[᭖᭔ 64B]
᭖᭔
ᬳᬤᬗᭂᬦᬄ᭞ᬳᬶᬓ᭄ᬥᬶᬲ᭄ᬓᭂᬮᬶᬓ᭄ᬓᭂᬮᬶᬓ᭄᭞ᬫᬶᬭᬶᬩ᭄ᬲᬂᬳᬬᬸᬢ᭄ᬓᬵ᭞ᬲᬯᬂᬦᬕᬶᬄᬳᬦ᭄ᬢ᭄ᬬᬂ᭞ᬮᬾᬦ᭄ᬓᬬᬸᬦᬾᬩᬩᬃᬳᬗᬶᬦ᭄᭞ᬩᬸᬓᬫᬭᬯᬢ᭄᭞ᬗᭂᬭᬾᬕᬂᬮᬗ᭄ᬲᬾᬫᬳᬩᬶᬦ᭄᭟ᬮᬾᬦ᭄ᬢᭀ
ᬳᬤᬧᬥᬂᬓᬲ᭄ᬡᬦᬾᬫᬗᭂᬦᬄ᭞ᬢᭀᬫᬶᬭᬶᬩ᭄ᬫᬗ᭄ᬯᬂᬲᬂᬢᬶᬦ᭄᭞ᬓᬾᬢᭀᬩᬦ᭄ᬗᬡ᭄ᬥᬾᬬᬂ᭞ᬲᬂᬧᬵᬃᬣᬤᬶᬚ᭄ᬭᭀᬦᬶᬂᬳᬢᬶ᭞ᬫᬦᬄᬳᬸᬬᬂᬫᬦᬶᬗ᭄ᬕᬮᬶᬦ᭄᭞ᬦᬄᬲᬸᬩᬳᭂᬦ᭄ᬥᭂᬧᬂ᭞ᬗ᭄ᬕᬯᬾ
ᬓᬵᬗ᭄ᬕᭂᬓ᭄ᬤᬶᬫᬵᬃᬕ᭄ᬕᬶ᭟ᬮᬯᬸᬢ᭄ᬫᬫᬵᬃᬕ᭄ᬕᬲᬂᬆᬃᬚ᭄ᬚᬸᬦᬕᬕᬗ᭄ᬲᬭᬦ᭄᭞ᬢ᭄ᬯᬭᬫᬦᭀᬮᬶᬄᬳᬸᬭᬶ᭞ᬤᬶᬓᬳ᭄ᬬᬸᬦ᭄ᬮᬶᬬᬗᬂ᭞ᬧᬂᬤᬵᬫᬗ᭄ᬕᬯᬾᬘᬮ᭞ᬬᬦᬶᬸᬦ᭄ᬢᭀᬧᬃᬡ᭄ᬦᬲᬳᬶᬲᬳᬶ᭞ᬫᬗ᭄ᬕ
ᬯᬾᬲᬕ᭄ᬲᬕ᭄᭞ᬗ᭄ᬭᬸᬲᬓ᭄ᬤᬶᬚ᭄ᬭᭀᬦᬶᬂᬳᬢᬶ᭟ᬲᬧᬸᬦᬶᬓᬧᬧᬶᬦᭂᬄᬳᬶᬤᬲᬂᬧᬵᬃᬣ᭞ᬲᬫ᭄ᬩᬶᬮ᭄ᬳᬶᬤᬫᬫᬃᬕ᭄ᬕᬶ᭞ᬩᬲ᭄ᬮ᭄ᬬᬸᬓ᭄ᬦᬳᬂ᭞ᬢ᭄ᬯᬭᬲᬸᬳᬸᬤ᭄ᬫᬮᬚᬄ᭞ᬲᬳ᭄ᬦᬸᬦᬾᬫᬤᬦ᭄ᬳᬸᬭᬶᬧ᭄᭞
[᭖᭕ 65A]
᭖᭕
ᬳᭂᬦᭂᬂᬗᬓ᭄ᬦ᭞ᬤᬸᬭ᭄ᬬᬦ᭄ᬩᬸᬯᬶᬦ᭄ᬭᬲᬦᬶᬦ᭄᭟᭜᭟ᬧᬸᬄᬲ᭄ᬫᬭᬦ᭄ᬥᬦ᭟᭜᭟ᬲ᭄ᬫᬵᬭᬦ᭄ᬥᬦᬮᬶᬂᬦ᭄ᬬᬳᬭᬶᬲ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗᬓ᭄ᬱᬫ᭞ᬫᬭᬶᬂᬳᬶᬤᬤᬦᬾᬲᬫ᭄ᬬᬦ᭄᭞ᬓᭂᬦᬶᬫᬗ᭠
ᬫ᭄ᬧᬸᬭᬢᬶᬢ᭄ᬬᬂ᭞ᬓᬮᬶᬄᬓᬮᬶᬦ᭄ᬢᬂᬪᬾᬓ᭄ᬱ᭞ᬤᬤᭀᬲ᭄ᬧᬗ᭄ᬓᬄᬦᬗᬸᬦ᭄ᬳᬢᬸᬃ᭞ᬫᬶᬓᬓ᭠ᬤᬶᬤᬾᬯᬾᬓ᭄ᬢᬶᬢ᭄ᬬᬂ᭟ᬲᬶᬭᬳᬃᬱᬫᬫᬯᭀᬲᬶᬦ᭄᭞ᬲᬸᬭᬢ᭄ᬢᬶᬢ᭄ᬬᬂᬢᬸᬦᬓᬭᬢ᭄᭞ᬓᬶᬭᬂᬍᬫᬸᬄ
ᬓᬶᬭᬂᬧᬲᬂ᭞ᬫᬮᬶᬄᬭᬶᬭᬶᬕᬦ᭄ᬫᬤᬸᬓᬦ᭄᭞ᬓᬤᬶᬮᬮᬶᬧᬶᬕᭂᬧ᭄ᬮᬓ᭄᭞ᬳᬓᬾᬄᬓᬶᬭᬂᬳᬓᬾᬄᬭᬗ᭄ᬓᬸᬂ᭞ᬲᬵᬫ᭄ᬧᬸᬦ᭄ᬗᬗ᭄ᬕᬾᬦ᭄ᬕᬕᬸᬬ᭄ᬯᬦ᭄᭟ᬬᬦ᭄ᬓᬶᬭᬂᬯᬸᬯᬸᬳᬶᬦ᭄ᬕᭂᬦ᭄ᬥᬶᬂ᭞ᬬᬦᬶᬂᬭᬗ᭄ᬓᬸᬂᬋᬋᬤ᭄ᬰᬵ
ᬲ᭄ᬢ᭄ᬭ᭞ᬲᬦᬾᬜᬸᬭᬢ᭄ᬮᬶᬦ᭄ᬢᬂᬧᬗ᭄ᬓᬄ᭞ᬤᬤᬶᬫᬶᬮᬸᬫᬩᭂᬢ᭄ᬪᬶᬲ᭞ᬫᬮᬚᬳᬂᬤᬾᬯᬾᬓ᭄ᬜᬸᬭᬢ᭄᭞ᬫᬗ᭄ᬥᬾᬫᬶᬢᬸᬳᬸᬢᬶᬦ᭄ᬕᬸᬩᬸᬕ᭄᭞ᬗᬶᬭᬶᬂᬳᬶᬤᬤᬦᬾᬲᬫ᭄ᬬᬦ᭄᭟ᬓᬵᬮᬶᬄᬢᬶ
