[᭔᭘ 48B]
᭔᭘
ᬦ᭄ᬢᬸᬯᬶ᭞ᬫᬓ᭄ᬭᬡᬭᬸᬲᬓ᭄᭞ᬓᬘᬓᬸᬧ᭄ᬓᬩᬜ᭄ᬘᬗᬶᬦ᭄᭟ᬓᬾᬢᭀᬧᬗᬡ᭄ᬥᬶᬓᬦ᭄ᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂᬘᬶᬢ᭄ᬭᬵᬗ᭄ᬕᬥᬭᬭᬶᬲ᭄᭞ᬫᬵᬢᬸᬃᬲᬳᬲᭂᬫ᭄ᬩᬄ᭞ᬳᬘᬧᬂᬓᬫᬦ᭄ᬢᬓ᭞ᬳᬾᬮᬶᬗᬂᬳᬶᬤᬾ
ᬯᬫᬗ᭄ᬓᬶᬦ᭄᭞ᬯᬦ᭄ᬢᬄᬧᬸᬦᬶᬓ᭞ᬢᬫ᭄ᬧᭂᬓᬂᬳ᭄ᬬᬂᬳᬶᬭᬶᬓᬶ᭟ᬢᬍᬃᬓᬯᭀᬦ᭄ᬢᬶᬢ᭄ᬬᬂᬳᬦ᭄ᬢᬸᬓ᭄ᬲᬶᬦᬭᬓᬵ᭞ᬫ᭄ᬯᬄᬫᬾᬖᬵᬦᬥᬗᬹᬦᬶ᭞ᬓᬾᬯᭂᬄᬧᬶᬲᬦ᭄ᬢᬶᬢ᭄ᬬᬂ᭞ᬓᬕ᭄ᬩᬕ᭄ᬓᬧ᭄ᬭᬧᭂᬓᬦ᭄᭞ᬩᬵᬲ᭄ᬮᬶᬬᬸᬦᬾ᭠
ᬮᬓᬃᬢᭀᬮᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬜᬡ᭄ᬥᬂ᭞ᬳᬗ᭄ᬕᭀᬦ᭄ᬭᬯᭀᬲ᭄ᬧᬸᬦᬶᬓᬶ᭟ᬳᬫᬧᬕᬶᬦ᭄ᬰᬢ᭄ᬭᬸᬦᬾᬚᬦᬶᬭᬯᭀᬲᬂ᭞ᬜᬡ᭄ᬥᬂᬭᬢᬸᬲᬋᬗᬶᬦ᭄᭞ᬧᬕᬸᬢ᭄ᬕᬕ᭄ᬮᬶᬲᬦ᭄᭞ᬓᬓᬵᬮᬶᬄᬧᬓ᭄ᬦᬶᬦ᭄ᬜ
᭞ᬳ᭄ᬭᬸᬯᬦᬾᬦ᭄ᬓᬳᬸᬘᬧ᭄ᬫᬮᬶᬄ᭞ᬢᬸᬃᬓᬢᬸᬮᬸᬗᬦ᭄᭞ᬤᭂᬮᭀᬤ᭄ᬫᬳᬵᬫᬾᬭᬸᬲᬫᬶ᭟᭠ᬦᬾᬫᬗ᭄ᬓᬶᬦ᭄ᬘᭀᬓᭀᬃᬳᬶᬤᬾᬯᬲᬵᬫ᭄ᬧᬸᬦ᭄ᬜᬡ᭄ᬥᬂ᭞ᬫᬤᬩ᭄ᬤᬩ᭄ᬲᬋᬂᬲᬫᬶ᭞ᬢᬶᬢ᭄ᬬᬂᬓᭂᬡ᭄ᬥᭂᬮ᭄
[᭔᭙ 49A]
᭔᭙
ᬧᬶᬲᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬘᬂᬳᭀᬩᬄ᭞ᬬᬤᬶᬦ᭄ᬓᬯᭀᬦᬾᬶᬸᬧᬶᬸᬦ᭄ᬮᭂᬯᬶᬄᬧᭀᬮᬶᬄ᭞ᬓᬾᬯᬮᬦᬧᬓ᭄᭞ᬥᬃᬫ᭄ᬫᬬᬸᬥᬦᬾᬕᬶᬲᬶ᭟ᬓᬾᬢᭀᬳᬢᬸᬃᬲᬂᬘᬶᬢ᭄ᬭᬵᬗ᭄ᬕᬥᬫᬸᬗᬸᬯᬂ᭞ᬭᬶᬂᬲ᭠
ᬗ᭄ᬳ᭄ᬬᬂᬲᬸᬭᬧᬢᬶ᭞ᬤᬾᬯᬣᬫᬓ᭄ᬚᬂ᭞ᬭᬯᭀᬲᬾᬲᬸᬩᬦᬧᬓ᭄᭞ᬤᬶᬢᬸᬓᬢᬶᬗ᭄ᬓᬳᬂᬕ᭄ᬮᬶᬲ᭄᭞ᬭᬯᭀᬲᬾᬲᬹᬓ᭄ᬱ᭄ᬫ᭞ᬧᬸᬧᬸᬢ᭄ᬭᬶᬂᬲᬂᬓᬶᬭᬶᬝᬶ᭟ᬲᬂᬧᬵᬃᬣᬤᬶᬢᬸᬧᬘᬂᬓᬸᬫᬡ᭄ᬥᭂᬮᬂ᭞ᬲᭀᬭᭀᬄ
ᬭᬯᭀᬲᬾᬧᬶᬗᬶᬢ᭄᭞ᬦᬾᬧᬘᬂᬜᬶᬤ᭄ᬥᬬᬂ᭞ᬗ᭄ᬭᬸᬲᬓ᭄ᬲᬢ᭄ᬭᬸᬦᬾᬘᭀᬭᬄ᭞ᬮᬶᬬᬦ᭄ᬢᭂᬯᬦ᭄ᬢᬄᬓᬓᬮᬶᬄ᭞ᬲᬂᬘᬶᬢ᭄ᬭᬵᬗ᭄ᬕᬥ᭞ᬲᬋᬂᬭᬶᬂᬲᬂᬓᬶᬭᬶᬝᬶ᭟ᬲᬗ᭄ᬳ᭄ᬬᬂᬲᬸᬭᬧᬢᬶᬫᬶᬚᬶᬮ᭄ᬲᬓᬶᬂᬓᬹ
ᬝ᭞ᬫ᭄ᬯᬄᬤᬾᬯᬣᬦᬾᬲᬫᬶ᭞ᬭᬫᬾᬫᬕ᭄ᬭᬤᭂᬕᬦ᭄᭞ᬫᬓᬵᬤᬶᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬂ᭠ᬭᬯᬡᬗ᭄ᬮᬶᬗ᭄ᬕᬶᬳᬶᬦ᭄᭞ᬕᬚᬄᬳᬸᬢ᭄ᬢᬫ᭞ᬪᬹᬱᬡᬦ᭄ᬜᬦᬾᬍᬯᬶᬄ᭟ᬩᬸᬓᬳᬧᬶᬦᬾ
