[᭓᭑ 31B]
᭓᭑᭟
ᬱᬤ᭄ᬕᬸᬡ᭞ᬢᬢ᭄ᬯᬧᬦᬶᬭᬾᬂᬪᬹᬫᬶ᭟᭐᭟᭓᭗᭟ᬦ᭄ᬬᬂᬲᬡ᭄ᬟᬶᬮᬾᬦ᭄ᬯᬶᬕ᭄ᬭᬳᬬᬡᬰᬰᬡ᭞ᬤ᭄ᬯᬾᬱᬲᬲ᭄ᬭᬬᬲᬶᬸᬫᬮᬶᬄ᭞ᬧᬗᬧᬸᬲᬶᬭᬾᬂᬭᬵᬢ᭄᭞ᬋᬧ᭄ᬥ᭄ᬬᬫ᭄ᬲᬓ᭄ᬯᬾᬳᬶᬂᬫᬸᬮᬢ᭄᭞ᬲᬸᬓᬧᬥ
ᬫᬸᬚᬶᬫᬸᬚᬶ᭞ᬧ᭄ᬭᬢᬧᬦᬶᬭ᭞ᬲᬸᬓᬓᬂᬯ᭄ᬯᬂᬲᬪᬹᬫᬶ᭟᭐᭟᭓᭘᭟ᬬᬦᬦᬲᬂᬫᬦ᭄ᬢ᭄ᬭᬶᬫ᭄ᬯᬂᬧᬭᬓ᭄ᬱᬢ᭄ᬭᬶᬬ᭞ᬓᬢᭂᬓᬭᬶᬂᬯ᭄ᬯᬂᬢᬦᬶ᭞ᬫᬢᬷᬂᬧᬪᬭᬢᬦ᭄᭞ᬰᬹᬭᬲᬭᬾᬂᬧᬬᬸᬤ᭄ᬟᬦ᭄᭞ᬅᬧᬓ
ᬬᬳᬭᬶᬂᬕᬸᬲ᭄ᬢᬶ᭞ᬫᬓᬧᬦᬸᬯᬮ᭄᭞ᬲᬶᬳᬶᬭᬾᬂᬦᬵᬭᬧᬢᬶ᭟᭐᭟᭓᭙᭟ᬬᬢ᭄ᬦᬲᬶ᭠ᬭᬅᬗᭂᬫᬶᬢᬦᬓ᭄ᬭᬩᬶᬦ᭄ᬬ᭞ᬲᬶᬦᬸᬂᬲᬸᬓᬦᬶᬂᬳᬢᬶ᭞ᬯᬶᬦᬾᬳᬦ᭄ᬪᬹᬓ᭄ᬢᬶᬦ᭄ᬬ᭞ᬬᬦ᭄ᬯᬸᬲ᭄ᬲᭂᬥᬗᬶᬂ
ᬯᬬᬄ᭞ᬓᬶᬦᬸᬮᬯᬶᬰᬸᬤ᭄ᬟᬫᬮᬶᬄ᭞ᬤᬶᬦᬤᬾᬓᭂᬦ᭄᭞ᬯ᭄ᬯᬂᬲᬵᬦᬓ᭄ᬰᬹᬭᬾᬂᬚᬸᬭᬶᬢ᭄᭟᭐᭟᭔᭐᭟ᬬᬦ᭄ᬳᬦᬯ᭄ᬯᬂᬓᬃᬭ᭄ᬬᬶᬬ᭄ᬬᬮᬶᬢ᭄ᬫᬢᬶᬩᬧᬦ᭄ᬬ᭞ᬲᬳᬦᬦ᭄ᬬᬭᬶᬂᬪᬹᬫᬶ᭞ᬬᬢᭀ
[᭓᭒ 32A]
ᬮᬶᬦᬶᬬᬢᬦ᭄᭞ᬤᬾᬦᬶᬭᬂᬰ᭄ᬭᬶᬦᬵᬭᬾᬦ᭄ᬤ᭄ᬭ᭞ᬓ᭄ᬭᬫᬤᬾᬰᬅᬗᭂᬫᬶᬢᬶᬂ᭞ᬯ᭄ᬯᬂᬲᬫᬗ᭄ᬓ᭞ᬓᬶᬦᬾᬦ᭄ᬤᬾᬰ᭄ᬭᬷᬪᬹᬧᬢᬶ᭟᭐᭟᭔᭑᭟ᬬᬾᬓᬭᬵᬫᬧᬸᬦ᭄ᬢᬧᬦᭀᬮᬳᬶᬭᬾᬂᬭᬵᬢ᭄
᭞ᬧ᭄ᬭᬪᬹᬲᬮᬶᬂᬦᬶᬂᬪᬹᬫᬶ᭞ᬭᬶᬯᭂᬮᬲᬶᬭᬾᬂᬚᬕᬢ᭄᭞ᬅᬲᬶᬳᬶᬂᬯ᭄ᬯᬂᬅᬮᬭ᭞ᬮᬧᬵᬤᬭᬶᬤ᭄ᬭᬓᬲᬶᬳᬲᬶᬄ᭞ᬅᬲᬶᬳᬶᬂᬓᬥᬂ᭞ᬯᬵᬃᬕ᭄ᬕᬓᬸᬮᬩᬵᬃᬢ᭄ᬢᬶᬢᬶ᭟᭐᭟᭔᭒᭟ᬬᬦ᭄ᬳᬦᬧᬫᬶᬦ᭄ᬢᬦᬶᬂᬧᬭ
ᬲᬶᬦᬸᬗᬦ᭄᭞ᬫᬓᬤᬶᬧᬭᬋᬱᬶ᭞ᬫ᭄ᬯᬄᬫᬃᬫ᭄ᬫᬦᬶᬭ᭞ᬦᬵᬭᬾᬦ᭄ᬤ᭄ᬭᬮᬶᬂᬦᬶᬂᬚᬕᬢ᭄᭞ᬲᬮᬭᬦᬶᬂᬯ᭄ᬯᬂᬲᬪᬹᬫᬶ᭞ᬭᬶᬤᬾᬦ᭄ᬬᬮᬧᬢᬢᬯᬶᬸᬦ᭄ᬧᬦᭂᬫ᭄ᬯᬂᬪᬹᬓ᭄ᬢᬶ᭟᭐᭟᭔᭓᭟ᬢᬦ᭄ᬧᬍᬧᬍᬄ
ᬉᬢ᭄ᬲᬳᬲᬶᬦᬳᬬᬦ᭄᭞ᬲᬫᬦ᭄ᬬᬦᭂᬫ᭄ᬯᬂᬪᬹᬓ᭄ᬢᬶ᭞ᬇᬓᬂᬚᬦ᭄ᬫᬮᬧ᭞ᬢᬶᬦᬸᬮᬸᬂᬓᬶᬦᬩᬾᬳᬦ᭄᭞ᬪᬹᬧᬢᬶᬯᬦᬾᬄᬧᬶᬦᬸᬚᬶ᭞ᬫᬢ᭄ᬬᬦᬶᬂᬪᬹᬭᬢ᭄ᬫᬓᬍᬗ᭄ᬓᬦᬶᬂᬪᬹᬫᬶ᭟᭐᭟᭔᭔᭟
Kaca:Bali-lontar-paparikan-catur-yugga-300ppi.pdf/32
Kaca puniki sampun kauji-wacén
