[᭗᭔ 74B]
᭗᭔
ᬭᬶᬂᬩᬘᬓᬦ᭄ᬩᬯᭀᬲ᭄ᬚᬸᬶᬮᬶᬗ᭄ᬕᬦᬾᬫᬾᬯᬓ᭄ᬤᬯᬸᬄᬦᬾᬢᬦ᭄ᬦᬳᭂᬦ᭄ᬦᭂᬗᬶᬮ᭄᭞ᬫᬗᭂᬫ᭄ᬩᬦ᭄ᬢᭀᬩ᭄ᬮᬶ᭞ᬦᬾᬫᬋᬧ᭄ᬲᬮ᭄ᬯᬶᬃᬩᬸᬘᬸ᭟᭐᭟ᬧᬸᬧᬸᬄᬳᬤ᭄ᬭᬶ᭟᭐᭟ᬩ᭄ᬮᬶᬫᬵᬯᬓ᭄ᬓᬵ
ᬮᬦ᭄ᬢᬓᬩᬕᬸᬲ᭄᭟ᬦᬾᬫᬪᬓ᭄ᬢᬶᬲᬓᬜ᭄ᬘᬦ᭄᭞ᬩ᭄ᬮᬶᬫᬲᬶᬄᬫᬵᬯᬓ᭄ᬓᬯᬶᬢ᭄᭞ᬦᬾᬳᬤᬮᬦ᭄ᬓᬜ᭄ᬘᬦ᭄ᬢᬸᬫ᭄ᬩᬸᬄ᭞ᬬᬦ᭄ᬤᬶᬚ᭄ᬭᭀᬦᬶᬂᬕᬸᬡᬦᭂᬮᬸᬄ᭞ᬓᬯᬶᬪᬸᬳᬦ᭄ᬓᬲᬸᬩᬕ᭄ᬬ
ᬦ᭄᭞ᬳᬶᬥᭂᬧ᭄ᬩᬩᬯᭀᬲᬾᬳᬮᬸᬲ᭄᭞ᬦᬚᭂᬳᬢᬶᬓᬧ᭄ᬭᬚ᭄ᬜᬦᬦ᭄᭞ᬓᬲᬸᬓᬦ᭄ᬮᬦ᭄ᬓ᭄ᬱᬫᬯᬵᬦ᭄᭟᭐᭟ᬚ᭄ᬭᭀᬦᬶᬂᬮᬕᬸᬧᬗᬲ᭄ᬢᬯᬮᬸᬳᬸᬃ᭞ᬩ᭄ᬮᬶᬩ᭄ᬭᬶᬳᬢᬲᬫᬦ᭄
᭞ᬚ᭄ᬭᭀᬦᬶᬂᬲ᭄ᬮᭀᬓᬦᬾᬰᬸᬘᬶ᭞ᬕᬬᬢ᭄ᬭᬶᬦ᭄ᬢᭀᬗᬭᬦᬶᬗ᭄ᬲᬸᬦ᭄᭞ᬫᬃᬕ᭄ᬕᬰᬶᬃᬱᬫᬲᬶᬳᬶᬗ᭄ᬲᬸᬦ᭄᭞ᬭᬶᬓᬜ᭄ᬘᬦ᭄ᬩᬘᬓᬦ᭄ᬩᬸᬮᬦ᭄᭞ᬚ᭄ᬭᭀᬦᬶᬂᬓ᭄ᬤᬧᬦ᭄ᬜᬢᬸᬫ᭄ᬩᬸᬄ᭞ᬓᬜ᭄ᬘᬦᬶᬂᬳᭂᬦ᭄ᬢᬶ
[᭗᭕ 75A]
ᬓᭂᬦ᭄ᬢᬶᬓᬦ᭄᭞ᬳᭂᬦ᭄ᬢᭀᬩ᭄ᬮᬶᬬᬦ᭄ᬭᬶᬂᬫᬲᬦ᭄᭟᭐᭟ᬩᬘᬓᬦ᭄ᬮᭀᬫ᭄ᬧᬂᬘᭀᬭᬄᬫᬫᬶᬬᬸᬢ᭄᭞ᬩᬩᭀᬢᭀᬄᬦᬾᬓᬓ᭞ᬚ᭄ᬭᭀᬦᬶᬂᬫᬸᬮ᭄ᬬᬦ᭄ᬲᬫᬶ᭞ᬫᬸᬲ᭄ᬢᬶᬓᬦ᭄ᬜᬢ᭄ᬯᬳᬶ
ᬗ᭄ᬲᬸᬦ᭄᭞ᬓᬫ᭄ᬦᬗᬦ᭄ᬫᬲᬶᬳᬶᬗ᭄ᬲᬸᬦ᭄᭞ᬦᬬᬯᬶᬦᬬᬦ᭄ᬳᭀᬓᬓ᭞ᬩ᭄ᬮᬶᬬᬓᭀᬢ᭄ᬢᬫᬦᬕᬸᬂ᭞ᬚ᭄ᬭᭀᬦᬶᬂᬓᬜ᭄ᬘᬦᬸᬢ᭄ᬢᬫ᭞ᬓᬾᬢᭀᬳᬤᬶᬤᬦᬜ᭄ᬚᬬ᭟᭐᭟ᬭᬶᬂᬢᭀᬲ᭄ᬯᬺᬱ᭄ᬡᬷ
ᬯᬰᬸᬤᬾᬯᬳᬶᬗ᭄ᬲᬸᬦ᭄᭞ᬚ᭄ᬭᭀᬦᬶᬂᬧᬵᬡ᭄ᬥᬯ᭞ᬤᬦᬜ᭄ᬚᬬᬦ᭄ᬜᬦᬾᬩ᭄ᬮᬶ᭞ᬚ᭄ᬭᭀᬦᬶᬂᬲᬂᬫᬸᬦᬶᬮᬸᬳᬸᬃ᭞ᬳᬩ᭄ᬬᬱᬦ᭄ᬢᭀᬯᬾᬓᬶᬗ᭄ᬲᬸᬦ᭄᭞ᬬᬜ᭄ᬚ᭄ᬭᭀᬦᬶᬂᬓᬯᬷᬰ᭄ᬯᬭ᭞
ᬦᬾᬗᬃᬤ᭄ᬥᬶᬥᬃᬫ᭄ᬫᬲᬲ᭄ᬩ᭄ᬭᬾᬓ᭞ᬳᬶᬓᬓᬪᬕᬯᬵᬦ᭄ᬰᬸᬓ᭄ᬭ᭞ᬳᬦᬾᬫᬗᬃᬤ᭄ᬥᬶᬉᬰᬡ᭟᭐᭟ᬓᬯᬶᬘᬓ᭄ᬱᬡᬦ᭄ᬲᬚ᭄ᬭᭀᬦᬶᬂᬓᬯ᭄ᬭᬸᬄ᭞ᬩ᭄ᬮᬶᬧᬜᬶᬫ᭄ᬧᭂᬦᬦ᭄᭞ᬓᬜ᭄ᬘᬦᬶᬂᬭ
Kaca:Bali-lontar-paparikan-bagawadgita-350ppi.pdf/75
Kaca puniki sampun kauji-wacén
