[ ᭒᭕ 25B]
᭒᭕᭞
ᬫᬶᬢᭂᬢᬶᬦ᭄ᬭᬕ᭞ᬳᬭᬳᬶᬦᬩᭂᬘᬶᬓ᭄ᬮᬗ᭄ᬓᬸᬂ᭞ᬳᬸᬭᬶᬧᬾᬜᬶᬤᬬᬂᬧᬕᭂᬄ᭞ᬫᬲᬫᬤᬶ᭞ᬢᬸᬃᬩᭂᬓ᭄ᬳᬦ᭄ᬢᬸᬓ᭄ᬱᬵᬮᬄᬫᭂᬮᬄ᭞ᬬᬦ᭄ᬢᬦ᭄ᬫᬤ᭄ᬯᬾᬓᬧ᭄ᬭᬚ᭄ᬜᬦᬦ᭄᭞ᬢ᭄ᬯᬶᬲᬢᬸᬲ᭄ᬢᬶᬩᬦ᭄ᬫᬳᬸᬭᬶᬧ᭄᭞
ᬗᬶᬂᬳᬸᬭᬶᬧᬾᬳᬭᬳᬶᬦ᭞ᬲᬸᬚᬢᬶᬩᭂᬘᬶᬓᬦ᭄ᬮᬗ᭄ᬓᬸᬂ᭞ᬬᬦ᭄ᬫᬲᬫᬤᬶᬢᬦ᭄ᬢᭂᬮᬤ᭄᭞ᬓᬯᬸᬯᬸᬳᬶᬦ᭄᭞ᬩᭂᬓ᭄ᬳᬦ᭄ᬢᬸᬓ᭄ᬓᬯᬶᬘᬓ᭄ᬱᬡᬦ᭄᭟ᬢ᭄ᬯᬶᬫᬳᬸᬭᬶᬧ᭄ᬲᬢᬸᬲ᭄ᬢᬶᬩᬦ᭄᭞ᬫᬍᬲ᭄ᬢᬸᬃᬚᬶᬯ
ᬦᬾᬓᭂᬜᬶᬄ᭞ᬗᬶᬂᬳᬸᬭᬶᬧᬾᬳᬭᬳᬶᬦ᭞ᬓᬯ᭄ᬬᬓ᭄ᬢᬶᬦ᭄ᬜᬍᬯᬶᬄᬢᬸᬳᬸ᭞ᬬᬾᬦᬶᬂᬳᬦ᭄ᬢᭂᬂᬓᬤᬳᬢᬦ᭄᭞ᬓᬤᬸᬮᬸᬭᬶᬦ᭄᭞ᬳᬦ᭄ᬢᬸᬓ᭄ᬕᬶᬬᭂᬢ᭄ᬫᬗᬸᬢ᭄ᬲᬳ᭟ᬤ᭄ᬬᬲ᭄ᬢᬸᬚᬤ᭄ᬫᬦᬾᬜᬶᬤᬬᬂ᭞
ᬲᬢᬸᬲ᭄ᬢᬳᬸᬦ᭄ᬳᬶᬧᬸᬦ᭄ᬫᬳᬸᬭᬶᬧ᭄᭞ᬦᬗᬶᬂᬢᬦ᭄ᬧᬶᬲᬦ᭄ᬧᬯᬶᬓᬦ᭄᭞ᬢᬶᬦ᭄ᬤᬶᬓ᭄ᬲᬫᬶᬢᭂᬳᭂᬧ᭄ᬳᬸᬫ᭄ᬩᬸᬄ᭞ᬲᬮ᭄ᬯᬶᬃᬲᬦᬾᬫᬳᬸᬓᬸᬤᬦ᭄᭞ᬦᬾᬫᬳᬸᬭᬶᬧ᭄᭞ᬓᬯᬾᬦ᭄ᬢᭂᬦᬦ᭄ᬜᬭᬶᬂ
[ ᭒᭖ 26A]
ᬚᬕᬢ᭄᭟ᬲᬸᬚᬢᬶᬓᬦ᭄ᬢᬸᬦ᭄ᬩᭂᬘᬶᬓᬦ᭄᭞ᬢ᭄ᬯᬶᬳᬭᬳᬶᬦᬫᬳᬸᬭᬶᬧ᭄᭞ᬬᬾᬦ᭄ᬲᬫ᭄ᬧᬸᬦ᭄ᬢᭂᬭᬂᬧᬯᬶᬓᬦ᭄᭞ᬳᬶᬦ᭄ᬤᬶᬓ᭄ᬲᬫᬶᬳᭂᬳᭂᬧ᭄ᬳᬸᬫ᭄ᬩᬸᬄ᭞ᬲᬓᬜ᭄ᬘᬦᬶᬂᬫᬳᬸᬓᬸᬤᬦ᭄᭞ᬦᬾᬫᬳᬸᬭᬶᬧ᭄᭞᭠
ᬓᬯᬾᬦ᭄ᬢᭂᬦᬦ᭄ᬜᬭᬶᬂᬚᬕᬢ᭄᭞ᬬᬤ᭄ᬬᬲ᭄ᬢᬸᬦ᭄ᬚᬤ᭄ᬫᬦᬾᬲᬤ᭄ᬬ᭞ᬲᬢᬸᬲᬦ᭄ᬢᬳᬸᬦ᭄ᬫᬳᬸᬭᬶᬧ᭄᭞ᬦᬵᬗ᭄ᬳᬶᬂᬢᬦ᭄ᬜᬶᬤᬬᬂᬜᬶᬗᬓ᭄᭞ᬲᬳᬢᬦ᭄ᬢᬾᬮᬶᬂᬲᬢᬸᬯᬸᬓ᭄᭞ᬭᬶᬂᬓᬯᬾᬦ᭄ᬢᭂᬦᬦ᭄ᬦᬾᬍᬧᬲ᭄
ᬮᬸᬧᬸᬢ᭄ᬚᬢᬶ᭞ᬲᬓᬶᬂᬧᬢᬶᬦᬾᬧᬫ᭄ᬭᬕᬢ᭄᭟ᬳᬸᬭᬶᬧᬾᬦᬾᬳᬭᬳᬶᬦ᭞ᬓᬦ᭄ᬢᬸᬦ᭄ᬳᬸ᭠ᬢᬫᬬᬦ᭄ᬚᬢᬶ᭞ᬬᬾᬦ᭄ᬜᬶᬤᬬᬂᬢᭂᬭᬂᬜᬶᬗᬓ᭄᭞ᬤᬸᬮᬸᬭᬶᬦ᭄ᬳᬾᬮᬶᬂᬭᬶᬂᬓᬬᬸᬦ᭄᭞ᬳᬶᬦ᭄ᬤᬶᬓ᭄ᬯᬾ
ᬦ᭄ᬢᭂᬦ᭄ᬲᬶᬤᬍᬧᬲ᭄᭞ᬲᬓᬶᬂᬧᬢᬶ᭞ᬮᬭᬢᬸᬳᬦᬾᬜᬗ᭄ᬰᬭᬦ᭄᭟ᬢ᭄ᬯᬶᬫᬳᬸᬭᬶᬧ᭄ᬲᬢᬸᬲ᭄ᬢᬶᬩᬦ᭄᭞ᬦᬗᬶᬂᬢᬦ᭄ᬲᬶᬤᬜᬶᬗᬓᬶᬦ᭄᭞ᬓᬲᬸᬜᬢᬦᬾᬉᬢ᭄ᬢᬫᬵ᭞ᬳ᭠
Kaca:Bali-lontar-paparikan-dammapada-500ppi.pdf/26
Kaca puniki sampun kauji-wacén
