Kaca:Bali-lontar-paparikan-catur-yugga-300ppi.pdf/22

Saking Wikisource
Kaca puniki sampun kauji-wacén

[᭒᭑ 21B]
᭒᭑᭟
ᬮᬲ᭄ᬤᬾᬦ᭄ᬕᬸᬕᭀᬦᬶ᭞ᬓᬂᬩᬸᬤ᭄ᬟᬶᬓ᭄ᬱᬫᬮᬶᬦᬸᬳᬸᬂ᭞ᬳᬃᬫ᭄ᬪᬯᬓᬶᬦᬳᭀᬢ᭄᭞ᬢᬦ᭄ᬲᬸᬓᬭᬶᬂᬢ᭄ᬯᬲ᭄ᬧᬶᬦᬸᬚᬶ᭞ᬢᬦ᭄ᬤᬸᬓᬢᬶᬦᬶᬡ᭄ᬟᬤᬾᬦᬶᬂᬓ᭄ᬱᬫᬓ᭄ᬱᬫ᭟᭐᭟᭒᭘᭟ᬧᬥᬵᬳᬹᬃᬳᬹᬭᬦ
ᬩ᭄ᬭᬢ᭞ᬧᬥᬢᭂᬦᬂᬧᬥᬳᭂᬦᬶᬂ᭞ᬦᬶᬂᬉᬧᬾᬓ᭄ᬱᬳᬭᬶᬂᬢᬫᬄ᭞ᬯᬋᬕᬶᬂᬳᬸᬯᬶᬲᬉᬮᬶᬄ᭞ᬯᬾᬲᬓᬶᬮᬪᬶᬦᬹᬓ᭄ᬢᬶ᭞ᬧᬥᬲᬸᬢᬺᬧ᭄ᬢᬶᬢᬂᬓᬳ᭄ᬬᬸᬦ᭄᭞ᬢᬸᬭᬸᬦᬶᬭᬲᬵᬓ᭄ᬱᬡᬓᬂᬢᬗᬃᬮᬗ᭄ᬕᭂᬂ
ᬗᬶᬂᬳᬢᬶ᭞ᬫᬗ᭄ᬓᬦᬧᭀᬮᬳᬶᬂᬯ᭄ᬯᬗᬶᬂᬓᬺᬢ᭄ᬢᬬᬸᬕ᭄ᬕ᭟ᬧᬥᬅᬦᬗ᭄ᬰᬭᬅᬯᬓ᭄᭞ᬧᬥᬳᬫᬳᬬᬸᬩᬸᬤ᭄ᬟᬶ᭞ᬳᬦᬦᬶᬃᬳᬦᬲᬤᬶᬦᬵ᭞ᬭᬶᬂᬭᬵᬢ᭄ᬭᬶᬢᬢᬦ᭄ᬧᬕᬸᬮᬶᬂ᭞ᬗᬾᬓᬧᬵᬤᬲᬯᭂ
ᬗᬶ᭞ᬢᬦ᭄ᬧᬫᬗᬦ᭄ᬢᬦ᭄ᬧᬢᬸᬭᬸ᭞ᬦ᭄ᬟᭂᬍᬂᬲᬹᬃᬬ᭄ᬬᬲᬤᬶᬦᬵ᭞ᬅᬓᬸᬬᭂᬗᬦ᭄ᬤᬶᬦᬵᬭᬵᬢ᭄ᬭᬶ᭞ᬲᬧᬲᬂᬦᬶᬃᬳᬭᬳᬦᬲᬧ᭄ᬢᬤᬶᬦᬵ᭟᭓᭐᭟ᬳᬦᬅᬤ᭄ᬬᬸᬲ᭄ᬢᬦ᭄ᬧᬦ᭄ᬢᬭ᭞ᬧᬶᬂᬲᬧ᭄ᬢᬢᬳᬶᬡ
[᭒᭒ 22A]
ᬯᭂᬗᬶ᭞ᬳᬦᬳᬗᬥᭂᬕ᭄ᬲᬦᬶᬸᬤᬶᬦᬵ᭞ᬢᬢᬦ᭄ᬧᬢᬸᬭᬸᬭᬶᬂᬭᬵᬢ᭄ᬭᬶ᭞ᬳᬦᬫᬗᬮᬄᬲᬯᭂᬗᬶ᭞ᬓᬸᬫᭂᬋᬩ᭄ᬭᬶᬂᬲᬧ᭄ᬢᬯᭂᬕᬸᬂ᭞ᬳᬦᬫᬶᬤᭂᬃᬅᬢᬷᬂᬣ᭞ᬬᬢ᭄ᬭᬲᬵᬭᬶᬲᬵᬭᬶ᭞ᬅᬗᬸᬮᬢᬶ
ᬢᬷᬃᬣᬧᬯᬶᬢ᭄ᬭᬭᬶᬂᬲᬭᬵᬢ᭄᭟᭐᭟᭓᭑᭟ᬧᬥᬅᬫᬶᬯᬾᬓᬰᬲ᭄ᬢ᭄ᬭ᭞ᬅᬗ᭄ᬭᬶᬧ᭄ᬢᬓᬶᬤᬸᬂᬓᬓᬯᬶᬦ᭄᭞ᬅᬫᬶᬯᬾᬓᬰ᭄ᬭᬸᬢ᭄ᬢᬶᬰ᭄ᬮᭀᬓ᭞ᬅᬗᬃᬣᬦᬶᬲ᭄ᬮᬾᬩᬂᬲᭂᬩᬶᬢ᭄᭞ᬲ᭄ᬯᬭᬯ᭄ᬬᬜ᭄ᬚᬡᬫ
ᬮᬶᬄ᭞ᬩᬩᬤᬶᬂᬇᬦ᭄ᬢᬭᬶᬂᬯᬸᬯᬸᬲ᭄᭞ᬓ᭄ᬭᬓᬄᬮᬦ᭄ᬟᬃᬥᭀᬤᬓᬄ᭞ᬓᬯ᭄ᬬᬚᬦᬓᬶᬮᬦᬚᬶ᭞ᬢᬢ᭄ᬯᬩ᭄ᬭᬢ᭞ᬢᬢ᭄ᬯᬪᬸᬯᬦᬭᬹᬃᬭᬡ᭟᭐᭟᭓᭒᭟ᬮᬾᬦ᭄ᬢᬂᬅᬚᬶᬢᬢ᭄ᬯᬚ᭄ᬜᬦ᭞ᬯᬶᬦᬶᬯᬾ
ᬓᬲᬵᬭᬶᬲᬵᬭᬶ᭞ᬯ᭄ᬭᬲ᭄ᬧᬢᬶᬢᬢ᭄ᬯᬘᬭᬶᬢ᭞ᬯᬶᬚᬬᬓᬸᬲᬸᬫᬅᬚᬶ᭞ᬅᬫᬺᬢ᭄ᬢᬲᬜ᭄ᬚᬶᬯᬦᬶ᭞ᬲᬭᬲᬫᬰ᭄ᬘᬬᬢᬸᬢᬸᬃ᭞ᬅᬗ᭄ᬕᬱ᭄ᬝᬶᬘᬢᬸᬃᬬᬸᬕ᭄ᬕ᭞ᬲᬂᬳ᭄ᬬᬂᬓᬫᬵᬬᬦᬶᬓᬵᬚᬶ᭞

Kapolihang saking "https://ban.wikisource.org/w/index.php?title=Kaca:Bali-lontar-paparikan-catur-yugga-300ppi.pdf/22&oldid=83264"