[᭒ 2B]
᭒
ᬦ᭄ᬧᬮᬶᬫᬦ᭄ᬢᬸᬓᬤᬾᬫᬯᬸᬕ᭄ᬓᬧᬸᬭᬶᬭᬭᬶᬲ᭄ᬳᬶᬤᬵᬲᬂᬧ᭄ᬭᬪᬹᬓᬕ᭄ᬬᬢᬦ᭄ᬲᬶᬧᬶᬮᬦ᭄ᬢᬲ᭄ᬜᬯᬸᬧ᭄ᬭᬭᬾᬦᬾᬓᬚᬓ᭄ᬓᬧᬹᬭᬶ᭟ᬲᬭᬯᬸᬳᬾᬭᬶᬂᬚ᭄ᬭᭀᬧᬸᬭᬵᬓᬧ᭄ᬭᬢᬾᬓᬩ᭄ᬘᬶᬓ᭄ᬩᭂᬘᬶᬓ᭄ᬲᭀᬧᬓᬭ
ᬦ᭄ᬭᬚᬧᬸᬢ᭄ᬭᬫᬳᭀᬤᬮᬦ᭄ᬢᬶᬕᬂᬰᬰᬶᬄᬓᭀᬘᬧᬲᬸᬩᬓᬮ᭄ᬮᬶᬄᬦᬾᬮᬦᬂᬮᬶᬯᬢᬶᬂᬩᬕᬸᬲ᭄ᬓᬮᬸᬫ᭄ᬩ᭄ᬭᬄᬫᬧᬲᬾᬗᬦ᭄ᬲᬂᬯᬲᬸᬧ᭄ᬭᬤᬦᬵᬭᬭᬶᬲ᭄ᬲᬶᬦᬸᬂᬮᬸᬗ᭄ᬕᬸᬄᬤᬶᬧᬢᬶᬫᬗ᭄ᬓᬸᬦᬵᬕᬭ
᭟ᬦᬾᬳᬶᬲ᭄ᬢ᭄ᬭᬶᬳᬬᬸᬦᬾᬮᬶᬯᬢ᭄ᬢ᭄ᬯᬭᬩᬶᬦᬵᬤᬾᬯᬶᬲᬸᬘᬶᬲᬵᬫ᭄ᬧᬸᬦ᭄ᬋᬓᬾᬓᬮᬧ᭄ᬭᬩ᭄ᬬᬓᬚ᭄ᬦᭂᬗᬂᬧ᭄ᬭᬫᬰ᭄ᬯᬭᬶᬲᬂᬕᬶᬭᬶᬓᬵᬓᬓᬰᬶᬄᬲᬂᬧ᭄ᬭᬪᬹᬳᬾᬕᬭᬶᬂᬓᬬᬸᬦ᭄ᬚ᭄ᬦᭂᬓᬶᬭᬓᬲ᭄ᬫᬭᬦ᭄
ᬢᬦ᭄ᬮᬤ᭄ᬭᬳᬶᬦᬵᬯ᭄ᬩᬶᬯ᭄ᬗᬶᬗᬫᭀᬂᬮᬸᬮᬸᬢ᭄ᬫᬓᬭᭀᬦ᭄ᬤᬶᬚ᭄ᬭᭀᬧᬫᬺᬫᬦ᭄᭟ᬓᭀᬘᬧᬦ᭄ᬳᬶᬤᬲᬂᬦᬵᬝᬲ᭄ᬥᭂᬓ᭄ᬫᬩᬸᬩᬸᬭᬸᬳᬗ᭄ᬳᬶᬂᬮᬸᬗ᭄ᬳᬦᬾᬢ᭄ᬯᬭᬲᬕᬺᬳᬦ᭄ᬲᬂᬕᬶᬭᬶᬓᬵᬭᬶᬤᬶ
[᭓ 3A]
ᬧᬸᬭᬶᬢ᭄ᬯᬭᬲᬋᬂᬫᬗᬶᬭᬶᬂᬢᬦ᭄ᬓᭀᬘᬧ᭄ᬮᬓᬸᬦᬾᬲᬵᬫ᭄ᬧᬸᬦ᭄ᬭᬯᬸᬄᬋᬓᬾᬭᬶᬂᬗ᭄ᬳᬮᬲᬂᬧ᭄ᬭᬪᬹ᭠ᬓᬗ᭄ᬮᭂᬓᬶᬂᬗ᭄ᬳᬢᬶᬫ᭄ᬢᬸᬭᬕᬦ᭄ᬫᬾᬮᬶᬂᬢ᭄ᬓᬾᬦ᭄ᬲᬂᬕᬶᬭᬶᬓᬵ᭟ᬩᬳᬦ᭄ᬓᬳᬬᭀᬦᬾᬮᬶᬯᬢ᭄ᬲᬬᬂᬲ
ᬦ᭄ᬧᬘᬂᬓᬮᬳᬶᬦ᭄ᬓᬢᭀᬦ᭄ᬭᬚᬰᬦᬾᬓᭂᬫ᭄ᬩᬂᬫᬶᬭᬶᬩ᭄ᬮᬶᬬᬢ᭄ᬫᬓᬶᬲᬶᬓᬶᬲᬶᬕᬥᬸᬂᬗᬾᬩᬩᬃᬳᬗᬶᬦ᭄ᬫᬳᬶᬭᬶᬩ᭄ᬧᬢᬜ᭄ᬚᬶᬓ᭄ᬕᬸᬮᬸᬚᬮᬦᬾᬫᬗ᭄ᬮᬶᬤᬂᬧᬶᬧᬶᬦᬾᬓᬳᬭᬲ᭄ᬢᬶᬢᬶᬃᬤᭀᬦᬶᬦ᭄ᬢᬭ
ᬦᬾᬦᬾᬭᬕᬲ᭄ᬓᬧᬦᬲᬦ᭄᭟ᬫᬶᬭᬶᬩ᭄ᬳᬮᬶᬲ᭄ᬫᬗᬺᬗᬸᬯᬂᬲᬸᬗᬾᬗᬾᬦᬾᬜᬮᬂᬕᬥᬶᬂᬫᬶᬭᬶᬩ᭄ᬫᭀᬯᬫᬗᬸᬦ᭄ᬢᬸᬓᬂᬚᬮᬦᬾᬓ᭄ᬭᬸᬫ᭄ᬭᬸᬫ᭄ᬫᬫᬜᬶᬂᬤᬤᬶᬩᬸᬓᬗᬸᬯᬸᬳᬶᬦ᭄ᬲᬗ᭄ᬕᬮᬗᬶᬢᬾᬫ
ᬗᬺᬫ᭄ᬩᬸᬦ᭄ᬫᬶᬭᬶᬩᭀᬓ᭄ᬫᬕᬫ᭄ᬩᬳᬦ᭄ᬚᬮᬦᬾᬩᬳᬸᬫᬢᬗᬶᬧᬸᬗᬸᬦ᭄ᬧᬸᬗᬹᬦ᭄ᬭᬲᬜᬦᬕᬶᬄᬧᬸᬲᬸᬗᬂ᭟ᬓᬢᬾᬦ᭄ᬜᬸᬄᬕᬥᬶᬂᬗᬾᬓᭂᬫ᭄ᬩᬃᬮᬸᬫ᭄ᬜᬮᬂᬩᬸᬓᬵᬲᬗ᭄ᬮᬶᬂᬫᬶᬭᬶᬩ᭄ᬲᬸᬲᬸᬓ
Kaca:Bali-lontar-paparikan-bratayudha-300ppi.pdf/3
Kaca puniki sampun kauji-wacén