[᭓᭑ 31B]
᭓᭑
ᬤ᭄ᬭᭀᬡ᭄ᬦᬵᬧᬬᬸᬦᬦᬾᬫᬗᬸᬗ᭄ᬲᬶᬦᬕᬭᬶᬲᬸᬫᭀᬬᭀᬕ᭄ᬭᬶᬂᬧᬭᬭᬢᬸᬲᬤ᭄ᬬᬧᬘᬂᬫᬓᬃᬬ᭄ᬬᬵᬧᬭᬰᬶᬱ᭄ᬬᬵᬭᬶᬲᬂᬧᬭᬯᬢᭂᬓ᭄ᬭᬢᬹᬩ᭄ᬯᬢ᭄ᬥᬦᬹᬃᬥᬭᬵᬓ᭄ᬭᬫᬵᬳᬶᬤᬵᬧᬘᬂᬗᬦᬸ
ᬕ᭄ᬭᬳᬶᬦ᭄᭟ᬯᬾᬦ᭄ᬢᭂᬦ᭄ᬢᬶᬦ᭄ᬭᬢᬹᬭᬶᬂᬧᬜ᭄ᬘᬮᬵᬫᬧᬲᬾᬗᬦ᭄ᬧ᭄ᬭᬪᬹᬤ᭄ᬭᬸᬧᬤᬵᬯ᭄ᬬᬓ᭄ᬢᬶᬩ᭄ᬯᬓᬶᬸᬢ᭄ᬓᬯᬶᬃᬬ᭄ᬬᬦᬾᬫᬦᭂᬭᬸᬲ᭄ᬯᬶᬪᬹᬳᬶᬂᬲᬃᬯ᭄ᬯᬫᬸᬮ᭄ᬬᬵᬢᬦ᭄ᬕ᭄ᬬᬦ᭄ᬯᬦ᭄ᬢᬄᬧᬸᬦᬶᬓᬵᬋᬓᬾᬓᬚᬸᬚᬸᬃᬳ
ᬦ᭄ᬢᬸᬓ᭄ᬳᬶᬤᬵᬥᬗ᭄ᬳ᭄ᬬᬂᬤ᭄ᬭᭀᬡ᭄ᬦᬵᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟ᬲᬭᬯᬸᬳᬾᬭᬶᬂᬧᬜ᭄ᬘᬮᬵᬥᬂᬗ᭄ᬳ᭄ᬬᬂᬤ᭄ᬭᭀᬡ᭄ᬦᬵᬭᬭᬶᬲ᭄ᬓᬦᬕᬭᬶᬧ᭄ᬭᬪᬹᬲ᭄ᬥᭂᬓ᭄ᬫᬮᬸᬗ᭄ᬕᬸᬄᬓᬧᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄᬢᬦ᭄ᬥᬸᬫᬥᬾᬥᬂᬗ᭄ᬳ᭄ᬬᬂ
ᬤ᭄ᬭᭀᬡ᭄ᬦᬵᬭᬶᬸᬯᬶᬸᬄᬳᬶᬤᬵᬭᬯᬸᬄᬚᬸᬫ᭄ᬭᭀᬚᭀᬕ᭄ᬢᬦ᭄ᬧ᭄ᬭᬭᬧᬦ᭄ᬲᬂᬧ᭄ᬭᬪᬹᬓᬕ᭄ᬬᬢ᭄ᬫᬗᬵᬓ᭄ᬱᬶ᭟ᬭᬭᬶᬲ᭄ᬓᬳᬢᬸᬭᬦ᭄ᬫᬸᬗ᭄ᬕᬄᬥᬗ᭄ᬳ᭄ᬬᬂᬤ᭄ᬭᭀᬡ᭄ᬦᬵᬭᬭᬶᬲ᭄ᬫᬸᬗ᭄ᬕᬄᬫᬮᬶᬗ᭄ᬕᬶᬄᬲᬂᬧ᭄ᬭᬪᬹᬳᬕ᭄ᬮᬶ
[᭓᭒ 32A]
ᬲ᭄ᬫᬳᬢᬹᬃᬬᬦ᭄ᬧᬸᬦᬧᬶᬲ᭄ᬯᬓᬃᬬ᭄ᬬᬵᬓᬮᬶᬄᬲᬧᬭᬶᬸᬲᬶᬭᬧᬲᬾᬗᬦ᭄ᬲᬂᬫᬧᬸᬢᬸᬲ᭄ᬢᭂᬫ᭄ᬩᬾᬭᬯᬸᬄᬓᬦᬕᬭᬵᬥᬂᬗ᭄ᬳ᭄ᬬᬂᬤ᭄ᬭᭀᬡ᭄ᬦᬵᬫᬜᬯᬸᬭᬶᬦ᭄᭟ᬳᬷᬗ᭄ᬕᬶᬄᬲᬂᬧ᭄ᬭᬪᬹᬤ᭄ᬭᬸᬧᬥᬩᬧᬵᬩ᭄ᬭᬳ᭄ᬫᬡᬩ
ᬧᬵᬭᬯᬸᬄᬫ᭄ᬭᬶᬓᬶᬲᬤ᭄ᬬᬫᬫᬋᬓ᭄ᬳᬶᬭᬢᬸᬫᬦᬸᬦᬲ᭄ᬧᬕ᭄ᬦᬳᬦ᭄ᬤᬶᬦᬕᬭᬵᬫᬗ᭄ᬥᬾᬫᬳᬰᬶᬄᬳᬦᭂᬭᬸᬲ᭄ᬳᬧᬦ᭄ᬳᬶᬥᬲᬂᬤ᭄ᬯᬷᬚᬵᬢᬦ᭄ᬯᭂᬦᬂᬤᭀᬄᬳᬶᬂᬳᬚᬷ᭟ᬓᬮᬶᬄᬗᬹᬦᬶᬭᬶᬂᬗᬰ᭄ᬭᬫᬵᬦ
ᬩᬾᬳᬶᬤᬵᬪᬝᬭᬍᬧᬲ᭄ᬗᬹᬦᬶᬳᬰᬶᬄᬭᬶᬂᬩᬧᬵᬲᬂᬧ᭄ᬭᬪᬹᬫᬳᬭᬚᬵᬤᬾᬯᬢᬵᬳᬕᬸᬭᬸᬩ᭄ᬯᬢᬶᬂᬥᬦᬹᬃᬥᬭᬵᬥᬗᬹᬤ᭄ᬯᬦᬶᬂᬩᬧᬵᬫᬫᬋᬓ᭄ᬲᬂᬧ᭄ᬭᬪᬹᬧᬦ᭄ᬳ᭄ᬬᬸᬲ᭄ᬕᬸᬫᬦ᭄ᬢᬶ᭟ᬬᬦ᭄ᬜᬦ᭄ᬤᬂᬲᬂᬧ᭄ᬭᬪᬹᬳᬶᬘ᭄ᬙ
ᬳᬸᬧᬚᬶᬯᬵᬭᬶᬂᬩᬧᬵᬦᬾᬦᬾᬫᬗ᭄ᬓᬶᬦ᭄ᬲᬂᬧ᭄ᬭᬪᬹᬭᬭᬶᬲ᭄ᬳᬫᬸᬯᬸᬲ᭄ᬳ᭄ᬦᬾᬩ᭄ᬭᬳ᭄ᬫᬡᬓᬾᬦ᭄ᬓᬾᬦᬦ᭄ᬓᬾᬦᬾᬩᭂᬗᬶᬮ᭄ᬫᬦ᭄ᬥᭂᬲᭂᬓᬂᬗᬶᬤᬶᬄᬲᬗᬸᬩᬸᬯᬶᬦᬶᬸᬦ᭄ᬗᭀᬭᬳᬂᬤᬾᬯᬢᬵᬳᬰᬶᬄ
Kaca:Bali-lontar-paparikan-bratayudha-300ppi.pdf/32
Kaca puniki sampun kauji-wacén
