[ ᭒᭘ 28B]
᭒᭘᭞
ᬦ᭄᭟ᬢᬦ᭄ᬩᬶᬦᬓᬤᬶᬲᬸᬤᬕᬃ᭞ᬦᬾᬫᬓ᭄ᬢᬩᬭᬂᬢᬦ᭄ᬓᬶᬤᬶᬓ᭄᭞ᬗᬶᬂᬢᬦ᭄ᬓᬢᬄᬲᬦᬾ᭠ᬗᭂᬩᬕ᭄᭞ᬮᬦᬗᬸᬢ᭄ᬲᬳᬗᬶᬫ᭄ᬧᬲᬶᬦ᭄᭞ᬕᭂᬦᬳᬾᬜᭂᬗ᭄ᬓᬮᬾᬦ᭄ᬲᬫᬶ᭞ᬧᬢᭂᬄᬭᬶᬂᬲᬂᬫᭂᬍᬤ᭄ᬳᬶ
ᬤᬸᬧ᭄᭞ᬲᬢᬢᬳᬶᬧᬸᬦ᭄ᬧ᭄ᬭᬬᬢ᭄ᬦ᭞ᬩᬬᬯᬶᬱᬦᬾᬓᬶᬫ᭄ᬧᬲᬶᬦ᭄᭞ᬢᬸᬳᬸᬧᬢᬸᬢ᭄᭞ᬚᬤ᭄ᬫᬦᬾᬗᬶᬫ᭄ᬧᬲᬶᬦ᭄ᬘᭀᬭᬄ᭟ᬬᬾᬦ᭄ᬧᬤᬾᬚᬤ᭄ᬫᬦᬾᬲᬶᬦᬄ᭞ᬭᬶᬂᬢᬗᬦ᭄ᬢᬦ᭄ᬯᬾᬦ᭄ᬢᭂᬦ᭄ᬓ᭠
ᬦᬶᬦ᭄᭞ᬜᬶᬤᬬᬂᬗᬫᭂᬮᬂᬯᬶᬱ᭞ᬭᬾᬄᬯᬶᬱᬦᬾᬢᬦ᭄ᬜᬓᬶᬢᬶᬦ᭄᭞ᬢᬗᬦ᭄ᬚᬤ᭄ᬫᬦ᭄ᬦᬾᬦᬾᬩᬺᬲᬶᬄ᭞ᬲᬦᬾᬢᬦ᭄ᬫᬤᬕᬶᬂᬢᬢᬸ᭞ᬓᬤᬶᬲᬧᬸᬦᬶᬓᬓᭀᬘᬧ᭄᭞ᬢᬦ᭄ᬯᬾᬦ᭄ᬢᭂᬦ᭄ᬩ
ᬬᬗ᭄ᬭᬯᬸᬳᬶᬦ᭄᭞ᬦᬸᬚᬸᬳᬶᬧᬸᬦ᭄᭞ᬲᬂᬢᬦ᭄ᬗᬯᬾᬓᬳᬶᬯᬗᬦ᭄᭟ᬢ᭄ᬯᬶᬲᬧᬲᬶᬭᬓᬾᬯᬦ᭄ᬢᭂᬦ᭄᭞ᬦᬶᬩᬓᬶᬦ᭄ᬤᬦ᭄ᬤᬜᬓᬶᬢᬶᬦ᭄᭞ᬚᬤ᭄ᬫᬦᬾᬢᬦ᭄ᬫᬤᬸᬯᬾᬳᬶᬯᬂ᭞ᬫᬸ᭠
[ ᭒᭙ 29A]
ᬭᬶᬧ᭄ᬢᬦ᭄ᬧᬘᬾᬤᬩᬺᬲᬶᬄ᭞ᬭᬶᬂᬲᬸᬃᬚᬦᬫᬯᬮᬶ᭞ᬓᬘᭀᬭᬳᬦᬾᬫᬦᬸᬚᬸ᭞ᬚᬕᬧᬲᭂᬮᬫ᭄ᬩᭂᬄᬢᬶᬩ᭞ᬤᬾᬯᬾᬓ᭄ᬳᬶᬧᬸᬦ᭄ᬓᬘᭂᬧᭀᬮᬶᬦ᭄᭞ᬲᬓᬤᬶᬩᬸᬓ᭄᭞ᬳᬫ᭄ᬧᭂᬳᬂᬳᬗᬶ
ᬦᬾᬩᬋᬢ᭄᭟ᬩᬘᬓᬦ᭄ᬳᬶᬧᬭᬚᬤ᭄ᬫ᭞ᬯᬾᬦ᭄ᬢᭂᬦ᭄ᬲᬦᬾᬫᬦᬸᬫᬤᬶ᭞ᬭᬶᬂᬚ᭄ᬭᭀᬦᬶᬂᬕᬃᬩᬦ᭄ᬳᬶᬩᬶᬬᬂ᭞ᬳᬶᬧᬸᬦ᭄ᬲᬂᬤᬸᬃᬚᬦᬗᬸᬗ᭄ᬲᬶᬓᬚᬕᬢ᭄ᬦᬭᬓᬗᭂᬧᬶᬮ᭄᭞ᬲᬮᬓ᭄ᬱ
ᬡᬭᬳᬬᬸ᭞ᬫᬦᬸᬚᬸᬭᬶᬂᬲ᭄ᬯᬃᬕᬮᭀᬓ᭞ᬚᬤ᭄ᬫᬦᬾᬢᬦ᭄ᬘᬾᬤᬩᬺᬲᬶᬄ᭞ᬫᬾᬢᬾᬮ᭄ᬦᭂᬭᬸᬲ᭄᭞ᬗᬮᬶᬯᬢ᭄ᬦᭂᬧᭀᬲ᭄ᬦᬶᬃᬯᬡ᭟ᬩᭀᬬᬭᬶᬂᬢᭂᬗᬄᬲᬫᬸᬤ᭄ᬭ᭞ᬩᭀᬬ᭠
ᬭᬶᬂᬭᬸᬳᬸᬃᬭᬶᬂᬮᬗᬶᬢ᭄᭞ᬭᬶᬂᬢᭂᬗᬄᬕᭀᬯᬦᬾᬩᭀᬬ᭞ᬭᬶᬂᬧᬸᬜ᭄ᬘᬓ᭄ᬕᬸᬦᬸᬗᬾᬫᬮᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬕᭂᬦᬄᬭᬶᬂᬕᬸᬫᬶ᭞ᬦᬾᬜᬶᬤᬬᬂᬳᬗ᭄ᬕᬾᬦ᭄ᬳᬶᬧᬸᬦ᭄᭞ᬫᬓᭂᬮᬶᬤ᭄
Kaca:Bali-lontar-paparikan-dammapada-500ppi.pdf/29
Kaca puniki sampun kauji-wacén
