[᭑᭔ 14B]
᭑᭔
ᬩ᭄ᬭᬳ᭄ᬫᬵᬡᬰᬶᬯᬵᬩᬸᬤ᭄ᬥᬵᬗᬚᭂᬗᬶᬦ᭄᭟ᬲᬳᬥᬦᬵᬧᬹᬦ᭄ᬬᬫ᭄ᬯᬂᬋᬱᬶᬪᭀᬚᬦᬵᬢᬦ᭄ᬯᬶᬮᬗᭂᬦ᭄ᬫᬵᬲ᭄ᬫᬡᬶᬓ᭄ᬢ᭄ᬮᬲ᭄ᬓᬩ᭄ᬬᬬᬬᬂᬢᬦ᭄ᬓᬯᬃᬡ᭄ᬦᬦᭂᬦ᭄ᬳᬶᬤᬵᬲᬂᬦᬝᬲᬵᬫᬶᬸᬫᬶᬸᬫ᭄ᬧᬸᬦ᭄ᬟᭂᬫ᭄ᬲᬢᬷ
ᬓᬚᬬᬚᬬᬵᬳᬦ᭄ᬢᬸᬓ᭄ᬲᬂᬳᬗᬚᭂᬗᬶᬦ᭄᭟ᬧᬸᬧᬸᬢᬶᬂᬧᬯᬶᬯᬳᬦ᭄ᬳᬶᬤᬵᬲᬂᬦᬝᬮᬶᬦ᭄ᬢᬂᬲ᭄ᬯ᭠ᬲᬶᬸᬱ᭄ᬢᬦᬶᬂᬪᬹᬫᬶᬲᬩᬩ᭄ᬮᬜ᭄ᬚᬦ᭄ᬫᬸᬥᬄᬲᬮ᭄ᬯᬶᬭᬶᬂᬢᬦ᭄ᬤᬸᬭᬦ᭄ᬫᬓ᭄ᬚᬂᬧᬥᬫᬦ᭄ᬤᬤᬶᬳᬶᬚᬦ᭄ᬫᬵᬘᭀ᭠
ᬭᬄᬤᬤᬶᬥᬃᬫ᭄ᬫᬵᬦᬾᬚᬦᬶ᭟ᬢᬦ᭄ᬓᭀᬘᬧᬵᬩᬦ᭄ᬓᬺᬢᬦᬾᬤᬶᬳᬱ᭄ᬝᬶᬦᬵᬲᬂᬬᭀᬚᬦᬕᬡ᭄ᬥᬶᬚᬦᬶᬓᬘᬭᬶᬢ᭄ᬢᬲᬵᬫ᭄ᬧᬸᬦ᭄ᬫᬤᬺᬯᬾᬧᬸᬢ᭄ᬭᬵᬮᬦᬂᬮᬦᬂᬮᬦᬂᬫᬓᬓᬮᬶᬄᬓᬤᬶᬪᬝᬭ
ᬓᭂᬫ᭄ᬩᬃᬯᬃᬡ᭄ᬦᬦᬾᬓᬮᬶᬄ᭟ᬦᬾᬤᬸᬳᬸᬭᬦ᭄ᬫᬧᬭᬩ᭄ᬲᬶᬂᬘᬶᬢ᭄ᬭᬗ᭄ᬕᬥᬲ᭄ᬥᭂᬂᬫᭂᬂᬧᭂᬂᬗᬬᭀᬦᬶᬦ᭄ᬓᬤᬶᬲᬂᬳ᭄ᬬᬂᬲ᭄ᬫᬭᬵᬦᬾᬳᬮᬶᬢᬦ᭄ᬲᬂᬘᬶᬢ᭄ᬭᬯᬶᬃᬬ᭄ᬬᬧᬲᬾᬗᬦᬾᬢᬸᬯᬶᬯᬦ᭄ᬢᬄᬲᬯᬯᬵᬭᬸ
[᭑᭕ 15A]
ᬧᬕᬸᬡ᭄ᬦᬲᬢᬦ᭄ᬤᬶᬂ᭟ᬲᬂᬭᬚᬧᬸᬢ᭄ᬭᬓᬮᬶᬄᬲᬫ᭄ᬧᬸᬦ᭄ᬓᬢ᭄ᬓᬦ᭄ᬭᬕᬲ᭄ᬫᬭᬵᬗ᭄ᬭᬦᭂᬳᬶᬦ᭄ᬓᬬᬸᬦ᭄ᬫᬯᬶᬳᬵᬳᬾᬯᭂᬄᬳᬶᬤᬵᬲᬂᬦᬝᬓᬮᬶᬄᬳᬶᬤᬧ᭄ᬭᬫᬶᬰ᭄ᬯᬭᬶᬫᬗ᭄ᬭᬸᬭᬸᬄᬓᬦ᭄ᬬᬵᬭᬚᬧᬸᬢ᭄ᬭᬵᬢ
ᬦ᭄ᬧᭀᬮᬶᬄ᭟ᬭᬭᬶᬲ᭄ᬯᬾᬦ᭄ᬢᭂᬦ᭄ᬯᬺᬢ᭄ᬢᬮᬸᬫ᭄ᬩ᭄ᬭᬄᬤᬶᬦᬕᬭᬬᬦ᭄ᬋᬓᬾᬭᬢᬸᬓᬰᬶᬄᬭᬚᬫᬤ᭄ᬯᬾᬧᬸᬢ᭄ᬭᬵᬳᬶᬲ᭄ᬢ᭄ᬭᬶᬳᬬᬸᬦᬾᬮᬶᬯᬢ᭄ᬓᬢᬶᬕᬵᬢ᭄ᬯᬭᬦᬦ᭄ᬤᬶᬗᬶᬦ᭄ᬯ᭄ᬬᬓ᭄ᬢᬶᬲᬯᬯᬵᬫᬢᬸᬭᬸᬦ
ᬦ᭄ᬓᬧᬸᬚᬶ᭟ᬦᬾᬧᬮᬶᬂᬮᬸᬳᬸᬃᬫᬧᬲᬾᬗᬦ᭄ᬲᬂᬗᬫ᭄ᬩᬵᬫ᭄ᬯᬂᬲᬗᬭᬶᬲᬗᬫ᭄ᬩᬶᬓᬵᬫ᭄ᬯᬂᬗᬫ᭄ᬩᬶᬮᬶᬓᬵᬧᬸᬦᬶᬓᬵᬓᬯᬗᬸᬦᬂᬲ᭄ᬯᬫ᭄ᬩᬭᬳᬦ᭄ᬢᬸᬓ᭄ᬲᬂᬗ᭄ᬳᬚᬷᬭᬭᬶᬲ᭄ᬓᬧᬶᬦᬂᬧᬭᬭᬢᬸᬦᬾᬲᬫᬶ᭟ᬪᬕᬯ
ᬦ᭄ᬪᬶᬱ᭄ᬱᬵᬭᬭᬶᬲ᭄ᬫᬧᬫᬶᬢ᭄ᬮᬸᬗᬵᬫᬶᬲᬤ᭄ᬬᬢ᭄ᬯᬄᬗᭂᬦ᭄ᬤᭀᬦᬶᬦ᭄ᬧᬘᬂᬫᬜᬶᬥᬬᬂᬓᬬᬸᬦ᭄ᬳᬶᬤᬲᬂᬦᬝᬗᬺᬋᬳᬂᬭᬳᬶᬦᬾᬓᬮᬶᬄᬭᬩᬶᬲᬯᬯᬵᬯᭀᬓᬦ᭄ᬭᬢᬸᬦᬾᬍᬯᬶᬄ᭟ᬢᬦ᭄ᬘ
Kaca:Bali-lontar-paparikan-bratayudha-300ppi.pdf/15
Kaca puniki sampun kauji-wacén
