[᭗ 7B]
᭗
ᬲᬶᬦ᭄ᬢᬸᬓᬤᬾᬦ᭄ᬧᬶᬮᬶᬬᬸᬳᬦᬓ᭄ᬫᬦᬕᬶᬄᬮᬶᬯᬢᬂᬲᬦᬗ᭄ᬓᭂᬦ᭄ᬕᭂᬦ᭄ᬢᬸᬄᬮᬦ᭄ᬢᬲ᭄ᬓᬩ᭄ᬯᬢ᭄ᬩᬦ᭄ᬲᬫ᭄ᬧᬵᬦ᭄ᬮᬸᬄᬫᭀᬯᬦᬶᬘᭂᬭᬶᬓ᭄ᬮᬶᬄᬲᬵᬫ᭄ᬧᬸᬦ᭄ᬮᬫᬶᬢᬶᬗ᭄ᬓᬳᬾᬫᭀᬗᬶᬦ᭄ᬲᬫ᭄ᬧᬦᬵ᭟ᬲᬵ
ᬫ᭄ᬧᬸᬦ᭄ᬓᬢᬄᬧᭀᬮᬶᬄᬳᬸᬧᬄᬳᬶᬦ᭄ᬢᭀᬳᬗᬶᬸᬗ᭄ᬕᭀᬦ᭄ᬲᬗᬸᬲᬳᬶᬓᭀᬘᬧᬦ᭄ᬯᬾᬦ᭄ᬢᭂᬦ᭄ᬩ᭄ᬭᬳ᭄ᬫᬵᬡ᭄ᬦᬲᬸᬮᬶᬗ᭄ᬕᬶᬄᬍᬯᬶᬳᬶᬂᬰᬓ᭄ᬢᬶᬳᬶᬤᬗᬬᬢᬫᬵᬃᬕ᭄ᬕᬶᬫᬗ᭄ᬮᬶᬦ᭄ᬢᬂᬳᬶᬬᬾᬳᬾᬕᭂᬦ᭄ᬢᬸᬄᬪᬕᬯ
ᬦ᭄ᬧᬭᬲᬵᬭᬧᬲᬾᬗᬦ᭄ᬳᬶᬤᬲᬂᬍᬯᬶᬄᬩᬯᬸᬳᬶᬤᬭᬯᬸᬄᬤᬶᬲᬶᬲᬶᬦ᭄ᬬᬫᬸᬦ᭟ᬲᬂᬤᬹᬃᬕ᭄ᬕᬦ᭄ᬤᬶᬦᬶᬫᬜ᭄ᬚᬕ᭄ᬚᬸᬕ᭄ᬦᬫ᭄ᬧᭂᬓᬂᬲᬫ᭄ᬧᬵᬦᬾᬕ᭄ᬮᬶᬲ᭄ᬪᬕᬯᬦ᭄ᬓᬕ᭄ᬬᬢ᭄ᬫᬜᬶᬗᬓ᭄ᬩᬳᬦ᭄ᬕᭀᬩ
ᬦᬾᬩᬲ᭄ᬍᬯᬶᬄᬩᬸᬓᬢ᭄ᬯᬭᬦᬦ᭄ᬤᬶᬗᬶᬦ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬥᬸᬄᬜᬳᬶᬧ᭄ᬬᬦᬓ᭄ᬩᬧᬵᬲᬬᬂᬲᬵᬦ᭄ᬕᭀᬩᬦᬾᬍᬯᬶᬗᬫᭀᬂᬲᬫ᭄ᬧᬵᬦ᭄ᬗᬮᬶᬃᬯᬢᬂᬧᬳᭂᬦ᭄ᬢᬲᬦ᭄᭟
[᭘ 8A]
ᬳ᭄ᬜᬾᬦ᭄ᬲᬶᬄᬕ᭄ᬫᭂᬲ᭄ᬗᬸᬤᬸᬳᬂᬓ᭄ᬭᬡ᭄ᬦᬵᬜᬳᬶᬩᬸᬓᬚᬦᬶᬓᬮᬶᬄᬳ᭄ᬜᬾᬦ᭄ᬫᬗᭂᬮᬳᬂᬜᬳᬶᬧ᭄ᬬᬦᬓᬾᬫᬲ᭄ᬫᬡᬶᬓ᭄ᬲᬸᬩᬦᬓᬾᬗ᭄ᬮᬄᬭᬩᬶᬬᬾᬦ᭄ᬥᬳᬩᬧᬵᬦᬸᬢᬦ᭄ᬤ᭄ᬭᬸᬄᬳᭀᬭᬳᬶᬦ᭄ᬓᬸᬤᬧᬶᬸᬩᬧᬵ
ᬬᬾᬦ᭄ᬲᬶᬄᬜᬳᬶᬗ᭄ᬮᬄᬲ᭄ᬯᬫᬶᬩᬲ᭄ᬓᬤᬸᬭᬸᬲ᭄ᬳ᭄ᬮᬲᬾᬫᬧᬸᬫᬳᬦ᭄᭟ᬲᬂᬤᬹᬃᬕ᭄ᬕᬵᬦ᭄ᬤᬶᬦᬶᬧ᭄ᬭᬦᬫ᭄ᬬᬵᬢᬸᬫᬸᬮᬶᬫᬳᬢᬸᬃᬳᬭᬶᬲ᭄ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂᬳᬯᬦᬦ᭄ᬢᬶᬢ᭄ᬬᬂᬳᬶᬭᬶᬓᬶᬢᬶᬢ᭄ᬬᬂᬯᬦ᭄ᬢᬄ᭠
ᬯᭀᬂᬫᬶᬲ᭄ᬓᬶᬦ᭄ᬓᬭᬶᬥᬳᬵᬲᬓᬶᬂᬤᬸᬲᬸᬦ᭄ᬧ᭄ᬬᬦᬓ᭄ᬲᬂᬤᬰᬩᬮᬵᬓᬢᬸᬕ᭄ᬦᬄᬫᬺᬓᬗ᭄ᬕᬾ᭠ᬦᬶᬦ᭄ᬚᬸᬭᬸᬭᬓᬵᬤ᭄ᬫᬕ᭄ᬦᬄᬭᬶᬂᬧᬤᬸᬲᬸᬦᬦ᭄᭟ᬳᬯᬦᬦ᭄ᬢᬶᬢ᭄ᬬᬂᬓᬓᬸᬢᬂᬓᬢᬸᬕ᭄ᬦᬳᬂᬳᬶᬭᬶᬓᬶᬫ
ᬗᬫᭀᬗᬶᬦ᭄ᬲᬫ᭄ᬧᬵᬦ᭄ᬢᬸᬦ᭄ᬤᬵᬳᬦ᭄ᬢᬸᬓ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄ᬫᬳᬫ᭄ᬩᬸᬩᬗᭂᬲ᭄ᬳᬮᬶᬤ᭄ᬳᬓᬸᬤᬢᬫ᭄ᬩᬢᭀᬂᬮᬸᬢᬸᬃᬫᬗᬍᬃᬩᭀᬬᬜᬶᬤᬬᬂᬗᬶᬘᬮᬂᬳ᭄ᬩᭀᬦᬾᬳᬮᬶᬤ᭄ᬤᬸᬕᬯᬾ
Kaca:Bali-lontar-paparikan-bratayudha-300ppi.pdf/8
Kaca puniki sampun kauji-wacén