[᭒᭖ 26B]
᭒᭖᭟
ᬫᬕᭂᬦᬄᬲᬲᭀᬭᬶᬂᬮᬗᬶᬢ᭄᭞ᬧᬥᬢᭂᬕᬸᬳᬶᬂᬮᬓᬸᬦ᭄ᬬᬳᬭᬶᬫ᭄ᬩᬯ᭟᭐᭟᭕᭔᭟ᬲᬂᬳ᭄ᬬᬂ᭠ᬲᬹᬃᬬ᭄ᬬᬘᬦ᭄ᬤ᭄ᬭᬢᬸᬱ᭄ᬝ᭟ᬍᬯᬶᬄᬲᬂᬳ᭄ᬬᬂᬯᬲᬸᬡ᭄ᬟᬭᬷ᭞ᬲᬂᬳ᭄ᬬᬂᬘᬢᬸᬃᬮᭀᬓᬨᬮ᭞ᬢᬸᬱ᭄ᬝᬧᬥᬫᬸᬚᬶᬫᬸ
ᬚᬶ᭞ᬉᬮᬳᬶᬂᬯ᭄ᬯᬂᬲᬪᬹᬫᬶ᭞ᬲᬥᬸᬥᬃᬫ᭄ᬫᬱᬥᬢᭂᬕᬸᬄ᭞ᬓᬯᬢᬶᬂᬮᬓᬸᬥᬃᬫ᭄ᬫ᭞ᬯᬢᭂᬓ᭄ᬳ᭄ᬬᬂᬲᬶ᭠ᬭᬧᬥᬵᬲᬶᬄ᭞ᬅᬲᬸᬂᬲᬶᬤ᭄ᬟᬭᬶᬮᬓᬸᬦ᭄ᬬᬉᬮᬄᬥᬃᬫ᭄ᬫ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭑᭟ᬯᬸᬲ᭄ᬕᭂᬦᭂᬧ᭄ᬬᬸᬕ᭄ᬕᬦᬶᬂ
ᬓᬺᬢ᭄ᬢᬘᬶᬦᬭᬶᬢ᭞ᬇᬓᬂᬢ᭄ᬭᬾᬢᬕᬸᬫᬦ᭄ᬢᬶ᭞ᬫᬗ᭄ᬓᬾᬯᬶᬦᬃᬡ᭄ᬦᬦᬦ᭄᭞ᬳᬮᬳᬬᬸᬦᬶᬂᬚᬕᬢ᭄᭞ᬳ᭄ᬬᬂᬇᬰ᭄ᬯᬭᬲᬶᬭᬤᬤᬶ᭞ᬪᬹᬨᬮᬓᬾᬂᬭᬵᬢ᭄᭞ᬲᬶᬭᬅᬫᬶᬡ᭄ᬟᬾᬂᬪᬹᬫᬶ᭟᭐᭟᭒᭟ᬇᬦᬶᬭᬶᬤᬾ
ᬲᬂᬭᬢᬸᬰᬹᬭᬧᬸᬭᬸᬱ᭞ᬧᭂᬚᬄᬓᬕᭂᬲᭂᬗᬶᬂᬚᬸᬭᬶᬢ᭄᭞ᬢᬦ᭄ᬓᬧᬮᬂᬮᬦᬕ᭄᭞ᬫᬢᬶᬫᬵᬫᬹᬓᬶᬂᬭᬡ᭞ᬫᬗ᭄ᬮᬄᬭᬶᬂᬭᬚ᭄ᬬᬉᬫᬸᬗ᭄ᬲᬶ᭞ᬇᬰ᭄ᬯᬭᬮᭀᬓ᭞ᬍᬯᬶᬄᬲᬸᬓᬧᬶᬦᬗ᭄ᬕᬶᬄ᭟᭐᭟᭓᭟
[᭒᭗ 27A]
ᬢᬸᬫᬹᬢ᭄ᬲᬂᬭᬚᬵᬃᬱᬶᬲᬂᬰᬹᬭᬭᬶᬂᬥᬡ᭞ᬲᬂᬲᬵᬫ᭄ᬧᬸᬦ᭄ᬓᬺᬢ᭄ᬢᬓᬶᬃᬢ᭄ᬢᬶ᭞ᬰᬸᬤ᭄ᬟᬾᬂᬩ᭄ᬭᬢᬢᬧ᭞ᬢᬸᬫᬹᬢ᭄ᬲᬂᬯ᭄ᬯᬗᬶᬂᬓᬺᬢ᭄ᬢ᭞ᬲᬂᬮᬸᬧᬸᬢ᭄ᬢᬦ᭄ᬲᬶᬤ᭄ᬟᬾᬂᬓᬵᬧ᭄ᬢᬶ᭞ᬤᬤᬶᬫᬵᬦᬸᬱ᭞ᬫᬹᬓ᭄ᬢᬶᬨᬮᬧᬶᬦᬗ᭄ᬕᬶᬄ᭟᭐᭟
᭔᭟ᬍᬯᬶᬄᬲᬸᬓᬧᭀᬮᬄᬇᬓᬂᬯ᭄ᬯᬂᬲᬚᬕᬢ᭄᭞ᬚᬕ᭄ᬭᬵᬳᬸᬗᬸᬤᬸᬫᭂᬮᬶᬂ᭞ᬲᬮᬶᬂᬦᬶᬂᬅᬕᬫ᭞ᬫ᭄ᬯᬂᬫᬦᬯᬵᬰᬰᬡ᭞ᬮᬾᬦ᭄ᬫᬦ᭄ᬢ᭄ᬭᬶᬰᬰᬡᬫᬮᬶᬄ᭞ᬭᬢᬸᬰᬰᬡ᭞ᬋᬱᬰᬰᬡᬅᬚᬶ᭟᭐᭟
᭕᭟ᬤᬾᬯᬰᬰᬡᬫ᭄ᬯᬄᬦᭀᬕᬭᬓ᭄ᬭᬫ᭞ᬅᬚᬶᬦᬶᬢ᭄ᬬᬓᬶᬦᭂᬢᬶᬓ᭄᭞ᬢᬶᬦᬸᬯᬕᬦᬾᬂᬢ᭄ᬯᬲ᭄᭞ᬤᬾᬰ᭄ᬭᬷᬪᬹᬨᬮᬓᬾᬂᬭᬵᬢ᭄᭞ᬢᬶᬦᬹᬢ᭄ᬤᬾᬦᬶᬂᬢᬡ᭄ᬟᬫᬦ᭄ᬢ᭄ᬭᬶ᭞ᬫᬜ᭄ᬘᬦᬵᬕᬭ᭞ᬪᬬᬗ᭄ᬓᬭ
ᬲᬶᬦᭂᬮᬶᬃ᭟᭐᭟᭖᭟ᬲᬂᬭᬢᬸᬦᬶᬢ᭄ᬬᬲᬾᬩᬾᬂᬲᬗᬱ᭄ᬝ᭄ᬭᬶᬬᬦ᭄᭞ᬧᬶᬦᬋᬓ᭄ᬤᬾᬦᬶᬂᬫᬦ᭄ᬢ᭄ᬭᬶ᭞ᬫ᭄ᬯᬂᬧᬭᬲᬢ᭄ᬭᬶᬬ᭞ᬓᬲᬶᬦᭀᬫᬦᬶᬂᬤᬾᬰ᭞ᬓᬂᬅᬕᬥᬸᬄᬦ᭄ᬤᬢᬦ᭄ᬓᬭᬶ᭞ᬧᬥᬅᬦᬾᬪ
Kaca:Bali-lontar-paparikan-catur-yugga-300ppi.pdf/27
Kaca puniki sampun kauji-wacén
