[᭔᭓ 43B]
᭔᭓
ᬡ᭞ᬫᬾᬮᬶᬂᬲᬫᬬᬾᬂᬗᬹᬦᬶ᭞ᬜ᭄ᬚᬕ᭄ᬚᬕ᭄ᬗ᭄ᬭᬭᬶᬲ᭄ᬗ᭄ᬮᬜ᭄ᬚᬓ᭄᭞ᬕᭂᬮᬸᬂᬓᭀᬭᬶᬦᬾᬩᬸᬬᬃ᭞ᬲᬫ᭄ᬩᭂᬄᬭᬸᬲᬓ᭄ᬧᬮᬓ᭄ᬢᬶᬓ᭄᭞ᬭᬭᬶᬲ᭄ᬫᬩ᭄ᬬᬬ᭄ᬯᬦ᭄᭞ᬚᬦᬶᬤᬶᬚ᭄ᬭᭀᬧᬸᬭᬶ᭟ᬳᬶᬲ᭄ᬢ᭄ᬭᬷᬤᬕᬶᬂᬧᬸᬭᬶᬜ᭄ᬚᬕ᭄ᬚᬕ᭄ᬓᬩ
ᬮᬾᬫᬵᬲ᭄᭞ᬢᬗ᭄ᬓᭂᬚᬸᬢ᭄ᬳᬤᬜᭂᬭᬶᬢ᭄᭞ᬤᬤᬶᬫᬩ᭄ᬬᬬ᭄ᬯᬦ᭄᭞ᬚᬦᬶᬳᬶᬤᬾᬢ᭄ᬬᬯᬚ᭞ᬤᬤᬶᬢᬗ᭄ᬓᭂᬚᬸᬢ᭄ᬫᬶᬭᬕᬶ᭞ᬢᬸᬯᬶᬦ᭄ᬜᬳᭂᬗ᭄ᬲᬧ᭄᭞ᬗᭂᬢᭀᬃᬫᬚᬸᬚᬸᬓ᭄ᬭᬭᬶᬲ᭄᭟ᬤᬶᬢᬸᬳᬶᬲᬸᬧ᭄ᬭᬪᬵᬳᬚ᭠
ᬳᬦ᭄ᬫᬗᬸᬘᬧ᭄᭞ᬩᬲᬸᬫᬾᬗᭀᬓᬓ᭄ᬮᬾᬲᬶᬦ᭄᭞ᬤᬶᬢᬸᬲᬂᬨᬮ᭄ᬕᬸᬡ᭞ᬕ᭄ᬮᬶᬲ᭄ᬭᬭᬶᬲ᭄ᬫᬫᭂᬡ᭄ᬥᬓ᭄᭞ᬤᬶᬳᬫ᭄ᬩᬭᬦᬾᬫᬗᬦ᭄ᬢᬶ᭞ᬤᬾᬦᬶᬂᬓᬲᬶᬂᬲ᭄ᬬᬾᬦ᭄᭞ᬫᬸᬲᬸᬄᬤᬦᬾᬦᬾᬯ᭄ᬬᬓ᭄ᬢᬶ᭟ᬤᬶᬲᬸᬩᬦᬾᬤᬶ
ᬢᬸᬫᬸᬳᬸᬕ᭄ᬤᬶᬚ᭄ᬭᭀᬤᬾᬰ᭞ᬳᬤᬫᬳᬢᬸᬃᬕ᭄ᬮᬶᬲ᭄᭞ᬭᬶᬂᬲᬂᬤᬾᬢ᭄ᬬᬯᬚ᭞ᬦᬵᬗ᭄ᬳᬶᬂᬢ᭄ᬯᬭᬓᬭᬸᬗ᭄ᬯᬂ᭞ᬳᭂᬦ᭄ᬢᭀᬳᬢᬸᬃᬜᬦᬾᬲᬫᬶ᭞ᬓᬢᬸᬗ᭄ᬓᬸᬮ᭄ᬥᬾᬗᭀ᭞ᬫᭂᬡ᭄ᬥᭂᬧ᭄ᬫᬫᭂᬘᬸᬓ᭄ᬳᬮᬶᬲ᭄᭟ᬓᬤᬶᬓ
[᭔᭔ 44A]
᭔᭔
ᬳᬾᬮᬗᬦ᭄ᬫᬡᬶᬓ᭄ᬓᬭᬯᭀᬲᬂ᭞ᬳᬓᬸᬤᬳᭂᬦ᭄ᬢᭀᬳᬚᬶᬦᬶᬦ᭄᭞ᬤᬾᬦᬶᬂᬬᬓᬕᬶᬲᬶᬬᬂ᭞ᬤᬤ᭄ᬬᬦ᭄ᬜᬮᬯᬸᬢ᭄ᬳᬶᬮᬂ᭞ᬲᬸᬩᬚ᭄ᬫᬓ᭄ᬤᬦᬾᬧ᭄ᬮᬶᬄ᭞ᬩ᭄ᬯᬶᬦ᭄ᬓᬭᬯᭀᬲᬂ᭞ᬦᬾᬢ᭄ᬯᬄᬳᬸᬧᬬᬲᬡ᭄ᬥᬶ᭟ᬢᬸᬯᬄᬧ᭄ᬥᬲ᭄ᬧ
ᬫᬶᬰᬾᬓᬦ᭄ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬲᬸᬩᬫᬫᬾᬢᬾᬮ᭄ᬚᬦᬶ᭞ᬩᬸᬯᬶᬦ᭄ᬓᬭᬯᭀᬲᬂ᭞ᬩᬳᬦᬾᬫᬗᭀᬭᬳᬂ᭞ᬢᭀᬗᭀᬲ᭄ᬧᬦᬸᬕ᭄ᬭᬵᬦᬾᬧᬶᬗᬶᬢ᭄᭞ᬤᬤᬶᬲᬗ᭄ᬰᬬ᭞ᬢ᭄ᬯᬭᬳᭂᬦ᭄ᬢᭂᬕ᭄ᬫᬮᬶᬗ᭄ᬕᬶᬄ᭟ᬤᬤᬶᬩᬗᬸ
ᬦ᭄ᬓᬯᬶᬃᬬ᭄ᬬᬦᬾᬫᭀᬫᭀᬫᬹᬃᬓ᭄ᬓ᭞ᬍᬯᬶᬄᬫᬳᬫᬾᬭᬸᬢᬸᬯᬶ᭞ᬜ᭄ᬚᭂᬍᬕ᭄ᬭᬶᬂᬳᬚ᭄ᬜᬡ᭞ᬤᬤ᭄ᬬᬦ᭄ᬜᬧᬥᬢ᭄ᬓᬵ᭞ᬩᬮᬵᬭᬓ᭄ᬱᬵᬲᬦᬾᬲᬫᬶ᭞ᬭᬫᬾᬧᬘᬶᬧ᭄ᬮᬓ᭄᭞ᬢ᭄ᬯᬭᬳᭀᬭᬳᬶᬦ᭄ᬧ᭄ᬭᬧ᭄ᬢᬶ᭟ᬲᬸ
ᬩᬚᭂᬚᭂᬮ᭄ᬤᬶᬧᭂᬓᭂᬦ᭄ᬤᬶᬧᬳᭂᬫ᭄ᬧᬢᬦ᭄᭞ᬤᬶᬳᬮᬸᬦ᭄ᬳᬮᬸᬦ᭄ᬲᬫᬶ᭞ᬧᬥᬓᬧ᭄ᬭᬧᭂᬓᬦ᭄᭞᭠ᬤᬶᬢᬸᬮᬯᬸᬢ᭄ᬓᬤᬯᬸᬳᬦ᭄᭞ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬢᭀᬬᬢᬸᬯᬶ᭞ᬧᬘᬂᬓᬭᬸᬲᬓ᭄᭞ᬧᬘᬂᬓᬵᬗ᭄ᬓᬢᬶ
