[᭕᭕ 55B]
᭕᭕
ᬩᬸᬓᬵᬗᭂᬜ᭄ᬘᬦᬶᬦ᭄ᬓᬫ᭄ᬩᬶᬂ᭟ᬫᬩ᭄ᬬᬬᬸᬯᬦ᭄᭞ᬓᬩ᭄ᬮᭂᬢ᭄ᬢ᭄ᬯᬭᬫ᭄ᬩᬳᬦ᭄ᬳᬫ᭄ᬩᬄ᭞ᬩᬗ᭄ᬓᬾᬦᬾᬧᬕᬸᬮᬶᬦ᭄ᬢᬶᬓ᭄᭞ᬮᬾᬦ᭄ᬳᬤᬓᬲᬓᬶᬢᬦ᭄᭞ᬫᬢᬢᬸᬓᭂᬦᬵᬧᬳᬵ᭞ᬮᬾᬦ᭄ᬳᬤᬫᬵᬢᬶᬗᬚᭂᬗᬶᬢ᭄᭞ᬳᬤᬓᭂ
ᬦᬫᬢᬵ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬮᬶᬬᬸᬦᬶᬩᬾᬦ᭄ᬧᬗ᭄ᬓᬸᬂᬫᬸᬳᬸᬕ᭄ᬫᬕ᭄ᬭᬤᭂᬕᬦ᭄᭞ᬓᬤᬶᬕᬸᬦᬸᬗᬾᬕᭂᬫ᭄ᬧᬶᬄ᭞ᬧᬗ᭄ᬓᬸᬂᬤᬤᬶᬳᬲᬄ᭞ᬳᬦ᭄ᬢᬸᬓ᭄ᬩᬗ᭄ᬓᬾᬦ᭄ᬭᬓ᭄ᬱᬵᬲ᭞ᬲᬶᬬᬸᬮᬓ᭄ᬱᬳᬓᬾᬄᬦᬾᬓᬶ᭞
ᬫᬧᬦ᭄ᬢᬧᬦ᭄ᬢ᭞ᬩᬸᬓᬧ᭄ᬚᬦᬾᬧᬶᬮ᭄ᬧᬶᬮ᭄᭟ᬲᬶᬲᬦ᭄ᬫᬵᬢᬶᬗᬸᬂᬲᬶᬓᬶᬤᬸᬮ᭄ᬫᬗᬸᬮᬳᬂ᭞ᬮᬾᬦ᭄ᬫᬩᬳᬦ᭄ᬫᬮᬳᬶᬩ᭄᭞ᬦ᭄ᬢᭀᬦᬾᬤᬶᬳᬫ᭄ᬩᬭ᭞ᬓᬧᬦᬳᬶᬦ᭄ᬢᬦ᭄ᬧ᭄ᬕᬢ᭄᭞ᬩᬗ᭄ᬓᬾᬦᬾᬲᬮᬾᬂᬲᬸᬲᬸᬦᬶ
ᬦ᭄᭞ᬢᬦ᭄ᬧᬾᬡ᭄ᬥᬄᬳᬸᬚᬦ᭄᭞ᬤᬶᬰᬰᬶᬄᬫᬗ᭄ᬕᬵᬢᬸᬯᬶ᭟ᬲᬂᬨᬮ᭄ᬕᬸᬡᬲᬋᬂᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬢᬦ᭄ᬧ᭄ᬕᬢ᭄ᬫᬜᬓᬶᬢᬶᬦ᭄᭞ᬚᬦᬶᬲᬂᬓᬯᬘ᭞ᬧᬸᬗ᭄ᬕᬯᬦ᭄ᬜᬦᬾᬧᬢ᭄ᬧᬢ᭄᭞ᬤᬤ᭄ᬯᬲᬸᬩᬓ᭠
[᭕᭖ 56A]
᭕᭖
ᬧᬸᬗ᭄ᬕᬮᬶᬦ᭄᭞ᬮᬾᬦᬶᬸᬦ᭄ᬲᭀᬭᭀᬄᬫᬾᬦᬓ᭄᭞ᬳᬤᬳᬬᬸᬣᬍᬩᬶᬄ᭟ᬲ᭄ᬥᭂᬓ᭄ᬳᬶᬭᬓ᭄ᬱᬵᬲᬮᬶᬮᬶᬄᬓᬳᬫ᭄ᬧᭂᬳᬂ᭞ᬩᬳᬦ᭄ᬤᬾᬯᬣᬲᬫᬶ᭞ᬤᬤᬶᬩ᭄ᬯᬶᬦ᭄ᬫᬢᬗ᭄ᬕᬮ᭄᭞ᬲᭀᬭᭀᬄᬯᬢᭂᬓ᭄ᬭᬓ᭄ᬱᬵ
ᬲ᭞ᬤᬾᬢ᭄ᬬᬥᬡᬯᬵᬫ᭄ᬩᬋᬗᬶᬦ᭄᭞ᬲᬂᬤᬾᬢ᭄ᬬᬓᬯᬘ᭞ᬫ᭄ᬩᭀᬕᭀᬮᬶᬦ᭄ᬤᬳᬢ᭄ᬩ᭄ᬭᬗ᭄ᬢᬶ᭟ᬲᬗ᭄ᬓᬦ᭄ᬤᬳᬢ᭄ᬩ᭄ᬭᬗ᭄ᬢᬶᬦᬾᬲᬂᬤᬾᬢ᭄ᬬᬓ᭄ᬯᬘ᭞ᬩᬵᬦ᭄ᬧᬧᬸᬘᬸᬓᬾᬮᬶᬮᬶᬄ᭞ᬮᬶᬮᬶᬄᬫᬢ᭄ᬭᬾᬫ᭄ᬩ᭄ᬬᭀ
ᬦᬦ᭄᭞ᬫᬵᬢᬶᬫᬢᬢᬸᬭᬸᬲᬓ᭄᭞ᬢ᭄ᬯᬭᬫ᭄ᬩᬳᬦ᭄ᬫᬫ᭄ᬩᬾᬭᬾᬤᬶᬦ᭄᭞ᬢᭀᬓ᭄ᬭᬡᬤᬳᬢ᭄᭞ᬩ᭄ᬭᬗ᭄ᬢᬶᬲᬂᬤᬾᬢ᭄ᬬᬳᬚᬶ᭟ᬕᬮᬶᬸᬕ᭄ᬮᬶᬲᬦ᭄ᬫᬗᬫᬸᬓ᭄ᬧ᭄ᬭᬚᬦᬶᬦᬺᬫ᭄ᬧᬓ᭄᭞ᬯᬢᭂᬓ᭄ᬤᬾᬯᬣᬦᬾᬚᬦᬶ᭞ᬮᬶ
ᬮᬶᬄᬫᬩ᭄ᬬᬬ᭄ᬯᬦ᭄᭞ᬲᬾᬧᬦ᭄ᬳᬶᬤᬫᬢᬶᬗ᭄ᬓᬄ᭞ᬓᬲᭀᬭᭀᬂᬓᬳᬸᬩᬢ᭄ᬳᬩᬶᬢ᭄᭞ᬓᬲᭂᬫ᭄ᬧᬮ᭄ᬲᭂᬫ᭄ᬧᬮ᭄᭞ᬓᬲᭂᬧᭂᬕ᭄ᬓᬧᬸᬗ᭄ᬕᬮᬶᬦ᭄᭟ᬮᬶᬬᬸᬲᭀᬭᭀᬄᬤᬾᬯᬣᬳᬧ᭄ᬱᬭᬖᬡ᭞
