[᭑᭑᭐ 110B]
᭑᭑᭐
ᬰ᭄ᬭᬶᬧᬶᬢ᭄᭞ᬦᬾᬗᬃᬤ᭄ᬥᬶᬮ᭄ᬩᬸᬃᬲᬂᬚᬶᬯ᭞ᬳᬤᬢᬢ᭄ᬓᬸᬦ᭄ᬢᭀᬳᬤᬶ᭞ᬓᬫᬧ᭄ᬭᬾᬢᬫᬓᬤᬮᬶᬄ᭞ᬓ᭄ᬭᭀᬤ᭄ᬥᬧᬶᬂᬤ᭄ᬯᬦᬶᬧᬸᬦ᭄᭞ᬧᬶᬂᬢ᭄ᬮᬸᬫᬳᬤᬦ᭄ᬮᭀᬪ᭞ᬳᭂᬦ᭄ᬢᭀᬢ᭄ᬯᬄᬯ᭄ᬯᬾᬢᬭᬶᬳᬷ᭞
ᬜᬦ᭄ᬤᬂᬢᬸᬢᬸᬧ᭄᭞ᬧᭂᬢ᭄ᬧᭂᬢᬧᬂᬢ᭄ᬯᬭᬫᭂᬫ᭄ᬮᬄ᭟᭐᭟ᬲᬂᬲᬶᬤ᭄ᬥᬫᬾᬩᬲᬂᬚᬷᬯ᭞ᬫᬋᬧ᭄ᬭᬶᬂᬧᬸᬦᬶᬓᬲᬫᬶ᭞ᬕᭀᬳᬧ᭄ᬢᭂᬗᬾᬢᬢᬶᬕ᭞ᬓᬫᬮᭀᬪᬮᬦ᭄ᬩ᭄ᬭᬶᬢᬶ᭞ᬳᬧᬳᬦᬾ
ᬓᬧᬓᬃᬤ᭄ᬥᬶ᭞ᬩᬦ᭄ᬢᬲ᭄ᬗᬯᬾᬚᬷᬯᬮᬦ᭄ᬤᬸᬄ᭞ᬢᬦᬤᭀᬄᬭᬶᬂᬢᬺᬧ᭄ᬢᬶᬲᬸᬓ᭞ᬚᬕᬤ᭄ᬥᬶᬢᬓᬓᬵᬃᬬ᭄ᬬᬦᬶᬦ᭄᭞ᬭᬶᬂᬧᬫᬸᬧᬸᬢ᭄᭞ᬦ᭄ᬫᭀᬓᬂᬰᬸᬓ᭄ᬮᬪᬯᬦ᭟᭐᭟ᬦᬗ᭄ᬳᬶᬂᬦ᭄ᬢᭀᬲᬂᬧᬭᬶ
ᬩᭀᬬ᭞ᬢᬸᬮᬓ᭄ᬭᬶᬂᬯᬾᬤᬲ᭄ᬫᬺᬢ᭄ᬢᬶ᭞ᬩᭀᬬᬭᬶᬂᬧᬜ᭄ᬘᬲᬭᬤ᭞ᬬᬾᬦᬶᬗᬶᬧᬸᬦ᭄ᬫᬧᬓᬵᬃᬤ᭄ᬥᬶ᭞ᬧᬸᬢᬸᬤᬸᬄᬲᬂᬤᭀᬢ᭄ᬓᬳᬶᬭᬶᬂ᭞ᬭᬾᬳᭂᬦ᭄ᬢᭀᬓᬲᭂᬗ᭄ᬕᬸᬄᬭᬢᬸ᭞ᬳᬦᬓᬾᬳ
[᭑᭑᭑ 111A]
ᬓᬾᬢᭀᬧᬵᬃᬣ᭞ᬩᬸᬯᬸᬂᬫᬓᬢᬂᬦᬾᬍᬯᬶᬄ᭞ᬩᬕ᭄ᬬᬩᬸᬯᬸᬂ᭞ᬳᬸᬕᬶᬮᬲ᭄ᬬᬫᬲᬶᬄᬩ᭄ᬬᬦ᭟᭐᭟ᬳᭂᬦ᭄ᬢᭀᬳᬯᬦᬦᬵᬃᬚ᭄ᬚᬸᬦ᭞ᬤ᭄ᬧᬂᬓᬜ᭄ᬘᬦ᭄ᬓᭂᬘᬧᬚᬶ᭞ᬦᬾᬗᬭᬜ᭄ᬚᬶᬂᬥᬃᬫ᭄ᬫ
ᬢᬢ᭄ᬯ᭞ᬤᬤᬶᬲᬲᬸᬮᬸᬄᬤᬶᬳᬢᬶ᭞ᬲᬢ᭄ᬗᬗ᭄ᬕᭀᬦ᭄ᬲᬭᬦᬳᬸᬭᬶᬧ᭄᭞ᬳᬧᬂᬦᬯᬂᬳᬶᬯᬂᬧᬢᬹᬢ᭄᭞ᬦᬾᬜᬦ᭄ᬤᬂᬢᬦ᭄ᬜᬦ᭄ᬤᬂᬕᬭᬧ᭄ᬫ᭄ᬫᬸᬲ᭄ᬢᬶᬓᬦ᭄ᬜᬫᬗ᭄ᬤᬓ᭄ᬦᬶ᭞ᬮᬯᬸᬢ᭄ᬤᬸᬮᬸᬄ᭞
ᬗ᭄ᬕᬾᬦ᭄ᬫᬧᬫᭀᬗᬦ᭄ᬭᬶᬂᬚᬕᬢ᭄᭟᭐᭟ᬬᭀᬕᬦᬾᬓᬧᬶᬂᬦᭂᬫ᭄ᬩᭂᬮᬲ᭄᭞ᬧᬸᬧᬸᬢ᭄ᬓᬧᬶᬤᬃᬣᬲᬫᬶ᭞ᬳᭀᬮᬶᬳᬶᬤᬰ᭄ᬭᬷᬓᬾᬰᬯ᭞ᬫᬭᬶᬗᬶᬤᬲᬂᬢᬧᬢᬶ᭞ᬤᬸᬫᬤᬓ᭄ᬱᬶᬤ᭄ᬥ
ᬜᬸᬲᬸᬧᬶᬦ᭄᭞ᬓᬬᬸᬦᬶᬤᬤᬦᬾᬳᬶᬧᬸᬦ᭄᭞ᬲᬓᬢᬸᬄᬧᬭᬲᬯᬶᬢ᭄ᬭ᭞ᬳᬸᬕᬶᬢᬼᬩ᭄ᬘᬓᬬᬸᬦᬶᬦ᭄᭞ᬓ᭄ᬦᬶᬧᬗ᭄ᬕᬸᬄ᭞ᬲᬭᬷᬦ᭄ᬲᬦᬾᬓᬧᬶᬤᬃᬣ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭐᭟
Kaca:Bali-lontar-paparikan-bagawadgita-350ppi.pdf/111
Kaca puniki sampun kauji-wacén
