[᭕᭗ 57B]
᭕᭗
ᬬᬗᬧᬸᬮᬶᬳᬂ᭞ᬫᬗᬫᬸᬓ᭄ᬢᬦ᭄ᬧᬧᬓᬾᬭᬶᬂ᭞ᬤᬰᬩᬕ᭄ᬬᬦ᭄ᬢᭂᬓᬾᬦᬶᬂᬦᬾᬲᬸᬩᬭᬸᬲᬓ᭄᭟ᬧᬶᬂᬧᬢ᭄ᬧᬶᬂᬮᬶᬫᬲᬂᬓ᭄ᬯᬘ᭞ᬓᬪᬶᬦᬯᬩ᭄ᬯᬶᬦ᭄ᬫᬫᬹᬃᬢ᭄ᬢᬶ᭞ᬤᬶᬢᬸᬤᬦᬾᬲᬂᬨᬮ᭄ᬕᬸᬡ᭞ᬫᬫᬦᬄᬩᬵᬦ᭄ᬧᬦᬄᬳ
ᬧᬶ᭞ᬳᭂᬦ᭄ᬢᭀᬫᬗᭀᬩᭀᬃᬚᬦᬶ᭞ᬩᬸᬯᬶᬦ᭄ᬬᬫᬫᬹᬃᬢ᭄ᬢᬶᬳᬶᬤᬸᬧ᭄᭞ᬤᬶᬢᬸᬭᬭᬶᬲ᭄ᬲᬂᬧᬵᬃᬣ᭞ᬗ᭄ᬕᭂᬮᬭᬂᬭᬯᭀᬲᬾᬧᬶᬗᬶᬢ᭄᭞ᬓᬕᬶᬦᭂᬗᬂ᭞ᬤᬶᬫᬦᬄᬬᬓᭂᬦᬢ᭄ᬫᬄ᭟ᬳᭂᬦ᭄ᬢᭀᬬᬓᬳᬾᬮᬶ᭠
ᬗᬂ᭞ᬢᭀᬗᭀᬲ᭄ᬧᬦᬸᬕ᭄ᬭᬵᬦᬾᬧᬶᬗᬶᬢ᭄᭞ᬚᬦᬶᬬᬲᬬᬦ᭄ᬓᬮᬳᬂ᭞ᬳᬶᬓ᭄ᬯᬘᬩ᭄ᬯᬶᬦ᭄ᬬᬗᬮᬶᬮᬶᬄ᭞ᬩᬳᬸᬬᬫᬜᬓᬶᬢᬶᬦ᭄᭞ᬯᬢᭂᬓ᭄ᬤᬾᬯᬣᬦᬾᬕᬸᬮᬸᬲ᭄᭞ᬚᭂᬮ᭄ᬚᭂᬮ᭄ᬧᬥᬧᬩ᭄ᬮᭂᬲᬢ᭄
᭞ᬩᬵᬦ᭄ᬫᬸᬲᬸᬳᬾᬫᬗᭂᬧᬸᬗᬶᬦ᭄᭞ᬧᬕᬭᬸᬩᬸᬕ᭄ᬲᬂᬨᬮ᭄ᬕᬸᬡᬩᬋᬂᬩᬸᬦ᭄ᬢᬲ᭄᭟ᬦᬵᬗᬶᬂ᭠ᬢᬾᬧᬮᬶᬂᬤᬸᬭᬶᬜ᭞ᬧᬮᬳᬶᬩᬾᬲᬯᬂᬲᬓᬶᬢ᭄᭞ᬫᬳᬶᬭᬶᬩ᭄ᬓᭂᬦᬵᬓᬧ᭄ᬭᬡᬦ᭄᭞ᬚᬦᬶᬲᬬᬦ᭄ᬓ
[᭕᭘ 58A]
᭕᭘
ᬳᬸᬩᭂᬭᬶᬦ᭄᭞ᬲᬶᬂᬲᬸᬳᬸᬤ᭄ᬓᬧᬦᬳᬶᬦ᭄᭞ᬲᬂᬓ᭄ᬯᬘᬧᬮᬶᬂᬧᬫᬸᬘᬸᬓ᭄᭞ᬢᬸᬯᬶᬦ᭄ᬜᬓᬳᬸᬚᬦᬦ᭄᭞ᬢ᭄ᬯᬭᬧ᭄ᬕᬢ᭄ᬓᬧᬦᬳᬶᬦ᭄᭞ᬩᬳᬦ᭄ᬓᭀᬦ᭄ᬢ᭞ᬫᭀᬰᬮᬘᬓ᭄ᬭᬢᭀᬫᬭ᭟ᬤᬤᬶᬍᬕᬵᬲᬂᬓᬯ
ᬘ᭞ᬓᬾᬩᭀᬢᬾᬳᬗ᭄ᬕᭀᬦ᭄ᬫᬦᬸᬥᬶᬂ᭞ᬦᬾᬢᬾᬳᬶᬩᬚᬦ᭄ᬫᬵᬦᬶᬱ᭄ᬝ᭞ᬫᬵᬫ᭄ᬧᬸᬄᬲᬦ᭄ᬦᬶᬫ᭄ᬧᬮᬶᬦ᭄ᬓᬳᬶ᭞ᬗᬸᬤᬳᬶᬩᬫᬮᬳᬶᬩ᭄᭞ᬲᬗ᭄ᬳ᭄ᬬᬂᬓᬵᬮᬓᬳᬶᬦᬸᬭᬸᬦ᭄᭞ᬓᬳᬶᬢᬸᬯᬶᬗᭀᬤᬕᬂ᭞
ᬲᬳᬶᬲᬶᬦᬶᬂᬩ᭄ᬯᬦᬲᬗᬶᬸᬫᬶ᭞ᬤᬤᬶᬢᭂᬗ᭄ᬕᭂᬓᬚᬕᬢ᭄ᬢᬶᬕᬦᬾᬫᬓᭂᬚᬂ᭟ᬦᬾᬚᬦᬶᬳᬶᬩᬮᬮ᭄ᬯᬂ᭞ᬦᬾᬳᬯᬦᬦ᭄ᬳᬶᬩᬫᬸᬮᬶᬄ᭞ᬓᭂᬫᬵᬓᬢᬫ᭄ᬩ᭄ᬭᬖᭀᬫᬸᬓ᭞ᬓᬾᬢᭀᬫᬸᬜᬶᬦ᭄ᬜᬦᬾᬩᬶ᭠
ᬩᬶᬃ᭞ᬲᬂᬨᬮ᭄ᬕᬸᬡᬦᬾᬚᬦᬶᬫᬓᭂᬮᭀᬫᬫᭂᬦ᭄ᬢᬂᬲᬵᬫ᭄ᬧᬸᬦ᭞ᬧᬦᬳᬾᬦᬾᬉᬢ᭄ᬢᬫᬩᬩᬢᬦ᭄ᬫᬲᬶᬓᭂᬧ᭄ᬢᬸᬯᬶ᭞ᬲᬫᬦ᭄ᬢ᭄ᬭᬦ᭄ᬜ᭞ᬢᭀᬕᬕ᭄ᬮᬭᬦ᭄ᬪᬝᬵᬭ᭟ᬲᬂᬓᬯᬘᬭᬭᬶᬲ᭄ᬦᬸᬚᬄ᭞
