[᭑᭙ 19B]
᭑᭙
ᬫ᭄ᬧᬸᬦ᭄ᬓᬧᬸᬗ᭄ᬓᬸᬭᬶᬦ᭄᭟᭜᭟ᬧᬗ᭄ᬓᬸᬃ᭟᭜᭟ᬓᬾᬯᬦ᭄ᬢᭂᬦ᭄ᬲᬶᬤᬓᬢ᭄ᬓᬦ᭄ᬧᬓᬬᬸᬦᬦ᭄ᬳᬶᬤᬵᬗᬫᭀᬂᬧᬯᬾᬲ᭄ᬢ᭄ᬭᬶᬲᬤᬶᬦᬵᬤᬶᬦᬵᬲᬂᬧ᭄ᬭᬪᬹᬢᬦ᭄ᬮᬤ᭄ᬭᬶᬂᬧ᭄ᬭᬫᬶᬰ᭄ᬯᬃᬬ᭄ᬬᬢᬦ᭄ᬘᬭᬶᬢ᭄ᬢᬲᬵᬫ᭄ᬧᬸᬦ᭄ᬮᬫᬶ᭠
ᬜ᭄ᬚᭂᬦᭂᬂᬭᬢᬹᬢᬸᬃᬚ᭄ᬦᭂᬓᬶᬂᬲᬲᬭᬦ᭄ᬢᬦ᭄ᬮᬮᬶᬭᬳᬶᬦᬵᬯ᭄ᬗᬶ᭟ᬤᬤᬶᬫᬧ᭄ᬯᬭᬓᬕ᭄ᬭᬶᬗᬦ᭄ᬓᬪᬶᬦᬯᬵᬲᬸᬗ᭄ᬓᬦᬾᬢᬦᬶᬕᬶᬕᬶᬲ᭄ᬮᬶᬬᬸᬳᬸᬲᬤ᭄ᬥᬦᬾᬭᬯᬸᬄᬲᬸᬗ᭄ᬓᬦᬾᬲᬬᬦ᭄ᬭᬳᬢ᭄ᬓᬳᬸ
ᬘᬧᬂᬳᬦ᭄ᬢᬸᬓ᭄ᬩᬮ᭄ᬬᬦ᭄ᬲᬸᬗ᭄ᬓᬦ᭄ᬳᬾᬲᬸᬂᬯ᭄ᬢᭂᬗᬾᬗᬫᬕᭂᬗᬂᬩᭂᬲᭂᬄᬢᭀᬂᬤᬤᬶᬫᬯᬭᬶᬄ᭟ᬤᬾᬦᬶᬂᬲᬸᬗ᭄ᬓᬦᬾᬩᬲ᭄ᬭᬳᬢ᭄ᬢᬦ᭄ᬥᬸᬫᬥᬾᬧᬸᬦᬶᬓᬵᬓᬳᬯᬦᬶᬦ᭄ᬦ᭄ᬤᬾᬯᬢᬵᬳᬶᬤᬵᬲᬂᬧ᭄ᬭ
ᬪᬹᬘᬶᬢ᭄ᬭᬯᬶᬃᬬ᭄ᬬᬓᬮᬸᬫ᭄ᬩ᭄ᬭᬄᬫᬗ᭄ᬓᬶᬦ᭄ᬳᬾᬯᭂᬄᬲᬂᬧ᭄ᬭᬪᬹᬯᬺᬥᬵᬗ᭄ᬭᬯᭀᬲᬂᬓᬮᬶᬄᬮᬦ᭄ᬧ᭄ᬭᬫᬶᬰ᭄ᬯᬃᬭᬶᬸᬬ᭄ᬬᬪᬕᬯᬦ᭄ᬪᬶᬱ᭄ᬫᬵᬫᬓᬤᬶ᭟ᬲᬧᬲᬶᬭᬵᬜ᭄ᬚᭂᬦᭂᬂᬦᬝᬭᬶᬂᬳ᭠
[᭒᭐ 20A]
ᬳᬶᬸᬱ᭄ᬢᬶᬦᬵᬬᬦ᭄ᬫᬮᬶᬄᬫᬗᬯᭀᬦᬶᬦ᭄ᬫᬗ᭄ᬭᬯᭀᬲ᭄ᬫᬗ᭄ᬤᬾᬜᬫ᭄ᬢᬸᬳᬤᬧ᭄ᬭᬢᬶᬲᬦ᭄ᬢᬦᬢ᭄ᬯᬭᬧ᭄ᬕᬢ᭄ᬲᭀᬫᬯᬗ᭄ᬰᬵᬦᬾᬓᬧᬸᬗ᭄ᬓᬸᬃᬳᬫ᭄ᬩᬸᬮ᭄ᬢᭀᬬᬾᬦ᭄ᬳᬸᬘᬧᬂᬧᬗ᭄ᬭᬯᭀᬲ᭄ᬳᬶᬤᬵᬲᬗ᭄ᬳ
ᬚᬷ᭟ᬲᬂᬧ᭄ᬭᬪᬹᬮᬦ᭄ᬧ᭄ᬭᬫᬾᬰ᭄ᬯᬃᬬ᭄ᬬᬓᬘᬭᬶᬢ᭄ᬢᬲᬂᬥᬾᬯᬩ᭄ᬭᬢᬭᬭᬶᬲ᭄ᬧᬋᬓ᭄ᬭᬶᬂᬳᬶᬤᬵᬲᬂᬧ᭄ᬭᬪᬹᬓᬮᬶᬄᬭᬶᬂᬫᬶᬰ᭄ᬯᬃᬬ᭄ᬬᬫᬦᬸᬲᬂᬳᬦᬓᬾᬮᬶᬦ᭄ᬢᬂᬲᬸᬗ᭄ᬲᬸᬢ᭄ᬫᬗ᭄ᬭᬯᭀᬲᬂᬧᬶᬮᬶᬄ
ᬧ᭄ᬕᬢ᭄ᬲᭀᬫᬯᬗ᭄ᬰᬦᬾᬓᬚ᭄ᬭᬶᬳᬶᬦ᭄᭟ᬪᬕᬯᬦ᭄ᬪᬶᬱ᭄ᬫᬵᬗᬢᬸᬭᬂᬢᬢᬶᬗ᭄ᬓᬳᬦ᭄ᬫᬗ᭄ᬥᬾᬲᬶᬤ᭄ᬥᬫᬫᬃᬕ᭄ᬕᬷᬧᬓᬬᬸᬦᬦᬾᬲᬂᬧ᭄ᬭᬪᬹᬗᬯᭂᬢᬸᬯᬂᬲᬦ᭄ᬢᬦᬵᬯᬾᬦ᭄ᬢᭂᬦ᭄ᬩ᭄ᬭᬳ᭄ᬫᬡ᭄ᬦᬵᬍᬯᬶᬄᬰᬓ᭄ᬢᬶᬓ
ᬯᬸᬯᬸᬲ᭄ᬪᬕᬯᬦ᭄ᬩ᭄ᬬᬱᬵᬧᬲᬾᬗᬦ᭄ᬳᬶᬤᬵᬢᬧᬸᬢᬸᬲᬶᬂᬗ᭄ᬳᬚᬷ᭟ᬧᬸᬦᬶᬓᬯᬶᬓᬦ᭄ᬫᬓᬃᬬ᭄ᬬᬧᬸᬢ᭄ᬭᬳᬸᬧᬥᬦᬵᬧᬸᬦᬶᬓᬵᬳᬸᬕᬷᬳᬶᬤᬵᬜᬦ᭄ᬤᬂᬧᬘᬂᬢᬸᬳᬸᬃᬢᬸᬦᬲᬶᬦ᭄ᬧᬸᬢ᭄ᬭᬧᬥᬦᬵᬫ᭠
Kaca:Bali-lontar-paparikan-bratayudha-300ppi.pdf/20
Kaca puniki sampun kauji-wacén