[᭓᭘ 38B]
᭓᭘
ᬗᭂᬦᬄᬗᬶᬯᬲᬶᬦ᭄᭞ᬩᬵᬦ᭄ᬧᬗ᭄ᬕᭀᬦᬾᬳᬸᬢ᭄ᬢᬫᬵ᭞ᬩᬸᬗ᭄ᬓᬸᬗᬾᬫᬕᬸᬡᬢᬸᬯᬶ᭞ᬦᬶᬓᬫᬓ᭄ᬭᬡᬳᬶᬮᬶᬤ᭄᭞ᬓᬾᬯᬮᬤᬦᬾᬲᬗ᭄ᬳᬬᬸ᭞ᬲᬦᬾᬢ᭄ᬯᬄᬓᬦ᭄ᬢᭂᬦ᭄ᬩᬵᬦ᭄ᬜ᭞ᬫᬜ᭄ᬚᭂᬗᬶᬲ᭄ᬲᬂᬳᬸ
ᬮᬢ᭄ᬲᭂᬤᬶᬄ᭞ᬲᬯᬂᬋᬗᬸ᭞ᬧᬮ᭄ᬬᬢᬾᬫᬲᬶᬄᬫ᭄ᬮᬄ᭟ᬕᬯᭀᬓ᭄ᬧᬥᬵᬦᬾᬗᬯᬲᬂ᭞ᬢᭂᬮᬸᬂᬤᬶᬭᬶᬦᬾᬦ᭄ᬤᭂᬲᭂᬓᬶᬦ᭄᭞ᬬᬦ᭄ᬓᭀᬘᬧᬦ᭄ᬜᬧᬸᬦᬶᬓ᭞ᬳᬶᬲ᭄ᬢ᭄ᬭᬶᬲᬓᬶᬂᬓᬾᬦ᭄ᬤ᭄ᬭᬦ᭄ᬢᬸᬯᬶ᭞ᬧ᭠
ᬯᬾᬄᬳ᭄ᬬᬂᬲᬸᬭᬧᬢᬶ᭞ᬭᬶᬂᬳᬶᬓᬯᬘᬫᬮᬸ᭞ᬗ᭄ᬭᬯᭀᬲ᭄ᬢᭂᬓᬾᬦ᭄ᬭᭀᬯᬗ᭞ᬫᬶᬭᬶᬩ᭄ᬢᬶᬢ᭄ᬬᬂᬦᬯᬂᬗᬹᬦᬶ᭞ᬩᬦ᭄ᬮᭂᬕᬦᬾᬤᬶᬢᬸᬮᬯᬸᬢ᭄ᬫᬲᭀᬘᬧᬦ᭄᭟ᬤᬾᬯᬳᬬᬸᬭᬢᬸᬦ᭄ᬢᬶᬢ᭄ᬬᬂ᭞ᬜᬾ
ᬦ᭄ᬗᬶᬭᬶᬂᬳᬶᬤᬾᬯᬫᬳᬶ᭞ᬩᬸᬓᬳᬡ᭄ᬥᬭᬸᬦᬾᬕᬮᬂ᭞ᬭᬱᬬᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬲᬭᬶᬦ᭄ᬓᬾᬦ᭄ᬤ᭄ᬭᬦᬾᬢᬸᬯᬶ᭞ᬢ᭄ᬓᬦᬾᬚᬦᬶᬢᬸᬫᬸᬭᬸᬦ᭄᭞ᬕᬦ᭄ᬢᬶᬦ᭄ᬳᬶᬤᬦᬾᬲᬤ᭄ᬥ᭄ᬬ᭞ᬓᬳ᭄ᬬᬸᬦ᭄ᬲᬂᬧ᭄ᬭᬪᬹ᭠
[᭓᭙ 39A]
᭓᭙
ᬫᬗ᭄ᬓᬶᬦ᭞ᬓᬮᬶᬗᬦ᭄ᬜᬲᬸᬧ᭄ᬭᬪᬵᬦ᭄ᬢᬶᬢ᭄ᬬᬂᬳᬶᬤᬾᬯ᭟ᬲᬂᬧ᭄ᬭᬪᬸᬤᬾᬢ᭄ᬬᬓᬯᬘ᭞ᬲᬸᬗ᭄ᬲᬸ᭠ᬢ᭄ᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬭᬶᬂᬳᬶᬤᬪᬝᬵᬭᬳᬶᬦ᭄ᬤ᭄ᬭ᭞ᬢᬦ᭄ᬮ᭄ᬬᬦ᭄ᬭᬯᭀᬲᬂᬲᬳᬶ᭞ᬩᬦ᭄ᬳᬶᬤᬾᬯᬦᬾᬗᬸ
ᬦᬶ᭞ᬢ᭄ᬯᬭᬓᬧᬳᬶᬘ᭄ᬙᬫᬮᬸ᭞ᬫᬯᬸᬯᬸᬄᬩᬸᬯᬶᬦ᭄ᬲᬂᬧᬵᬃᬣ᭞ᬓᭀᬘᬧ᭄ᬲᬸᬩᬓᬵᬗ᭄ᬕᬾᬦ᭄ᬓ᭠ᬦ᭄ᬢᬶ᭞ᬢᭀᬫᬓ᭄ᬭᬡ᭞ᬲᬂᬧ᭄ᬭᬪᬸᬧᬘᬂᬫᬗ᭄ᬭᬸᬲᬓ᭄᭟ᬢᭂᬓᬵᬯᬾᬦ᭄ᬢᭂᬦ᭄ᬳᬶᬩᬸᬓ᭄ᬧᬶᬲᬦ᭄᭞ᬓᬳ᭄ᬬᬸᬦ᭄
ᬳ᭄ᬬᬂᬳᬶᬦ᭄ᬤ᭄ᬭᬦᬾᬫᬗ᭄ᬓᬶᬦ᭄᭞ᬲᬶᬗ᭄ᬕᬶᬄᬳᭀᬃᬢ᭄ᬢᬦᬾᬭᬶᬂᬰ᭄ᬯᬃᬕ᭄ᬕᬦ᭄᭞ᬧᬵᬚᬭᬂᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬓᬾᬢᭀᬧᬫᬸᬜᬶᬦ᭄ᬜᬦᬾᬚᬦᬶ᭞ᬩᬵᬦ᭄ᬮᭂᬕᬦᬾᬗᭂᬮᬶᬂᬧᬬᬸ᭞ᬤᬶᬢᬸᬲᬂᬓᬢᬓᭀᬦᬦ᭄᭞ᬧ
ᬲᬳᬸᬢᬾᬲᬯᬂᬲ᭄ᬤᬶᬄ᭞ᬩᬸᬓᬓ᭄ᬢᬸᬲ᭄᭞ᬳᬶᬥᬧᬾᬚᬦᬶᬫᬶᬋᬗᬂ᭟ᬳᬶᬗ᭄ᬕᬶᬄᬤᬳᬢ᭄ᬩᬕ᭄ᬬᬢᬶᬢ᭄ᬬᬂ᭞ᬓᬧᬗ᭄ᬕᬶᬄᬫ᭄ᬩᭀᬓ᭄ᬳᬶᬭᬶᬓᬶ᭞ᬫᬗ᭄ᬓᬶᬦ᭄ᬤᬳᬢ᭄ᬩᭂᬘᬶᬓ᭄ᬧᬶᬲᬦ᭄᭞ᬧᬸᬭᬶᬫᬦ᭄ᬢᬸᬓᬦᬵᬕ᭠
