[᭓᭖ 36B]
᭓᭖
ᬥᬩ᭄ᬭᬓᬧᬓ᭄ᬫᬫᬸᬜᬶ᭞ᬤᬾᬯᬱᬦ᭄ᬜ᭞ᬫᬗᭂᬩᬸᬕ᭄ᬩᬶᬦ᭄ᬧᬶᬢᬸᬂᬤᬶᬦ᭟ᬫᬗ᭄ᬓᬶᬦ᭄ᬤᬾᬯᬲᬂᬨᬮ᭄ᬕᬸᬡ᭞ᬤᬳᬢ᭄ᬲᭂᬗ᭄ᬓᬦᬾᬧᬸᬦᬶᬓᬶ᭞ᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬩᬸᬓᬚᭂᬚᭂᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞᭠
ᬭᬱᬦ᭄ᬜᬩᬸᬓᬫᬵᬢᬶ᭞ᬓᬢᬸᬡ᭄ᬥᬾᬦ᭄ᬫᬫᬋᬓ᭄ᬫᬲᬸᬄ᭞ᬲᬶᬂᬦᬶᬗᭂᬄᬰᬶᬫᬮ᭄ᬬᬢ᭄᭞ᬳᭂᬦ᭄ᬢᭀ᭠ᬧᬘᬂᬫᬗᭂᬤᬾᬓᬶᬦ᭄᭞ᬩᬸᬓᬫᬢᬶ᭞ᬢᬶᬢ᭄ᬬᬂᬫᬦᬡ᭄ᬥᬗᬶᬦ᭄ᬚᭂᬗᬄ᭟ᬩᬸᬓᬢ᭄ᬯᬭᬳᬤ᭠
ᬮᬾᬦᬦ᭄᭞ᬧᬘᬂᬓᬫᬃᬕ᭄ᬕᬶᬬᬂᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭ᭞ᬫᬗ᭄ᬕᬯᬾᬲᬦ᭄ᬕᭂᬤᭂᬕ᭄ᬳᬢᬶ᭞ᬳᬦᬓ᭄ᬮᬸᬄᬳᬗ᭄ᬕᭀᬦ᭄ᬓᬦ᭄ᬢᬶ᭞ᬤᬶᬓᬧᬦ᭄ᬜᬶᬤ᭄ᬥᬬᬂᬓᬳ᭄ᬬᬸᬦ᭄᭞ᬓᬾᬢᭀᬬᬳᬶᬲᬸᬧ᭄ᬭᬪᬵ᭞
ᬲ᭄ᬤᬶᬄᬲᬶᬕ᭄ᬲᬶᬕᬦ᭄ᬫᬗ᭄ᬮᬶᬂ᭞ᬢᬶᬗ᭄ᬓᬄᬲ᭄ᬤᬶᬄᬜᬦᬾᬢ᭄ᬯᬭᬲᬓᬾᬂᬢᬸᬯᬲ᭄᭟ᬦᬾᬶᬸᬤᬦᬶᬂᬓᬾᬢᭀᬲᬸᬧ᭄ᬭᬪ᭞ᬲᬂᬨᬮ᭄ᬕᬸᬡᬫᬜᬳᬸᬢᬶᬦ᭄᭞ᬫᬗᬸᬤᬳᬶᬤᬾᬯᬫᬾᬭᬂ᭞ᬯᬶᬭᬾᬄᬓ
[᭓᭗ 37A]
᭓᭗
ᬡ᭄ᬥᬶᬓᬬᬂᬫᬗ᭄ᬓᬶᬦ᭄᭞ᬜᬾᬦ᭄ᬜᬡ᭄ᬥᬂᬧᬘᬂᬳᬶᬭᬶᬂ᭞ᬢ᭄ᬯᬄᬳᬶᬤᬜᬡ᭄ᬥᬂᬲᬸᬳᬸᬦ᭄᭞ᬤᬾᬦᬶᬂᬳᬶᬤᬫᬶᬦᭂᬳᬂ᭞ᬤᭀᬦᬶᬂᬢᬶᬢ᭄ᬬᬂᬓᬗ᭄ᬕᬾᬦ᭄ᬓᬦ᭄ᬢᬶ᭞ᬓᬮᬶᬄᬳᬗ᭄ᬕᭀᬦ᭄ᬲᬓ᭄ᬱᬶᬗᬶᬭᬶᬗᬂᬳᬶᬤᬾᬯ᭟
ᬦᬾᬚᬦᬶᬤᬾᬯᬮᬮᬸᬯᬂ᭞ᬤᬵᬢᬓᬸᬢ᭄ᬧᬘᬂᬓᬕᬶᬲᬶ᭞ᬩᬳᬦ᭄ᬳᬶᬯᬢᬓᬯᬘ᭞ᬳᬢᬸᬃᬢᬶᬢ᭄ᬬᬗᬾᬮᬶᬗ᭄ᬕᬶᬳᬶᬦ᭄᭞ᬲᭀᬓ᭄ᬧᬶᬗᬶᬢᬂᬳᬩᭂᬲᬶᬓ᭄᭞ᬳᬶᬲᬸᬧ᭄ᬭᬪᬵᬓᭂᬤᬾᬓ᭄ᬤᬶᬢᬸ᭞ᬮ᭄ᬬᬗᬂᬳᬧᬂᬢᬫᬵ
᭞ᬳᭀᬘᬓ᭄ᬩᬳᬦ᭄ᬫᬸᬜᬶᬫᬦᬶᬲ᭄᭞ᬳᬧᬂᬳᬮᬸᬲ᭄᭞ᬗᬶᬸᬫᬗ᭄ᬥᬾᬦᬾᬢ᭄ᬯᬭᬓᬝᬵᬭ᭟ᬦᬾ᭠ᬫᬵᬤᬦ᭄ᬓᬶᬃᬢ᭄ᬢᬶᬳᬸᬢ᭄ᬢᬫᬵ᭞ᬕᬯᬾᬦᬂᬳᬶᬤᬾᬯᬚᬦᬶ᭞ᬬᬾᬦ᭄ᬜᬳᭂᬜᬓ᭄ᬫᬗᭀᬭᬳᬂ᭞ᬢᭀᬗᭀᬲ᭄
ᬧᬦᬸᬗᬶᬸᬕ᭄ᬭᬵᬦᬾᬧᬶᬗᬶᬢ᭄᭞ᬢᬸᬮᬤ᭄ᬢᬶᬢ᭄ᬬᬂᬦᬾᬗᬹᬦᬶ᭞ᬢᬶᬗ᭄ᬓᬄᬳᬶᬤᬾᬯᬦᬾᬭᬢᬸ᭞ᬗᭀᬤᬢᬶᬢ᭄ᬬᬂᬤᬶᬕᬸᬯᬵ᭞ᬢᬧᬓᬂᬤᬵᬫᬗᭂᬮᬾᬦᬶᬦ᭄᭞ᬓᬾᬢᭀᬫᬸᬜᬶᬦ᭄ᬲᬂᬨᬮ᭄ᬕᬸᬡᬫᬶᬥᬃ᭠
