[᭕᭔ 54B]
᭕᭔
ᬦᬗ᭄ᬕᬸᬮ᭄ᬓᬤ᭄ᬜᬤᬶᬚᬕᬢ᭄᭞ᬳᭂᬦ᭄ᬢᭀᬬᬲᬂᬲᬥᬸᬩᬸᬤ᭄ᬥᬶ᭞ᬲᬶᬦᬄᬗᬸᬗ᭄ᬲᬶᬓᬓ᭞ᬯᬶᬭᬾᬳᬶᬬᬧ᭄ᬭᬢ᭄ᬬᬓ᭄ᬱ᭞ᬭᬶᬂᬓᬚᬢᬾᬦ᭄ᬤᬾᬯᬾᬓ᭄ᬩᭂᬮᬶ᭞ᬫᬯᬓ᭄ᬫᬓ᭄ᬚᬂ᭞ᬦᬾᬢᬦ᭄ᬕᬫ᭄ᬧᬂᬲᬶᬤ᭄ᬥ
ᬓ᭄ᬦᬶ᭟ᬦᬗ᭄ᬳᬶᬂᬳᭂᬦ᭄ᬢᭀᬲᬂᬲᬂᬫᬶᬲᬭᬢ᭄ᬓᬩ᭄ᬬᬄᬤᬬᬦ᭄᭞ᬧᬥᬦᬩ᭄ᬥᬩᬂᬲᬸᬪᬓ᭄ᬢᬶ᭞ᬭᬶᬂᬧᬭᬤᬾᬯᬢ᭞ᬳᬸᬧᬘᬭᬫᬢ᭄ᬕᭂᬧᬦ᭄᭞ᬓᬢᬸᬃᬭᬶᬂᬪᬝᬵᬭᬲᬫᬶ᭞ᬫᬗ᭄ᬤᬾᬦ᭄ᬲᬶᬤ᭄ᬥ᭞
ᬧᬭᬤᬾᬯᬢᬦ᭄ᬩ᭄ᬯᭀᬘ᭄ᬙᬦᬶᬦ᭄᭟᭐᭟ᬤ᭄ᬬᬲ᭄ᬢᬸᬓᬾᬦ᭄ᬓᬾᬦ᭄ᬘᬭᬦ᭄ᬲᬂᬫᬦᬹᬢᬵᬕᬫ᭞ᬳᬶᬦ᭄ᬤᬶᬓᬾᬦᬾᬪᬓ᭄ᬢᬶᬭᬶᬂᬩ᭄ᬮᬶ᭞ᬫᬭᬹᬢ᭄ᬧᬗᬸᬕᭀᬦ᭄ᬜ᭞ᬧᬢᬸᬄᬩᬦ᭄ᬩᭂᬮᬶᬦᬭᬶᬫ᭞
ᬬᬦ᭄ᬲᬫ᭄ᬧᬸᬦ᭄ᬫᬤᬲᬂᬪᬓ᭄ᬢᬶ᭞ᬲᬶᬦᬄᬳᬶᬬ᭞ᬲᬬᬦ᭄ᬢᬫ᭄ᬧᭂᬓ᭄ᬭᬶᬂᬩ᭄ᬮᬶ᭟᭐᭟ᬤᬕᬶᬂᬩ᭄ᬕᭂᬄᬩᬕᭂᬦ᭄ᬦᬾᬤᬤᬶᬳᬘᭂᬧᬂ᭞ᬳᭂᬦ᭄ᬢᭀᬳᬦᬾᬓᬪᬓ᭄ᬢᬶᬦᬶᬦ᭄᭞ᬳᭂᬦ᭄ᬢᭀᬦᬾᬗᬯᬶ
[᭕᭕ 55A]
ᬦᬂ᭞ᬦ᭄ᬓᬬᬂᬦᬾᬓᬩ᭄ᬯᬢᬂ᭞ᬳᬧᬮ᭄ᬯᬶᬃᬦᬾᬓᬧ᭄ᬭᬶᬄ᭞ᬓᬢᬢ᭄ᬯᬦ᭄ᬜ᭞ᬢ᭄ᬯᬄᬩ᭄ᬮᬶᬦᬾᬜ᭄ᬭᭀᬘ᭄ᬙᬦᬶᬦ᭄᭟᭐᭟ᬲᬓᬬᬦᬾᬲᬶᬤ᭄ᬥᬢᬫ᭄ᬧᬶᬦᬫᬹᬥ᭞ᬢᬦ᭄ᬮ᭄ᬬᬦ᭄ᬓᬲᬸᬓᬦ᭄ᬕᬜ᭄ᬚᬶᬄ᭞ᬲᬂᬫ
ᬜᭂᬫ᭄ᬩᬄᬤᬾᬯ᭞ᬜᬸᬚᬸᬃᬭᬶᬂᬧᬭᬤᬾᬯᬢ᭞ᬦᬗ᭄ᬳᬶᬂᬲᬂᬗᬦᬹᬢ᭄ᬭᬶᬂᬩ᭄ᬮᬶ᭞ᬲᬶᬦᬄᬳᬶᬬ᭞ᬮᬓᬃᬫᬦ᭄ᬓᬳᬶᬦ᭄ᬩᭂᬮᬶ᭟᭐᭟ᬦ᭄ᬢᭀᬲᬂᬫᬹᬥᬜᬩ᭄ᬭᬦ᭄ᬲᬮᬄᬧᬗ᭄ᬳᬃᬢ᭄ᬬᬦ᭄᭞ᬭᬶᬂᬫᬸᬲ᭄ᬢᬶᬓ
ᬦ᭄ᬤᬾᬯᬾᬓ᭄ᬩᭂᬮᬶ᭞ᬳᭂᬦ᭄ᬢᭀᬓᬲᭂᬗ᭄ᬕᬸᬳᬂ᭞ᬓᬮ᭄ᬓᬤᬂᬭᬶᬂᬓᬜ᭄ᬘᬦ᭄᭞ᬢ᭄ᬯᬭᬳᬶᬬᬧ᭄ᬤᬲᬚᬶᬦ᭄᭞ᬭᬶᬂᬓᭀᬢ᭄ᬢᬫᬦ᭄᭞ᬓᬮᬗ᭄ᬕᭂᬗᬦ᭄ᬤᬾᬯᬾᬓ᭄ᬩᭂᬮᬶ᭟᭐᭟ᬭᬾᬄᬓᬯᬾᬰᬩᬳᬦ᭄
ᬲ᭄ᬢᬮᬫᬬᬦ᭄ᬓᬓ᭞ᬕᬸᬫᬶᬦᬾᬮᬶᬩᬸᬢ᭄ᬢᬦᬚᬶᬦ᭄᭞ᬭᬶᬂᬓᬚᬢᬾᬦ᭄ᬓᬓ᭞ᬦᬾᬢᬦ᭄ᬢᬳᬾᬦ᭄ᬓᬮ᭄ᬓᬤᬂ᭞ᬭᬸᬲᬓ᭄ᬱ᭄ᬳᬶᬃᬡ᭄ᬦᬫᬮᬶᬄᬢᬸᬲᬶᬂ᭞ᬲᬓᬾᬯᬮ᭞ᬩᬦ᭄ᬢᬲ᭄ᬩᬸᬯᬸᬩᬕᬸᬂᬩᬺᬱᬶᬄ᭟᭐᭟
Kaca:Bali-lontar-paparikan-bagawadgita-350ppi.pdf/55
Kaca puniki sampun kauji-wacén
