[᭒᭘ 28B]
᭒᭘᭟
ᬭᬶᬳᬾᬂᬦᬶᬓᬂᬧᬗᬱ᭄ᬝᬶᬬᬦ᭄᭞ᬅᬭᬣᬮᬍᬄᬅᬍᬗᬶᬲ᭄᭞ᬅᬮ᭄ᬯᬵᬢᬶᬰᭀᬩ᭞ᬲᬦᬧ᭄ᬯᬦ᭄ᬲᬵᬭᬶᬲᬵᬭᬶ᭟᭐᭟᭑᭕᭟ᬭᬶᬧᭂᬓᭂᬦ᭄ᬧᬢᬦᬶᬕᬶᬕᬶᬮᬂᬅᬢᬢ᭞ᬢᬢᬦ᭄ᬬᬅᬦᬹᬢ᭄ᬲᬶᬲᬶ
᭞ᬢᭂᬧᬲᬶᬂᬩᬦᬶᬚᬵ᭞ᬚᬚᬃᬦ᭄ᬬᬓᬡ᭄ᬟᬓᬡ᭄ᬟ᭞ᬲᬓᬡ᭄ᬟᬅᬤᭀᬮ᭄ᬯᬯᬗᬶ᭞ᬧᬶᬦᬺᬦᬄᬯᬾᬢᬦ᭄᭞ᬓᬶᬤᬸᬮ᭄ᬯ᭄ᬯᬂᬅᬤᬶᬸᬤᭀᬮ᭄ᬧᬸᬦ᭄ᬢᬶ᭟᭐᭟᭑᭖᭟ᬮᬾᬦ᭄ᬯᬯᬳᬦ᭄ᬮᬦ᭄ᬨᬮᬩᬸᬗ᭄ᬓᬄᬅᬢ
ᬢ᭞ᬢᭂᬩᬸᬦ᭄ᬬᬓᬸᬫᬸᬮᬶᬮᬶᬂ᭞ᬭᬶᬂᬢᭂᬧᬶᬅᬢᬢ᭞ᬢᬢᬦ᭄ᬬᬭᬶᬂᬧᬰ᭄ᬘᬶᬫ᭞ᬲᬦᬡ᭄ᬟᬇᬯᬓᬶᬂᬯᬸᬓᬶᬃ᭞ᬇᬯᬓ᭄ᬲᬵᬕᬭ᭞ᬯᬵᭂᬓᬶᬯᬓ᭄ᬮ᭄ᬯᬄᬢᬦᬓᬭᬶ᭟᭐᭟ᬅᬗ᭄ᬤ᭄ᬬᬸᬦ᭄ᬲᬓᬡ᭄ᬟᬯ᭄ᬯᬂᬅᬤ᭄ᬯ᭠
ᬮ᭄ᬧᬡᬫᬗ᭄ᬲᬶᬂᬗ᭄ᬰ᭞ᬲᬓᬡ᭄ᬟᬓᬡ᭄ᬟᬗ᭄ᬭᬯᬶᬢ᭄᭞ᬯᬶᬚᬳᬶᬂᬩᬦᬶᬚ᭞ᬚᬶᬃᬡ᭄ᬦᬮᬸᬫᬓ᭄ᬯᬶᬂᬫᬃᬕ᭄ᬕ᭞ᬅᬭᬣᬮᬍᬄᬅᬍᬗᬶᬲ᭄᭞ᬇᬗ᭄ᬮ᭄ᬯᬄᬢᬶᬦᬢ᭞ᬯᬢ᭄ᬦ᭄ᬬᬅᬓ᭄ᬭᬮᬍᬗᬶᬲ᭄᭟᭐᭟
[᭒᭙ 29A]
ᬧᬜ᭄ᬘᬸᬭᬦ᭄ᬬᬰᬭᬶᬲᬫᬶᬧᬦᬶᬂᬳᬯᬦ᭄᭞ᬯᬾᬦ᭄ᬬᬦᬶᬃᬫᬵᬮᬳᭂᬦᬶᬂ᭞ᬢᬹᬱ᭄ᬝᬲᬂᬅᬲ᭄ᬦᬡ᭞ᬮᬸᬫᬓᬸᬧᬶᬦᬦᬲᬦ᭄᭞ᬮᬾᬦ᭄ᬳᬦᬬᬰᬫᭂᬕᬢ᭄ᬲᬶᬄ᭞ᬓᬶᬃᬢ᭄ᬢᬶᬕᬶᬦᭂᬮᬃ᭞ᬤᬾᬦᬶᬭᬂᬦᬵᬭᬧᬢᬶ᭟᭐
᭟᭑᭙᭟ᬢᬶᬦᬹᬢ᭄ᬤᬾᬦᬶᬂᬯ᭄ᬯᬂᬢᬦᬶᬭᬶᬂᬤᬾᬰᬤᬾᬰ᭞ᬲᬫᬫᬳᬬᬸᬓᬶᬃᬢ᭄ᬢᬶ᭞ᬮᬾᬦ᭄ᬫᬳᬬᬸᬤᬾᬰ᭞ᬧᬜ᭄ᬘᬸᬭᬦ᭄ᬮᬾᬦ᭄ᬧᬃᬬ᭄ᬬᬗᬦ᭄᭞ᬧᭂᬓᭂᬦ᭄ᬯᬢ᭄ᬯᬶᬢᬦᬗᬦ᭄ᬢᬶ᭞ᬢᭂᬧᬶᬦᬶᬂᬧᬲᬃ᭞ᬧᬜ᭄ᬘᬸᬭᬦ᭄ᬯᬿᬦ᭄ᬬ
ᬳᭂᬦᬶᬂ᭟᭐᭟᭒᭐᭟ᬍᬯᬶᬄᬲᬸᬓᬓᬸᬭᬂᬤᬸᬄᬓᬯ᭄ᬯᬂᬲᬚᬕᬢ᭄᭞ᬧᬥᬦᬫ᭄ᬢᬫᬶᬩᬸᬤ᭄ᬟᬶ᭞ᬅᬦᬗ᭄ᬕᬕᬾᬶᬸᬂᬧ᭄ᬢᬵᬦ᭄ᬢᭀᬦᬦ᭄᭞ᬅᬭᬸᬫ᭄ᬧᬸᬓᬅᬲᭂᬓᬃ᭞ᬪᬹᬱᬡᬦ᭄ᬬᬲᬃᬯ᭄ᬯᬍᬯᬶᬄ᭞ᬳᬦᬮᬮᬡ
᭞ᬫᬳᬲᬶᬂᬧᬲᬶᬃᬯᬸᬓᬶᬃ᭟᭐᭟᭒᭑᭟ᬓᬸᬦᬂᬧᬫ᭄ᬩᬓᬦᬶᬂᬯ᭄ᬯᬂᬫᬗ᭄ᬓᬾᬭᬶᬢ᭄ᬭᬾᬢ᭞ᬲᬪᬕᬧᬥᬅᬧ᭄ᬢᬶ᭞ᬮᬸᬮᬸᬢᬶᬂᬫᬲ᭄ᬧᬶᬭᬓ᭄᭞ᬭᭀᬂᬪᬕᬢᬢᬦ᭄ᬳᬃᬱ᭞ᬥᬃᬫ᭄ᬫᬦᬶᬂᬉᬮᬄᬮᬶᬦᭂᬯᬶᬄ᭞
Kaca:Bali-lontar-paparikan-catur-yugga-300ppi.pdf/29
Kaca puniki sampun kauji-wacén
