[᭘᭓ 83B]
᭘᭓
ᬫᬕᬯ᭄ᬬᬧᬶᬯ᭄ᬬᬧᬓ᭞ᬮᬶᬫ᭄ᬧᬤ᭄ᬭᬶᬯᬗᬸᬦ᭄ᬮᬦ᭄ᬯᬃᬡ᭄ᬦᬶ᭞ᬩᬗᭂᬢ᭄ᬗᬸᬯᬸᬩ᭄᭞ᬗᬼᬭᬶᬂᬕᬢ᭄ᬲᬫᬶᬬᬦ᭄᭟᭐᭟ᬪᬝᬵᬭᬲᬂᬳ᭄ᬬᬂᬧ᭄ᬭᬡᬯ᭞ᬓᬵᬮᬦ᭄ᬢᬓᬦᬦᬕᭂᬫᬶ᭞ᬪᬝᬵ
ᬭᬲᬂᬳ᭄ᬬᬂᬪᬭᬸᬡ᭞ᬲᬂᬳ᭄ᬬᬂᬰᬰᬶᬄᬧ᭄ᬭᬚᬧᬢᬶ᭞ᬓᬯᬶᬢᬦ᭄ᬲᬓᬜ᭄ᬘᬦ᭄ᬤᬤᬶ᭞ᬲ᭄ᬯᬲ᭄ᬢ᭄ᬬᬲ᭄ᬢᬸᬧᬶᬂᬲᬶᬬᬸ᭞ᬓᬢᬸᬭᬶᬗᬗ᭄ᬕᬤ᭄ᬢᬯᬵᬭ᭞ᬲ᭄ᬯᬲ᭄ᬢ᭄ᬬᬲ᭄ᬢᬸᬗᬭᬭᬶᬲ᭄᭞ᬲ᭄ᬯᬲ᭄ᬢ᭄ᬬᬲ᭄ᬢᬸ᭞
ᬫᬳᬵᬲᬵᬫ᭄ᬧᬹᬃᬡ᭄ᬦᬪᬝᬵᬭ᭟᭐᭟ᬢᬶᬢ᭄ᬬᬂᬪᬓ᭄ᬢᬶᬭᬶᬂᬪᬝᬵᬭ᭞ᬭᬶᬗᬚᭂᬂᬭᬶᬂᬧᬸᬗ᭄ᬓᬸᬃᬲᬫ᭄ᬧᬶᬂ᭞ᬭᬶᬂᬤᬶᬚᬚᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬮᬶᬫ᭄ᬧᬤ᭄ᬯᬶᬰᬾᬱᬦ᭄ᬲᬂᬍᬯᬶᬄ᭞ᬓᬯᬶᬪᬸᬳ
ᬦ᭄ᬢᬦ᭄ᬧᬢ᭄ᬧᬶ᭞ᬩᭀᬬᬯᬾᬦ᭄ᬢᭂᬦ᭄ᬲᬫᬦᬶᬧᬸᬦ᭄᭞ᬗᬸᬯᬸᬩ᭄ᬭᬶᬗᬦᬢᬦᬦ᭞ᬗᬯᬯᬭᬶᬂᬲᬫᬶᬲᬫᬶ᭞ᬲᬗ᭄ᬓᬦ᭄ᬧᬸᬧᬸᬢ᭄᭞ᬳᬗ᭄ᬕᬦ᭄ᬪᬝᬵᬭᬲᬫᬶᬬᬦ᭄᭟᭐᭟ᬧᬸᬭᬸᬦ᭄ᬫᬢᬸᬃ
[᭘᭔ 84A]
ᬗᬪᬓ᭄ᬢᬶ᭞ᬢᬦ᭄ᬲᬫᬦ᭄ᬧᬤᬭᬶᬗᬕᬸᬂ᭞ᬳᬶᬭᬶᬓᬶᬭᬶᬂᬚᬕᬢ᭄ᬢᬶᬕ᭞ᬦᬧᬶᬫᬮᬶᬄᬬᬦ᭄ᬗᬮ᭄ᬯᬶᬳᬶᬦ᭄᭞ᬲᬶᬦᬄᬲᬵᬫ᭄ᬧᬸᬦ᭄᭞ᬪᬝᬵᬭᬗᬸᬗ᭄ᬕᬸᬮ᭄ᬗᬭᬕ᭟᭐᭟ᬲᬧᬸᬦᬶᬓᬳᬯᬶᬦᬦ᭄ᬜ
᭞ᬢᬶᬢ᭄ᬬᬂᬗᬲ᭄ᬢᬯᬗᬪᬓ᭄ᬢᬶ᭞ᬳᬮᬧ᭄ᬓᬲᭀᬃᬭᬶᬂᬪᬝᬵᬭ᭞ᬲᬂᬢᬸᬳᬸᬲᬬᬂᬮᬦᬲᬶᬄ᭞ᬤᬸᬭᬸᬲ᭄ᬧᬲ᭄ᬯᬾᬘ᭄ᬘᬲᬂᬍᬯᬶᬄ᭞ᬮ᭄ᬯᬶᬭᬶᬘ᭄ᬘᬦ᭄ᬩᬧᬮᬦ᭄ᬕᬸᬭᬸ᭞ᬫᬋᬧ᭄ᬭᬶᬂᬧᬸᬢ᭄ᬭᬰᬶᬱ᭄ᬬ
᭞ᬫᬶᬢ᭄ᬭᬭᬶᬂᬲ᭄ᬯᬫᬶᬢ᭄ᬭᬳᬲᬶᬄ᭞ᬮ᭄ᬯᬶᬃᬲᬗᬕᬸᬂ᭞ᬧᬲ᭄ᬯᬾᬘᬭᬶᬂᬦᬾᬲᬬᬗᬂ᭟᭐᭟ᬳᬸᬕᬶᬢᬶᬢ᭄ᬬᬂᬫᬗᬦ᭄ᬢᭀᬲᬂ᭞ᬦᬾᬤᬸᬭᬸᬂᬦᬳᭂᬦ᭄ᬓᬦ᭄ᬢᭂᬦᬶᬦ᭄᭞ᬢᬶᬢ᭄ᬬᬂᬭᬸᬫᬲᬲᬸᬲᬥ᭄ᬬ᭞
ᬗ᭄ᬳᬶᬂᬚ᭄ᬭᬶᬄᬢᬶᬢ᭄ᬬᬂᬫᬗᬶᬮ᭄ᬕᬶᬮ᭄᭞ᬥᬹᬄᬦ᭄ᬤᬯᭂᬕ᭄ᬭᬢᬸᬳ᭄ᬬᬂᬯᬶᬥᬷ᭞ᬲᬶᬤᬳᬂᬯᬃᬡ᭄ᬦᬦᬾᬤᬗᬸ᭞ᬪᬝᬵᬭᬫᬸᬮ᭄ᬬᬦᬶᬂᬤᬾᬯ᭞ᬧᬜᬗ᭄ᬕᬦᬶᬚᬕᬢ᭄ᬲᬫᬶ᭞ᬕᬶᬗ᭄ᬕᬶᬄᬦᬸᬭᬸᬲ᭄᭞ᬲᬬᬸ
Kaca:Bali-lontar-paparikan-bagawadgita-350ppi.pdf/84
Kaca puniki sampun kauji-wacén
