[᭔᭑ 41B]
᭔᭑
ᬦᬶᬢᬸᬳᬸᬢᬦ᭄ᬤ᭄ᬭᬸᬄᬢ᭄ᬯᬭᬩᬶᬱᬵᬦᬯᬂᬚ᭄ᬗᬄᬢᬸᬯᬶᬢ᭄ᬯᬄᬳᬶᬩᬯ᭄ᬯᬂᬢᬦᬶ᭟ᬤᬤᬶᬓᭀᬩᬸᬓᬯᬯᬶᬭᬂᬲᬂᬓᭀᬯᬵᬲᬂᬤᬹᬃᬬ᭄ᬬᭀᬥᬦᬵᬭᬭᬶᬲ᭄ᬚᭂᬗᭂᬃᬢᬶᬗ᭄ᬓᬳᬾᬫᬲᬯᬸᬢ᭄ᬬᬾᬦ᭄ᬲᬂᬧᬜ᭄ᬘᬧ
ᬡ᭄ᬥᬯᬵᬓᬾᬦ᭄ᬓᬾᬦ᭄ᬫᬸᬜᬶᬧᬗᬸᬧᬯᬥᬦᬾᬩᬳᬸᬲᬂᬓᬵᬃᬡ᭄ᬦᬓᬳᬸᬘᬧᬂᬢ᭄ᬯᬭᬤᬲᬲᬦᬦ᭄ᬮᭂᬯᬶᬄ᭟ᬩᬦᬾᬜᬸᬫ᭄ᬩᬄᬚᬸᬭᬸᬧᭂᬜ᭄ᬘᬃᬓᬧᬶᬢᬦ᭄ᬤ᭄ᬭᬸᬄᬓᭀᬲᬂᬧᬡ᭄ᬥᬯᬵᬲᬫᬶᬳᬤᬓᭀᬧᬡ᭄ᬥᬶᬢᬤᬶ
ᬢᬸᬫᬧᬭᬩ᭄ᬥᬂᬗ᭄ᬳ᭄ᬬᬂᬤ᭄ᬭᭀᬡ᭄ᬦᬫ᭄ᬯᬂᬪᬕᬯᬦ᭄ᬓᬺᬧᬵᬗᬸᬦᬲᬳᬶᬲᭂᬦ᭄ᬢᬸᬤ᭄ᬲᬸᬫ᭄ᬩᬄᬳᬗ᭄ᬕᭀᬦ᭄ᬧ᭠ᬢᬶᬃᬢ᭄ᬢᬬᬦ᭄ᬳᬚᬓ᭄ᬫᬓ᭄ᬚᬂᬫᬜᬶᬯᬶ᭟ᬳᬸᬮᬶᬤᬶᬚᬯ᭄ᬢᬸᬦ᭄ᬳᬶᬤᬵᬫᬓᬓᬮᬶᬄᬤᬮᬫ᭄ᬧ᭄ᬬᬲ᭄ᬫᭂᬲ᭄ᬯᬂᬫᬸ
ᬜᬶᬯᬍᬤᬶᬦ᭄ᬳᬩᬶᬢᬾᬫᬮᬸᬫᬭᬶᬘᬾᬥᬃᬲᬂᬓᬃᬡ᭄ᬦᬳᬧᬦ᭄ᬳᬶᬬᬳᬸᬗ᭄ᬕ᭄ᬯᬦᬾᬲᬂᬍᬯᬶᬄᬫ᭄ᬢᬸᬳᬤᬳᬸᬮᬶᬤᬶᬸᬤᬶᬕᭀᬳᭀᬓ᭄ᬳᬤᬤᬶᬓ᭄ᬮᬧᬓᬦ᭄ᬢᬶᬳᬶᬂ᭟ᬤᬤᬶᬓᬗ᭄ᬕᭂᬓ᭄ᬲᬂᬧᬡ᭄ᬥᬯᬵᬓᬳᭀ
[᭔᭒ 42A]
ᬓᬂᬧᬢᬶᬃᬢ᭄ᬢᬬᬦᬾᬓᬮᬶᬄᬩᬸᬓᬢ᭄ᬯᬭᬗ᭄ᬳᭂᬮᬄᬲᬯᬸᬢ᭄ᬤᬤᬶᬳ᭄ᬦᭂᬂᬘᬭᬶᬢᬵᬓᭀᬘᬧ᭄ᬲᬂᬓᬵᬃᬡ᭄ᬦᬲᬵᬫ᭄ᬧᬸᬦ᭄ᬢᬵᬋᬓᭀᬧᬸᬧᬸᬢ᭄ᬲᬧ᭄ᬭᬢᬶᬗ᭄ᬓᬄᬓᬪᬶᬰᬾᬓᬵᬭᬢᬸᬫᬫᬗ᭄ᬓᬸᬤᬶᬸᬦᬕᬭᬷ᭟
ᬲᬵᬫ᭄ᬧᬸᬦ᭄ᬮᬫᬶᬜ᭄ᬚᭂᬦᭂᬂᬦᬝᬧᬺᬪᬹᬓᬃᬡ᭄ᬦᬭᬶᬂᬯᬗ᭄ᬕᬵᬘᬶᬦᬶᬯᬶᬲᬂᬭᬶᬂᬳᬱ᭄ᬝᬶᬦᬵᬯᬶᬦᬸᬯᬸᬲ᭄ᬲᬵᬫ᭄ᬧᬸᬦ᭄ᬲᬫᬶᬧᬺᬢ᭄ᬬᬓ᭄ᬱᬵᬩ᭄ᬯᬢ᭄ᬦᬶᬸᬂᬢ᭄ᬭᬶᬂᬥᬦᬹᬃᬥᬭᬵᬢᬦ᭄ᬮ᭄ᬬᬦᬾᬓᬕᬥᬸᬄᬜᬩ᭄ᬭᬦ᭄ᬫᬧᬧᬦᬳᬦ᭄
ᬲᬂᬗᬃᬚ᭄ᬚᬸᬦᭀᬦᬾᬓᬧᬸᬚᬶ᭟ᬬᬦ᭄ᬭᬶᬂᬩ᭄ᬯᬢ᭄ᬫᬕᬕᬥᬬᬦ᭄ᬢ᭄ᬯᬭᬮᬾᬦᬦ᭄ᬲᬂᬪᬷᬫᬵᬦᬾᬓᬧᬸᬚᬷᬲᬵᬫ᭄ᬧᬸᬦ᭄ᬓᬧᬃᬘ᭄ᬘᬬᬧᬸᬧᬸᬢ᭄ᬓᬬᬸᬦᬾᬥᬗ᭄ᬳ᭄ᬬᬂᬤ᭄ᬭᭀᬡ᭄ᬦᬓᬢ᭄ᬮᬲᬂᬧᬦᬸᬕ᭄ᬭᬳᬦᬾᬲᬵ
ᬫ᭄ᬧᬸᬦ᭄ᬯᬶᬩᬸᬄᬳᬗ᭄ᬦᬶᬂᬯᬾᬦ᭄ᬢᭂᬦ᭄ᬩᬦ᭄ᬢᭀᬲ᭄ᬧᬦᬸᬕ᭄ᬭᬳᬦᬾᬳᬓᬤᬶᬓ᭄᭟ᬳᬧᬂᬢ᭄ᬮᬲᬶᬂᬢᬦ᭄ᬓᬯᬱᬵᬫᬫᬦ᭄ᬢᭂᬕᬂᬕᬥᬦᬾᬲᭀᬭᬶᬂᬦᬪᬷᬫᬗ᭄ᬤᬾᬤᬧᬶᬲᬦ᭄ᬫᬫᬸᬭᬸᬕ᭄ᬲᬵᬫ᭄ᬧᬸᬦ᭄ᬋᬓᬾᬲᬂᬪᬷ
Kaca:Bali-lontar-paparikan-bratayudha-300ppi.pdf/42
Kaca puniki sampun kauji-wacén