[᭙ 9B]
᭙᭟
ᬮᬓᬸᬬᬸᬓ᭄ᬢᬶ᭞ᬲᬦ᭄ᬢᭀᬲᬾᬂᬉᬮᬄ᭞ᬳᬯᭂᬮᬲᬶᬂᬓᬯᭂᬮᬲᬲᬶᬄ᭟᭐᭟ᬩᬸᬤ᭄ᬟᬶᬦᬶᬭᬭᬳᬬᬸᬏᬕᬭᬶᬂᬘᬶᬢ᭄ᬢ᭟ᬢᬦ᭄ᬓᭂᬦᬾᬂᬤᬸᬄᬓᬭᬸᬡ᭄ᬝᬶᬓ᭄᭞ᬩᬸᬤ᭄ᬟᬶᬦᬶᬭᬓᬺᬢ᭄ᬢ᭞ᬮ᭄ᬯᬶᬃᬢᬷ
ᬣᬶᬦᬶᬂᬳᬩᬸᬗᬄ᭞ᬯᬸᬮᬢᬶᬭᬭᬹᬫᬫᬦᬶᬲ᭄᭞ᬰᬩ᭄ᬟᬫᬥᬹᬭ᭞ᬮ᭄ᬯᬶᬃᬳᬫᭂᬢᭀᬓᭂᬦ᭄ᬕᭂᬦ᭄ᬤᬶᬲ᭄᭟᭐᭟᭕᭙᭟ᬫᬗ᭄ᬓᬦᬉᬮᬳᬓᭂᬦᬶᬂᬯ᭄ᬯᬂᬲᬚᬕᬢ᭄᭞ᬫᬓᬤᬶᬧᬭᬋᬱᬶ᭞ᬬᬦ᭄ᬲᬶ
ᬭᬵᬧ᭄ᬢᬫᬸᬯᬄ᭞ᬭᬳᬬᬸᬤᬤᬶᬚᬦ᭄ᬫ᭞ᬧᬶᬢᬸᬳ᭄ᬯᬯᬸᬯᬸᬲ᭄ᬓᬸᬇᬓᬶᬦ᭄᭞ᬳ᭄ᬬᬂᬢᬢ᭄ᬯᬵᬚ᭄ᬜᬦ᭞ᬯᬸᬮᬶᬓᭂᬦ᭄ᬲᬵᬭᬶᬲᬵᬭᬶ᭟᭐᭟᭖᭐᭟ᬫᬭᬦ᭄ᬯᭂᬭᬸᬄᬭᬶᬂᬢᬢ᭄ᬯᬦᬶᬂᬳᬦᬪᬸᬯᬦ᭞ᬮᬯ᭠
ᬦ᭄ᬲᬾᬲᬶᬦᬶᬂᬪᬹᬫᬶ᭞ᬮᬦ᭄ᬪᬸᬯᬦᬰᬭᬷᬭ᭞ᬫᬸᬮᬦᬶᬂᬤᬤᬶᬚᬦ᭄ᬫ᭞ᬧᬭᬦᬶᬂᬚᬦ᭄ᬫᬓ᭠ᬯ᭄ᬭᬸᬳᬶ᭞ᬨᬮᬦᬶᬂᬚᬦ᭄ᬫ᭞ᬫᬹᬓ᭄ᬢᬶᬨᬮᬦᬶᬂᬤᬤᬶ᭟᭐᭟᭖᭑᭟ᬇᬓᬶᬚᬦ᭄ᬫᬫᬵᬦᬸᬱᬬᬗ᭄ᬕᬯᬾ
[᭑᭐ 10A]
ᬓᬯᬄ᭞ᬬᬤᬶᬦᭂᬡ᭄ᬟᬦᬶᬂᬯᬶᬥᬶ᭞ᬭᬶᬤᬾᬦ᭄ᬬᬢᬦ᭄ᬧᬾᬓ᭄ᬱ᭞ᬭᬶᬧᬗᬲᬶᬄᬪᬝᬭ᭞ᬫᭂᬦ᭄ᬢᬲᬓᭂᬦ᭄ᬭᬶᬂᬳᬯᬾᬘ᭄ᬙᬶ᭞ᬓᬶᬦᬾᬦᬜ᭄ᬚᬦ᭄ᬫ᭞ᬤᬤᬶᬫᬵᬦᬸᬱᬇᬓᬶ᭟᭐᭟᭖᭒᭟ᬯᬶᬦᬾᬳᬦᬗ᭄ᬕᬧᬸᬧᬸ
ᬧᬵᬤᬮᬾᬦ᭄ᬢᬗᬦ᭄᭞ᬚᬕᬦᭀᬤ᭄ᬦᬭᬢᭂᬢᬶᬲ᭄᭞ᬯᬓ᭄ᬱᬮᬾᬦ᭄ᬦᬸᬭᭀᬚ᭞ᬫᬵᬥ᭄ᬬᬮᬾᬦ᭄ᬲᬮᬂᬲᬮᬂ᭞ᬩᬳᬸᬕᬸᬮᬸᬦ᭄ᬬᬮᬾᬦ᭄ᬕᬶᬕᬶᬃ᭞ᬳᬸᬮᬸᬮᬾᬦ᭄ᬲᭀᬘ᭄ᬙ᭞ᬲ᭄ᬭᬸᬢᬸᬯᬮᬫ᭄ᬩᬾᬭᬸᬂᬓᬮᬶᬄ᭟᭐᭟᭖᭓
᭟ᬮᬶᬬᬦ᭄ᬢᬂᬧᬬᬸᬧᬲ᭄ᬢᬶᬱ᭄ᬝᬦᬭᬶᬤᬰᬾᬦ᭄ᬤ᭄ᬭᬶᬬ᭞ᬮᬦ᭄ᬧᬜ᭄ᬘᬾᬦ᭄ᬤ᭄ᬭᬶᬬᬓᬮᬶᬄ᭞ᬲᬢ᭄ᬯᬭᬚᬄᬢᬫᬄᬦ᭄ᬲᬾᬲᬶᬦᬶᬂᬰᬭᬷᬭ᭞ᬲᬶᬭᬪᬝᬵᬭᬥᬃᬫ᭄ᬫᬵᬲᬶᬄ᭞ᬳᬲᬸᬂᬲᬥᬡ᭞ᬳᬯᬦᬶᬂᬲᬶᬤ᭄ᬟᬍᬯᬶᬄ
᭟᭐᭟᭖᭔᭟ᬬᬫᬃᬕ᭄ᬕᬦᬶᬂᬓᬍᬩᬸᬢᬶᬩᬭᬶᬂᬓᬯᬄ᭞ᬬᬦ᭄ᬢᬦ᭄ᬧᬢᬸᬢᬸᬃᬬᬸᬓ᭄ᬢᬶ᭞ᬤᬾᬦᬶᬂᬳᬫ᭄ᬭᬬᭀᬕ᭞ᬭᬶᬂᬧᬗᬲᬶᬄᬪᬝᬵᬭ᭞ᬫᬃᬫ᭄ᬫᬦᬶᬂᬯᬶᬦᬾᬳᬦ᭄ᬯᭂᬢᬶᬲ᭄᭞ᬬᬦ᭄ᬮᬓᭀᬓᭂᬦ᭞ᬅᬫ᭄ᬭᬶᬄ
Kaca:Bali-lontar-paparikan-catur-yugga-300ppi.pdf/10
Kaca puniki sampun kauji-wacén
