬢᬦ᭄ᬧᬧᭂᬕᬢᬦ᭄᭟ᬲᬂᬲᬢ᭄ᬬᬓᬮᬗ᭄ᬓᬸᬂᬩᬕ᭄ᬬ᭞ᬳᬸᬭᬶᬧ᭄ᬭᬶᬂᬚᬕᬢ᭄ᬧᬸᬦᬶᬓᬶ᭞ᬢᬸᬯᬶᬭᬶᬂᬚᬕᬢ᭄ᬓᬤᬶᬢ᭄ᬯᬦ᭄᭞ᬭᬶᬂᬚᬕᬢᬾᬓᬮᬶᬄᬲᬫᬶ᭞ᬳᬶ
Kaca:Bali-lontar-paparikan-dammapada-500ppi.pdf/5
Kaca puniki sampun kauji-wacén
