[᭑ 1B]
᭑᭟
᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭟ᬕᬕᬸᬭᬶᬢᬦ᭄ᬘᬢᬸᬃᬬᬸᬕ᭟ᬧᬸᬧᬸᬄᬤᬸᬃᬫ᭄ᬫ᭟᭑᭞ᬅᬫᬸᬃᬯ᭄ᬯᬵᬗ᭄ᬭᬶᬧ᭄ᬢᬢ᭄ᬯᬦᬶᬂᬘᬢᬸᬃᬬᬸᬕ᭞ᬗᬹᬦᬶᬧᬹᬃᬯ᭄ᬯᬦᬶᬂᬪᬸᬫᬶ᭞ᬭᬶᬂᬓᬮᬶᬲᬗ᭄ᬳᬭ᭞ᬭᬸᬕ᭄ᬓ᭄ᬱᬡᬦᬶᬂᬥᬃ
ᬫ᭄ᬫ᭞ᬅᬤᬃᬫ᭄ᬫᬢᭂᬓᬲᬸᬫᬶᬮᬶᬄ᭞ᬲᬳᬩᬶᬂᬯᬤᭀ᭞ᬓᬵᬮᬅᬗ᭄ᬭᬸᬭᬄᬪᬸᬫᬶ᭟᭐᭟᭒᭟ᬫᬾᬗ᭄ᬕᬸᬂᬅᬯ᭄ᬭᬭᬸᬕᬦ᭄ᬓᬤᬷᬦᬸᬕᬳᬸᬕᬄ᭞ᬓᬢᬶᬢᬶᬳᬦᬶᬂᬓᬵᬮᬶ᭞ᬓᬵᬮᬦᬵᬅᬗ᭄ᬭᬸᬭᬄ
᭞ᬲᬶᬓᬶᬦ᭄ᬓᬭᬭᬵᬓ᭄ᬱᬲ᭞ᬲᬸᬫᬸᬲᬸᬧᬶᬂᬘᬶᬢ᭄ᬢᬤᬤᬶ᭞ᬫᬦᬳᬶᬂᬚᬕᬢ᭄᭞ᬧᬥᬯᭂᬢᬸᬢᬦ᭄ᬬᬸᬓ᭄ᬢᬶ᭟᭐᭟᭓᭟ᬲᬶᬮᬶᬤᭂᬍᬳᬶᬂᬭᭀᬯᬂᬢᬦᬦᬭᭀᬯᬂ᭞ᬯᬃᬕ᭄ᬕᬫᬶᬢ᭄ᬭᬧᬢ᭄ᬬᬦᬶ
᭟ᬲᬶᬂᬓᬧᬭᬘᬶᬤ᭄ᬭ᭞ᬲᬶᬂᬫᬃᬕ᭄ᬕᬦᬶᬬᭀᬮᬶᬄᬧᬗᬦ᭄᭞ᬳᬫᬗᬦ᭄ᬧᬥᬦ᭄ᬬᬤᬤᬶ᭞ᬤᬤᬶᬢᬦ᭄ᬢᬺᬱ᭄ᬡ᭞ᬪᬗ᭄ᬕᬧᭀᬭᬓᬤ᭄ᬭᬯᬶ᭟᭐᭟᭔᭟ᬕᬕ᭄ᬭᬶᬂᬲᬸᬫᬭᬫ᭄ᬩᬄᬲᬲᬩ᭄ᬭᬭᬡ᭞
[᭒ 2A]
ᬳᬸᬤᬦ᭄ᬢᬦ᭄ᬫᬵᬦᬹᬢ᭄ᬕᬢᬶ᭞ᬍᬪ᭄ᬬᬵᬲᬮᬄᬫᬱ᭞ᬲᬹᬃᬬ᭄ᬬᬯᬶᬫ᭄ᬩᬫᬧᬦᬲ᭄᭞ᬲᬢᬶᬦᬦᭂᬫ᭄ᬦ᭄ᬤᬢᬦ᭄ᬤᬤᬶ᭞ᬲᬸᬱ᭄ᬓᬵᬢᬂᬚᬕᬢ᭄᭞ᬉᬥᬄᬲᬾᬲᬶᬓᬶᬂᬪᬹᬫᬶ᭟᭐᭟᭕᭟ᬫ᭄ᬯᬂᬯᬸᬓᬶᬃ
ᬲᬵᬕᬭᬮ᭄ᬯᬄᬯᬸᬮ᭄ᬬᬦᬶᬂᬢᭂᬕᬮ᭄᭞ᬲᬯᬄᬧᬥᬢᬦ᭄ᬓᬤᬶ᭞ᬤᬸᬓᬶᬂᬓᬺᬢ᭄ᬢᬬᬸᬕ᭄ᬕ᭞ᬲᬓ᭄ᬯᬾᬳᬶᬂᬚᬦ᭄ᬫᬮᬧ᭞ᬮᬶᬦᬹᬤᬦ᭄ᬤᬾᬦᬶᬂᬕᭂᬕ᭄ᬭᬶᬂ᭞ᬳ᭄ᬬᬂᬤᬸᬃᬕ᭄ᬕᬓᬵᬮ᭞ᬓᬵᬮᬮᬧᬕ᭄ᬭᬶᬄᬪᬸᬓ᭄ᬢᬶ᭟᭐᭟
᭗ᬲᬸᬫᬸᬲᬸᬧᬶᬂᬘᬶᬢ᭄ᬢᬦᬶᬂᬚᬦ᭄ᬫᬫᬵᬦᬸᬱ᭞ᬤᬤ᭄ᬬᬯᭂᬢᬸᬢᬦ᭄ᬬᬸᬓ᭄ᬢᬶ᭞ᬭᬶᬲᬶᬬᬾᬓ᭄ᬱᬫᬓ᭄ᬱᬫ᭞ᬫᬦᬶᬡ᭄ᬟᬾᬂᬥᬃᬫ᭄ᬫᬰᬰᬡ᭞ᬭᬸᬋᬓ᭄ᬓᬋᬩᬸᬢᬦ᭄ᬬᬸᬓ᭄ᬢᬶ᭞ᬘᬶᬤ᭄ᬭᬾᬂᬲᬲᬫ᭞ᬲᬶᬂ
ᬯᬄᬥᬡᬕᬶᬦᬸᬧᬶ᭟᭐᭟᭘᭟ᬓᬶᬦᭂᬦᬦ᭄ᬫᬦ᭄ᬢ᭄ᬭᬲᬶᬤ᭄ᬟᬶᬲᬶᬋᬧᬶᬲᬸᬮᬧ᭄᭞ᬮ᭄ᬬᬦ᭄ᬢᬶᬦᬸᬫ᭄ᬧᬸᬯᬶᬦᬮᬢ᭄ᬓᬭ᭠ᬧᬶᬦᭂᬚᬳᬦ᭄᭞ᬳᬓ᭄ᬯᬾᬄᬳᬦᭂᬭᬜ᭄ᬚᬦ᭞ᬳᬦᭂᬮᬸᬄᬦ᭄ᬤᭂᬗᭂᬦᬦ᭄ᬤᬾ
Kaca:Bali-lontar-paparikan-catur-yugga-300ppi.pdf/2
Kaca puniki sampun kauji-wacén
