[᭔ 4B]
᭔᭟
ᬧᬸᬄᬓᬵᬮᬚᭂᬗ᭄ᬓᬶᬂᬓᬵᬮᬫᬗᬧ᭄᭞ᬓᬵᬮᬲᬮᭀᬗ᭄ᬲᭀᬂᬧᬢᬶ᭞ᬓᬵᬮᬧᬢᬶᬚᭂᬗ᭄ᬓᬂ᭞ᬓᬮᬯᬦ᭄ᬓᬵᬮᬤᬸᬃᬕ᭄ᬕ᭞ᬲ᭄ᬣᬦᬏᬜ᭄ᬚᭀᬭᬾᬜ᭄ᬚᬾᬃᬫᬮᬶᬄ᭞ᬓᬵᬮᬲᬸᬥᬗᬲ᭄ᬢ᭄ᬭ᭞
ᬓᬵᬮᬇᬚᬮᬓ᭄ᬢᬦ᭄ᬓᬭᬶ᭟᭐᭟᭒᭓᭟ᬓᬵᬮᬫᬺᬢ᭄ᬬᬸᬓᬵᬮᬓᬸᬯᬸᬓ᭄ᬓᬵᬮᬮᬸᬯᬂ᭞ᬧᬥᬰᬶᬕ᭄ᬭᬳᬗᬶᬭᬶᬂ᭞ᬭᬶᬮᬓᬸᬳ᭄ᬬᬂᬩ᭄ᬭᬵᬳ᭄ᬫ᭞ᬤᬤᬶᬚᬦ᭄ᬫᬫᬵᬦᬸᬱ᭞ᬳᬗᬤᭂᬕ᭄ᬓᬂᬢᬶᬕᬫᬹᬃ᭠
ᬢ᭄ᬢᬶ᭞ᬢᬶᬕᬤᬸᬃᬩᬮ᭞ᬢᬶᬕᬤᬸᬱ᭄ᬓᬺᬢ᭄ᬢᬫᬮᬶᬄ᭟᭐᭟᭒᭔᭟ᬅᬫᬫᬵᬢᬶᬚᬦ᭄ᬫᬳᬗ᭄ᬭᬸᬲᬓ᭄ᬰᬰᬡ᭞ᬭᬹᬕ᭄ᬭᬕ᭄ᬳᬬᬸᬦᬶᬂᬪᬹᬫᬶ᭞ᬧᬸᬦᬂᬚᬦ᭄ᬫᬮᬧ᭞ᬫᬫᬗᬦ᭄ᬧᬥᬦᬾᬯ᭄ᬯᬂ᭞ᬤᬸᬃᬩᬮ
ᬇᬗᬸᬲᬓᬲᬶᬓ᭄᭞ᬳᬶᬂᬓᬵᬮᬭᬹᬧ᭞ᬫᬵᬦᬸᬱᬓᬵᬮᬫᬹᬃᬢ᭄ᬢᬶ᭟᭐᭟᭒᭕᭟ᬩᬸᬤ᭄ᬟᬶᬭᬸᬲᬓᬶᬗᬸᬲᬓᬲᬶᬓᬶᬂᬓᬵᬮ᭞ᬓᬵᬮᬶᬓᬂᬓᬵᬮᬓᭀᬦᬶ᭞ᬳ᭄ᬬᬸᬦᬶᬂᬤᬸᬃᬕ᭄ᬕᬪᬵᬬ᭞
[᭕ 5A]
ᬪᬵᬬᬾᬓᭀᬮ᭄ᬬᬦᬶᬂᬓᬵᬮ᭞ᬓᬵᬮᬵᬗ᭄ᬭᬸᬥᬵᬗ᭄ᬭᬸᬲᬓ᭄ᬪᬹᬫᬶ᭞ᬓᬳ᭄ᬬᬗᬦ᭄ᬭᬸᬲᬓ᭄᭞ᬓᬂᬪᬹᬫᬶᬭᬸᬲᬓᭂᬦ᭄ᬢᬶ᭟᭐᭟᭒᭖᭟ᬲᬧᬗᬱ᭄ᬝᬸᬮᬦᬶᬂᬤᬾᬰᬤᬾᬰᬭᬸᬲᬓ᭄᭞ᬓᬳ᭄ᬬᬂᬓ
ᬳ᭄ᬬᬗᬦ᭄ᬧᬦ᭄ᬢᬶ᭞ᬧᬥᬧᬥᬭᬸᬲᬓ᭄᭞ᬲᬶᬗᬰᬭᬷᬭᬭᬸᬲᬓ᭄᭞ᬤᬾᬦᬶᬂᬩ᭄ᬭᬵᬳ᭄ᬫᬓᬵᬮᬫᬸᬃᬢ᭄ᬢᬶ᭞ᬫ᭄ᬯᬂᬯᬤᭀ᭞ᬓᬮᬦᬶᬭᬳᬗ᭄ᬭᬸᬭᬄᬪᬹᬫᬶ᭟᭐᭟᭒᭗᭟ᬧᬫᬹᬦ᭄ᬢ᭄ᬬᬫᬹᬦ᭄ᬢ᭄ᬬᬦᬶᬂ᭠
ᬓᬵᬮᬭᬚᬄᬢᬫᬄ᭞ᬅᬫᬶᬲᬬᬭᬶᬂᬳᬢᬶ᭞ᬢᬦ᭄ᬤᬤᬶᬳᬶᬦᬺᬢᬦ᭄᭞ᬲᬶᬫᬦᬄᬭᬚᬄᬢᬫᬄ᭞ᬦ᭄ᬤᬦᬧᬤᬸᬤᭀᬦᬦ᭄ᬩᬸᬤ᭄ᬟᬶ᭞ᬩᬸᬤ᭄ᬟᬶᬦᬶᬂᬭᬚᬄ᭞ᬮᬸᬗ᭄ᬳᬮᬮᬦᬾᬂᬪᬹᬫᬶ᭟᭐᭟᭒᭘᭟
ᬫᬶᬥᭂᬭᬧᬭᬘᬓ᭄ᬭᬭᬶᬂᬤᬾᬰᬤᬾᬰ᭞ᬲᬶᬂᬯ᭄ᬭᬸᬄᬤᬾᬦ᭄ᬬᬯᬸᬮᬢᬶ᭞ᬫᬾᬤ᭄ᬭᬦᬩᬬᬗᬦ᭄᭞ᬳᬾᬢ᭄ᬭᬶᬤᬶᬦᬵᬮᬮᬦ᭞ᬕᬸᬭᬕᬥᬾᬗᬓᬸᬍᬯᬶᬄ᭞ᬳᬶᬂᬓ᭄ᬱᬫ᭞ᬅᬓ
Kaca:Bali-lontar-paparikan-catur-yugga-300ppi.pdf/5
Kaca puniki sampun kauji-wacén
