[ ᭑ 1B]
᭑᭞
᭛ᬑᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬤᬕᬶᬂᬢᬸᬢᬸᬃᬥᬃᬫ᭄ᬫᬧᬤ᭞ᬳᬢᬸᬭᬂᬢᬶᬢ᭄ᬬᬂᬧᬸᬦᬶᬓᬶ᭞ᬧᬯᬭᬄᬳᬶᬤᬳ᭄ᬬᬂᬩᬸᬤ᭄ᬥ᭞ᬰᬩ᭄ᬤᬳᬬᬸᬮᬶᬦ᭄ᬢᬂᬍᬯᬶᬄ᭞ᬲᬦᬾᬫᬢᬸᬚᬸᬳᬶᬦ᭄ᬫᬃᬕᬶ᭞ᬫᬢᬶᬢᬶᬲ᭄ᬳᬸᬭᬶᬧᬾᬮᬦ᭄ᬤᬸᬄ
᭞ᬗᭂᬦ᭄ᬢᬶᬓᬂᬫᬦᬳᬾᬕᬮᬂ᭞ᬫᬸᬘᭂᬄᬧᭂᬢᭂᬗᬾᬓᬯᭂᬗᬶᬦ᭄᭞ᬩᬲ᭄ᬫᬶᬧᬸᬧᬸᬦ᭄᭞ᬳᬶᬩᬸᬓ᭄ᬧᬮᬶᬂᬮᬦ᭄ᬲᬗ᭄ᬰᬬ᭟ᬓᬯᬾᬦ᭄ᬢᭂᬦᬦᬾᬫᬓᭂᬚᬂ᭞ᬫᬦᬄᬲᬦᬾᬗᬭᬶᬳᬶᬦᬶᬦ᭄᭞ᬫᬦᬳᬾᬯᬮᬸ
ᬥᬤᬃᬲ᭞ᬲᬦᬾᬫᬦᬦᭀᬤᬲᬂᬲᬫᬶ᭞ᬫᬦᬳᬾᬧᬸᬦᬶᬓᬳᬸᬕᬶ᭞ᬫᬭᬸᬧᬫᭂᬓᭂᬮ᭄ᬢᬸᬳᬸ᭞ᬧᬸᬦᬶᬓᬲᬦᬾᬗᬯᬶᬦᬂ᭞ᬓᬯᬾᬦᬵᬢᭂᬦᬦ᭄ᬫᬓᬲᬫᬶ᭞ᬯᬦ᭄ᬢᬄᬢᬸᬳᬸ᭞ᬫᬦᬄᬗᬭᬾᬓᬫᬲ᭄ᬢᬶᬬᬂ᭟
ᬬᬾᬦ᭄ᬧᬤᬾᬚᬤ᭄ᬫᬦᬾᬗᬸᬘᬧ᭄᭞ᬬᬤ᭄ᬬᬧᬶᬦ᭄ᬫᬲᭀᬮᬄᬫᬮᬶᬄ᭞ᬫᬤᬲᬃᬫᬦᬳᬾᬘᭀᬭᬄ᭞ᬧᬤᬤᭀᬲᬦ᭄ᬳᬶᬧᬸᬦ᭄ᬧᬲ᭄ᬢᬶ᭞ᬤᬸᬄᬓᬶᬢᬮᬦ᭄ᬲᭂᬤᬶᬄᬳᬢᬶ᭞ᬦᬸᬢᬸᬢᬶᬦ᭄ᬳᬶᬧᬸᬦ᭄ᬲᬢᬸ
[ ᭒ 2A]
ᬯᬸᬓ᭄᭞ᬦᬾᬯᬮᬸᬬᬭᭀᬤᬦ᭄ᬘᬶᬓᬃ᭞ᬢᬦ᭄ᬲᬄᬲᬢᬢᬦᬸᬢᬸᬢᬶᬦ᭄᭞ᬩᬢᬶᬲ᭄ᬳᬶᬧᬸᬦ᭄᭞ᬳᬶᬍᬫ᭄ᬩᬸᬲᬦᬾᬫᬗᬸᬫᬤ᭄᭟ᬢᬍᬃᬲᬧᬸᬦᬶᬓᬓᭀᬘᬧ᭄᭞ᬬᬾᬦ᭄ᬧᬤᬾᬚᬤ᭄ᬫᬦᬾᬫᬗ᭄ᬓᬶᬦ᭄᭞ᬗᬸᬘᬧᬶ
ᬲᬤ᭄ᬬᬧᬶᬦ᭄ᬫᬲᭀᬮᬄ᭞ᬫᬤᬲᬃᬓᬬᬸᬦᬾᬩᭂᬘᬶᬓ᭄᭞ᬯᬲᬦᬦ᭄ᬳᬶᬧᬸᬦᬾᬭᬭᬶᬲ᭄᭞ᬲᬸ᭠ᬩᬕ᭄ᬬᬮᬯᬦ᭄ᬭᬳᬬᬸ᭞ᬦᬸᬢᬸᬢᬶᬦ᭄ᬳᬶᬧᬸᬦ᭄ᬲᬢᬢ᭞ᬓᬤᬶᬮᬯᬢᬾᬳᬸᬫ᭄ᬧᬫᬶ᭞ᬗᬶᬦ᭄ᬢᬶᬮ᭄ᬢᭂᬭᬸᬲ᭄᭞ᬢ
ᬦᬼᬧᬲ᭄ᬲᬓᬶᬂᬳᬸᬓᬸᬤᬦ᭄᭟ᬳᬶᬧᬸᬦ᭄ᬗᬦᬶᬱ᭄ᬝᬬᬂᬢᬶᬢ᭄ᬬᬂ᭞ᬳᬶᬧᬸᬦ᭄ᬲᬦᬾᬫᬫᬜ᭄ᬘᬦᬶᬦ᭄᭞ᬳᬶᬧᬸᬦ᭄ᬦᬾᬗᬲᭀᬭᬂᬢᬶᬢ᭄ᬬᬂ᭞ᬳᬶᬧᬸᬦ᭄ᬫᬾᬕᬮ᭄ᬢᬶᬢ᭄ᬬᬂᬫᬮᬶᬄ᭞ᬚᬤ᭄ᬫᬦᬾᬲᬦᬾᬕᭂᬜ᭄ᬘᭂᬕᬶᬦ᭄᭞ᬫᬦ
ᬳᬾᬓᬤᬶᬧᬸᬦᬶᬓᬸ᭞ᬲᭂᬗᬶᬢᬾᬮᬦ᭄ᬩᬺᬕᭂᬤᭂᬕᬦ᭄᭞ᬫᬦᬳᬾᬗᬯᬍᬲ᭄ᬫᬮᬶᬄ᭞ᬢᬸᬫ᭄ᬩᬸᬄᬓᬸᬓᬸᬄ᭟ᬢᬦ᭄ᬳᬸᬤᭂᬧ᭄ᬳᬸᬤᭂᬧ᭄ᬭᬶᬂᬫᬦᬄ᭟ᬦᬗ᭄ᬳᬶᬂᬳᬦᬓᬾᬓᬶᬦᬸᬘᬧ᭄᭞ᬲᬦᬾᬢᬦ᭄ᬲᬶᬤᬓᭂᬜ᭄ᬘᭂ
Kaca:Bali-lontar-paparikan-dammapada-500ppi.pdf/2
Kaca puniki sampun kauji-wacén
