[᭓᭒ 32B]
᭓᭒
ᬦᬸᬦᬸᬭᬸᬦᬂ᭞ᬫᬭᬶᬂᬲᬂᬧ᭄ᬭᬪᬸᬳᬶᬓ᭄ᬱ᭄ᬯᬓᬸ᭞ᬤᬕᬶᬂᬓᬾᬢᭀᬧᬶᬤᬃᬢᬦ᭄ᬜ᭞ᬳᬧᬗ᭄ᬤᬶᬢᬢᬲ᭄ᬦᬶᬯᬂ᭟᭐᭟ᬤᬶᬢᬸᬬᬮᬦ᭄ᬢᬲ᭄ᬢᬸᬭᬸᬦ᭄ᬢᬸᬫᬸᬭᬸᬦ᭄᭞ᬩ᭄ᬮᬶᬫᬶᬢ᭄ᬭᬗᬂ᭞ᬢ᭄ᬓᬾᬦᬶᬬᬤᬶ
ᬦᬾᬚᬦᬶ᭞ᬭᬾᬳᬤᬶᬩᬗᭂᬢ᭄ᬲᬢᬶᬦᬸᬢ᭄᭞ᬭᬾᬄᬜᬫᬦ᭄ᬩᭂᬮᬶᬳᬶᬩᬕᬸᬲ᭄᭞ᬲᬗ᭄ᬓᬦᬧᬶᬓᬶᬦ᭄ᬫᬶᬋᬗᬂ᭞ᬳᬧᬂᬢ᭄ᬯᬭᬲᬮᬶᬄᬲᬸᬭᬸᬧ᭄᭞ᬤᬕᬶᬂᬓᬾᬦᬾᬭᬳᬳ᭄ᬬᬵᬦ᭄ᬜ᭞ᬦᬾ
ᬫᬯᬸᬕ᭄ᬧᬮᬶᬗᬸᬢ᭄ᬢᬫ᭟᭐᭟ᬯᬯᬸᬲᬧᬸᬦᬶᬓᬲᬂᬓᬺᬱ᭄ᬡᬫᬯᬸᬯᬸᬲ᭄᭞ᬭᬭᬶᬲ᭄ᬲᬂᬆᬃᬚ᭄ᬚᬸᬦ᭞ᬳᬶᬤᬫᬢᬸᬃᬲᬧᬸᬦᬶᬓᬶ᭞ᬭᬢᬸᬢᬶᬢ᭄ᬬᬂᬩᬗᭂᬢ᭄ᬩᬶᬗᬸᬂ᭞ᬦᬫ᭄ᬧᬾᬦ᭄ᬯᬘᬦᬲᬂ
ᬧ᭄ᬭᬪᬸ᭞ᬯᬶᬚᬶᬮᬶᬤᬲᬂᬯᬶᬯᬲ᭄ᬯᬦ᭄᭞ᬫᬶᬯᬄᬳᬶᬤᬲᬂᬳ᭄ᬬᬂᬫᬦᬸ᭞ᬩᬗᭂᬢ᭄ᬭᬶᬳᬶᬦ᭄ᬭᬶᬗᬶᬤᬾᬯ᭞ᬗᬸᬤ᭄ᬬᬂᬳᬶᬭᬢᬸᬦᬾᬗᬚᬃ᭟᭐᭟ᬧᭂᬧᭂᬲ᭄ᬓᬓᬮ᭄ᬓᬤ᭄ᬦᬾᬫᬮᬸᬫᬮᬸ᭞
[᭓᭓ 33A]
ᬓᬾᬢᭀᬫᬲᬶᬄᬤᬾᬯ᭞ᬲᬸᬩᬲ᭄ᬭᬶᬂᬢᬸᬭᬸᬦ᭄ᬫᬳᬶ᭞ᬩ᭄ᬮᬶᬩᬶᬗᭂᬢ᭄ᬧᭂᬲᬦ᭄ᬩᬕᬸᬲ᭄᭞ᬢ᭄ᬓᬾᬦ᭄ᬤᬸᬓ᭄ᬦᬶᬢᬶᬲᬾᬤᬸᬫᬸᬦ᭄᭞ᬬᬤ᭄ᬬᬜ᭄ᬚᬧᬶᬂᬓᬸᬤᬓᬸᬤ᭞ᬦᬗ᭄ᬢᬶᬗᬤᬶᬢ᭄ᬯᬭᬭᬸᬗᬸ᭞ᬮᬮᬶᬢ᭄ᬯᬭᬫ
ᬗᬾᬮᬶᬗᬂ᭞ᬢ᭄ᬓᬾᬦ᭄ᬤᬸᬫᬤᬶᬦᬾᬧ᭄ᬘᬓ᭄᭟᭐᭟ᬬᬤᬶᬦ᭄ᬢ᭄ᬯᬭᬓᬮ᭄ᬓᬤᬗᬶᬗ᭄ᬲᬸᬦ᭄᭞ᬢᬦ᭄ᬲᬶᬤ᭄ᬥᬓᬭᬸᬲᬓ᭄᭞ᬫᬶᬯᬄᬚᬢᬶᬦ᭄ᬤᬾᬯᬾᬓ᭄ᬩᭂᬮᬶ᭞ᬜᬶᬧ᭄ᬢᬲᬯᬢ᭄ᬓᬶᬗᬶᬤᬸᬧ᭄᭞ᬗᬯᬯᬲ᭄ᬯ
ᬩ᭄ᬯᬾᬄᬪᬹ᭞ᬲᬓᬶᬂᬓ᭄ᬭᬬᬰᬓ᭄ᬢᬶᬦ᭄ᬓᬓ᭞ᬫᬬᬦ᭄ᬰᬓ᭄ᬢᬶᬦ᭄ᬩ᭄ᬮᬶᬧᬸᬦᬶᬓᬸ᭞ᬦᬾᬤᬸᬮᬸᬄᬩ᭄ᬮᬶᬗ᭄ᬯᬢᬭ᭞ᬲᬗ᭄ᬓᬦ᭄ᬢ᭄ᬯᬭᬢ᭄ᬕᬸᬮ᭄ᬓᬃᬫ᭄ᬫ᭟᭐᭟ᬭᬶᬓᬵᬮᬥᬃᬫ᭄ᬫᬦᬾᬦᬦ᭄ᬤᭂᬲ᭄ᬭᬸᬩᬸᬄ᭞ᬳᬸᬯᬸᬕᬂ
ᬤᬸᬃᬚᬦ᭞ᬭ᭄ᬭᬶᬂᬦ᭄ᬢᭂᬂᬘᭀᬭᬳᬾᬫᬹᬃᬢ᭄ᬢᬶ᭞ᬓᬵᬮᬤᬶᬢᬸᬩ᭄ᬮᬶᬢᬸᬭᬸᬦ᭄᭞ᬯᬢᬭᬦᬸᬜ᭄ᬚᭂᬮᬶᬩᬸᬢ᭄᭞ᬩ᭄ᬮᬶᬜᭂᬤ᭄ᬬᬬᬗᬯᬓ᭄᭞ᬢ᭄ᬯᬭᬳᬤᬳᬦᬓ᭄ᬩᬸᬤᬸᬄ᭞ᬭᬾᬄᬩ᭄ᬮᬶᬭᬸᬫᬕ
Kaca:Bali-lontar-paparikan-bagawadgita-350ppi.pdf/33
Kaca puniki sampun kauji-wacén
