[ ᭓᭒ 32B]
᭓᭒᭞
ᬰ᭄ᬭᬫᬦᬓᬶᬦᬸᬘᬧ᭄᭟ᬳᬭᬂᬓᬧᬗ᭄ᬕᬶᬄᬭᬶᬂᬚᬕᬢ᭄᭞ᬲᬂᬜᬶᬤᬬᬂᬗᭀᬤᬕ᭄ᬤᬶᬭᬶ᭞ᬳᬦ᭄ᬢᬸᬓ᭄ᬫᬢᬶᬍᬲᬂᬭᬕ᭞ᬗᬶᬫ᭄ᬧᬲᬶᬦ᭄ᬧᬜᬾᬤᬭᬯᬸᬄ᭞ᬲᬢ᭄ᬓᬸᬤᬓᭂᬜᬶᬄᬢᬦ᭄ᬩᬶᬦ᭞ᬫᬗᬶᬫ᭄ᬧᬲᬶ᭠
ᬦ᭄᭞ᬓᭂᬩ᭄ᬬᬳᬦ᭄ᬧᭂᬘᬸᬢᬾᬦᬮ᭄ᬤᬮ᭄᭟ᬮ᭄ᬯᬶᬃᬓᬸᬤᬓᭂᬜᬶᬄᬢᬸᬃᬳᬦ᭄ᬢᭂᬂ᭞ᬓᬮᬫ᭄ᬭᬲᬓᬧᭂᬘᬸᬢᬶᬦ᭄᭞ᬗᬋᬧᬂᬗᬗ᭄ᬲᬲᬭᬂᬦᬸᬫ᭄ᬩ᭄ᬭᬕ᭄᭞ᬲᬧᬸᬦᬶᬓᬧᬢᬸᬢ᭄ᬳᬶᬧᬸᬦ᭄᭞ᬚᬤ᭄ᬫᬦᬾᬫᬗ᭄ᬤᬧ᭄ᬭᬬᬢ᭄ᬦ
᭞ᬳᬦ᭄ᬢᭂᬂᬫᬮᬶᬄ᭞ᬗᬋᬧᬂᬢᬦ᭄ᬳᬶᬫᬳᬶᬫ᭟ᬳᬦ᭄ᬢᬸᬓ᭄ᬧᬗᭂᬕᬦᬾᬘᭂᬤᬂ᭞ᬲᬳᬲᬸᬰᬶᬮᬲᬫᬥᬶ᭞ᬳᬸᬢ᭄ᬲᬳᬜᭂᬍᬳᬶᬦ᭄ᬥᬃᬫ᭄ᬫ᭞ᬢᬸᬃᬓᬯᬶᬘᬓ᭄ᬱᬡᬦ᭄ᬓᬸᬓᬸᬄ᭞ᬳᬦ᭄ᬢᬸᬓ᭄ᬢᬾᬮᬶᬂᬫᬜᬭᬢᬂ
᭞ᬗ᭄ᬮᬾᬲᬂᬤᬶᬭᬶ᭞ᬲᬓᬶᬂᬓᬲᬗ᭄ᬲᬭᬦ᭄ᬚᬕᬢ᭄᭟ᬇᬲᬸᬩᬓ᭄ᬧᬢᬸᬢ᭄ᬦᬩ᭄ᬤᬩᬂ᭞ᬢᭀᬬᬦᬾᬲᬸᬫᬗ᭄ᬤᬾᬦ᭄ᬩᭂᬘᬶᬓ᭄᭞ᬭᬶᬂᬤᬶᬚᬧᬢᬸᬢ᭄ᬓᭂᬫ᭄ᬩᬢᬂ᭞ᬳᬶᬢᬸᬓᬂᬧᬦᬄᬓᬯᬸᬯᬸᬲ᭄᭞
[ ᭓᭓ 33A]
ᬦᬩ᭄ᬤᬩ᭄ᬗᬼᬂᬓᬸᬗᬂᬕᬦ᭄ᬤᬾᬯ᭞ᬚᬦ᭄ᬢᭀᬲ᭄ᬩᭂᬲᬶᬓ᭄᭞ᬲᬧᬸᬦᬶᬓᬕᬕᬶᬦᬦ᭄ᬜ᭟ᬳᬶᬢᬸᬓᬂᬓᬬᬸᬲᬢᬢ᭞ᬗᬃᬬ᭄ᬬᬦᬶᬦ᭄ᬓᬬᬸᬲᬸᬚᬢᬶ᭞ᬫᭂᬘᬶᬓᬂᬳᬢᭂᬧ᭄ᬳᬢᭂᬧᬦ᭄᭞ᬲᬂᬲᬸᬰᬶᬮᬦᭀᬭᬲᬸᬭᬸ
ᬤ᭄᭞ᬦᬩ᭄ᬤᬩᬂᬧᬭᬶᬲᭀᬮᬄᬜ᭞ᬭᬯᭀᬲ᭄ᬫᬮᬶᬄ᭞ᬗᭀᬋᬕᬂᬫᬦᬄᬲᬢᬢ᭟᭐᭟ᬤᬸᬃᬫ᭄ᬫᬵ᭟᭐᭟ᬓᬧᬶᬓ᭄ᬭᬡᬫᬮᬾᬤᬂᬮᬾᬤᬂᬢᬸᬃᬏᬕᬃ᭞ᬦᬧᬶᬓ᭄ᬭᬦᬓᭂᬤᬾᬓ᭄ᬓᭂᬜᬶᬂ᭞ᬲᭂ
ᬥᭂᬂᬧᬦᬲ᭄ᬗᬩᬃ᭞ᬚᬕᬢ᭄ᬧᬸᬦᬶᬓᬶᬓᬤᬶᬮᬧ᭄᭞ᬓᬮᬧᬧᭂᬢᭂᬂᬜᬧᬸᬢᬶᬦ᭄᭞ᬦᬧᬶᬓ᭄ᬭᬦᬢᬦ᭄ᬲᬭᬢ᭄ᬗᬭᬸᬭᬸᬄᬲᬸᬦ᭄ᬤᬶᬄ᭞ᬤᬸᬭᬸᬲ᭄ᬘᬶᬗᬓ᭄ᬧᬸᬦᬶᬓᬶᬳᬗ᭄ᬕᬦᬾᬩᬸᬗᬄ᭞ᬳᬸᬫᬄᬮᬭ
ᬩᭂᬓᬶᬦ᭄ᬕᭂᬭᬶᬂ᭞ᬕᭂᬦᬄᬢᬢᬸᬫ᭄ᬧᬸᬓᬦ᭄᭞ᬲᬮ᭄ᬯᬶᬃᬧᬧᭀᬮᬬᬦ᭄ᬫᬦᬄ᭞ᬢᬦ᭄ᬢᭂᬕ᭄ᬢᭂᬕ᭄ᬫᬕᬦ᭄ᬢᬶᬲᬳᬶ᭞ᬫᬗ᭄ᬓᬶᬦ᭄ᬳᬶᬘᬮ᭄ᬢᬦ᭄ᬲᬸᬯᬾᬫᬓᭂᬜᬶᬢ᭄ᬫᬮᬶᬄ᭟ᬚᬕᬭᬸᬲᬓ᭄ᬳᬗ᭄ᬕᬧᬸᬦᬶ
Kaca:Bali-lontar-paparikan-dammapada-500ppi.pdf/33
Kaca puniki sampun kauji-wacén
