Kaca:Bali-lontar-paparikan-bagawadgita-350ppi.pdf/24

Saking Wikisource
Kaca puniki sampun kauji-wacén

[᭒᭓ 23B]
᭒᭓
ᬦ᭄ᬢᭀᬳᬦᬓ᭄ᬱᬸᬯᬸᬤ᭄ᬓᬓᭂᬜ᭄ᬘᬦ᭄᭞ᬫᬧᭀᬮᬄᬚ᭄ᬭᭀᬦᬶᬂᬮᬦ᭄ᬤᬸᬄ᭞ᬬᬦ᭄ᬲᬾᬤᬳᬭᭀᬓ᭄ᬭᬶᬂᬲᬗ᭄ᬓᬦ᭄᭞ᬓᬾᬢᭀᬳᬤᬶᬤᬦᬜ᭄ᬚᬬ᭟᭐᭟ᬲᬗ᭄ᬓ᭄ᬬᬬᭀᬕᬦᬾᬓᬩᬯᭀᬲ᭄ᬕ
ᬗ᭄ᬕᬸ᭞ᬯᬭᬄᬲᬂᬓᬾᬯᬰ᭞ᬗᬦ᭄ᬤᬶᬓᬳᬶᬦ᭄ᬲᬂᬓᬶᬭᬶᬣᬶ᭞ᬳᬶᬦ᭄ᬤᬶᬓ᭄ᬢᬢ᭄ᬯᬦ᭄ᬫᬵᬢᬶᬳᬶᬤᬶᬧ᭄᭞ᬳᬶᬦ᭄ᬤᬶᬓ᭄ᬱᬂᬚᬷᬭᬧᬸᬦᬶᬓᬸ᭞ᬓᬮᬶᬄᬓᬓᬦ᭄ᬤᬦ᭄ᬲ᭄ᬯᬥᬃᬫ᭄ᬫ᭞ᬫᬢ᭄ᬕᭂᬧ᭄ᬢᭂᬕ᭄ᬧᬦ᭄ᬲᬵᬫ᭄ᬧᬸᬦ᭄᭞
ᬫᬗ᭄ᬓᬶᬦ᭄ᬗᬯᬶᬢ᭄ᬓᬧᬶᬤᬃᬣ᭞ᬫᬸᬲ᭄ᬢᬶᬓᬦᬶᬂᬓ᭄ᬭᬫᬦ᭄ᬬᬵᬕ᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟ᬳᬶᬗ᭄ᬕᬶᬭᬢᬸ᭞ᬫᬦᬹᬢ᭄ᬯᬘᬦᬦ᭄ᬲᬂᬧ᭄ᬭᬪᬸ᭞ᬲᬦᬾᬗᬯ᭄ᬚᬗᬂ᭞ᬓᬧ᭄ᬭᬚ᭄ᬜᬦᬦ᭄ᬧᬶᬦᬶᬄᬍᬯᬶᬄ᭞ᬲᬗ᭄ᬓ
ᬦ᭄ᬭᬢᬸ᭞ᬗᬸᬤᬸᬄᬢᬶᬢ᭄ᬬᬂᬭᬶᬂᬧᬓᬵᬃᬬ᭄ᬬᬦ᭄᭟᭐᭟ᬗ᭄ᬕᬯᬾᬩᬶᬗᬸᬂ᭞ᬯᬘᬦᬦ᭄ᬭᬢᬸᬤᬾᬯᬵᬕᬸᬂ᭞ᬳᬯᬶᬦᬦ᭄ᬤᬸᬭᬸᬲᬂ᭞ᬦ᭄ᬤᬶᬓᬳᬶᬦ᭄ᬫᬃᬕ᭄ᬕᬦᬾᬧᬲ᭄ᬢᬶ᭞ᬚᬕᬤᬸᬮᬸᬄ᭞ᬓᬚᬕᬢᬾ
[᭒᭔ 24A]
ᬢᬺᬧ᭄ᬢᬶᬲᬸᬓ᭟᭐᭟ᬧᬸᬧᬶᬄᬤᬂᬤᬂ᭟᭐᭟ᬥᬹᬄᬆᬃᬚ᭄ᬚᬸᬦᬲᬸᬩᬲᬓᬶᬂᬭᬶᬳᬶᬦ᭄᭞ᬩ᭄ᬮᬶᬫᬶᬤᬃᬣᬳᬤᬭᬸᬭᬸᬂᬤᬤ᭄ᬯ᭞ᬦᬾᬳᬗ᭄ᬕᬾᬦ᭄ᬲᬂᬤᬦᬗᬮᬶᬄ᭞ᬬᬦ᭄ᬲᬂᬯᬶᬪᬸᬳᬶᬂᬓᬯ᭄ᬭᬸᬄ᭞ᬲᬂᬯᬶᬓ
ᬦ᭄ᬭᬶᬂᬢᬢ᭄ᬯᬍᬯᬶᬄ᭞ᬫᬭᬸᬭᬸᬂᬩᬦ᭄ᬓᬧ᭄ᬭᬚ᭄ᬜᬦᬦ᭄᭞ᬦᬗ᭄ᬳᬶᬂᬓᬵᬃᬬ᭄ᬬᬯᬵᬦ᭄ᬧᬸᬦᬶᬓᬸ᭞ᬲᬓᬸᬂᬪᬓ᭄ᬢᬶᬢᬦ᭄ᬫ᭄ᬭᬶᬄᬨᬮ᭞ᬗᬭᬧ᭄ᬓᬵᬃᬬ᭄ᬬᬲᬤᬦᬦᬾᬜᬸᬤᬶᬍᬯᬶᬄ᭞ᬓᬾᬢᭀᬳᬤᬶ
ᬤᬦᬜ᭄ᬚᬬ᭟᭐᭟ᬲᬶᬦᬄᬢ᭄ᬯᬭᬩᬩᬲᬾᬓ᭄ᬦᬶ᭞ᬬᬦᬶᬂᬗᭀᬜᬂ᭞ᬢ᭄ᬯᬭᬜᬓ᭄ᬫᬓᬵᬃᬬ᭄ᬬ᭞ᬓᬾᬢᭀᬫᬲᬶᬄᬮᬓᬃᬢᬸᬲᬶᬂ᭞ᬗᬫᭀᬮᬶᬳᬂᬲᬂᬳ᭄ᬬᬗᬬᬸ᭞ᬬᬦ᭄ᬢᭂᬍᬩᬘᭂ
ᬧᬾᬮᬶᬲᬶᬓ᭄᭞ᬗᬭᬧ᭄ᬓᬢᬗ᭄ᬲᭂᬳᬦ᭄ᬓᬵᬃᬬ᭄ᬬ᭞ᬧᬶᬢᭂᬲᬓᬾᬦᬾᬩᬕᬸᬲ᭄᭞ᬤᬲᬓᬶᬂᬫᬫ᭄ᬭᬶᬄᬨᬮ᭞ᬦᬶᬜ᭄ᬚᭀᬓᬵᬃᬬ᭄ᬬ᭞ᬗᬭᬧ᭄ᬗᬯᬾᬲᬓᬶᬂᬪᬓ᭄ᬢᬶ᭞ᬧᬂᬮᬸᬧᬸᬢ᭄ᬲᬓᬶᬂ

Kapolihang saking "https://ban.wikisource.org/w/index.php?title=Kaca:Bali-lontar-paparikan-bagawadgita-350ppi.pdf/24&oldid=82572"