[᭓᭒ 32B]
᭓᭒
ᬲᬸᬩᬫᬶᬲᬶ᭞ᬧᬯᬶᬬᬢᬾ᭞ᬗᬃᬯ᭄ᬯᬦᬂᬳᬶᬥᬧᬾᬫᬾᬦ᭄ᬤ᭄ᬭ᭟ᬲᬸᬩᬦ᭄ᬦᬾᬩᬋᬂᬫᬚᬮᬦ᭄᭞ᬧᬥᬓᬲ᭄ᬫᬭᬦ᭄ᬤᬶᬳᬢᬶ᭞ᬳᬶᬲᬸᬧ᭄ᬭᬪᬵᬲᬯᬂᬚᭂᬗᬄ᭞ᬤᬾᬦᬶᬂᬧᬚᬮᬦᬾᬧ᭄ᬮᬶᬄ᭞ᬧᬗ᭄ᬭᬱᬜᬶᬸ
ᬦ᭄ᬜᬤᬶᬳᬢᬶ᭞ᬲᬗ᭄ᬳ᭄ᬬᬂᬳᬶᬦ᭄ᬤ᭄ᬭᬩᬵᬲ᭄ᬓᬤᬸᬭᬸᬲ᭄᭞ᬳᬦ᭄ᬢᬸᬓ᭄ᬳᬶᬤᬵᬜ᭄ᬚᬮᬦᬂ᭞ᬤᬸᬭᬶᬬᬦ᭄ᬢᬦ᭄ᬳᬸᬭᬸᬂᬤᬤᬶ᭞ᬩᬸᬯᬄᬩᬶᬩᬶᬄ᭞ᬳᬦ᭄ᬢᬸᬓ᭄ᬥᬥᬭᬶᬫᬓ᭄ᬚᬂ᭟ᬓᬾᬢᭀᬓ᭄ᬭᬡᬓᬳᭂᬡ᭄ᬥᭂᬧᬂ᭞ᬳᬫ᭄ᬩᬭ
ᬦᬾᬓᬫᬃᬕ᭄ᬕᬶᬦᬶᬦ᭄᭞ᬧᬚᬮᬦᬾᬫᬮᭀᬦ᭄ᬮᭀᬦᬦ᭄᭞ᬤᬬᬦᬶᬦ᭄ᬧᬘᬂᬮᬗ᭄ᬓᬸᬗᬶᬦ᭄᭞ᬲᬂᬨᬮ᭄ᬕᬸᬡᬫᬫᬸᬜᬶ᭞ᬩᭂᬘᬶᬓ᭄ᬳᬶᬤᬾᬯᬤᬶᬫᬮᬸ᭞ᬲᬵᬫ᭄ᬧᬸᬦᬂᬫᬓᬸᬤᬸᬂ᭞ᬫᬶᬭᬄ᭞ᬧᬂᬧ᭄ᬥᬲ᭄ᬢᬶ᭠
ᬢ᭄ᬬᬂᬗ᭄ᬮᬶᬬᬢᬶᬦ᭄᭞ᬫᬵᬤ᭄ᬬᬦ᭄ᬳᬶᬭᬢᬸᬦᬾᬳᬮᬸᬲ᭄ᬫᬗᬮᬸᬗ᭄ᬕᬂ᭟ᬬᬦ᭄ᬢᬶᬢ᭄ᬬᬂᬫᬮᬸᬫᬚ᭠ᬮᬦ᭄᭞ᬢᭀᬂᬦᬸᬕᬓᬦ᭄ᬢᭂᬦ᭄ᬳᬶᬫᬡᬶᬓ᭄᭞ᬬᬦ᭄ᬢᭀᬮᬶᬄᬩᬸᬲᬦ᭄ᬩᬸᬲᬦ᭄᭞ᬩᭂᬘᬶᬓᬦ᭄ᬲᬋᬂ
[᭓᭓ 33A]
᭓᭓
ᬫᬫᬃᬕ᭄ᬕᬶ᭞ᬢᬶᬢ᭄ᬬᬂᬳᬸᬮᬶᬤᬶᬤᬸᬤᬶᬸᬭᬶ᭞ᬗᬩᬶᬄᬧᬫᬃᬕ᭄ᬕᬶᬦ᭄ᬳᬶᬭᬢᬸ᭞ᬓᭂᬦᬶᬓᬤᬶᬧᬋᬓᬦ᭄᭞ᬳᬧᬂᬢᬶᬢ᭄ᬬᬂᬕ᭄ᬮᬶᬲ᭄ᬳᬸᬦᬶᬂ᭞ᬬᬾᬦ᭄ᬜᬓ᭄ᬩᬄ᭞ᬧᬸᬲᬸᬂᬳᬶᬤᬾᬯᬍᬄᬧᬶᬲᬦ᭄᭟ᬧᬗ᭄ᬭᬱᬵᬬᬤᬶᬦ᭄ᬮ
ᬓ᭄ᬱᬡ᭞ᬳᬶᬩᬸᬓ᭄ᬮᬦ᭄ᬢᬲ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬫᬮᬶᬄᬢᭀᬂᬤᬤᬶᬲᬭᬸᬯᬂ᭞ᬮᬫᬸᬦ᭄ᬲ᭄ᬫᬭᬫᬜᬸᬲᬸᬧᬶᬦ᭄᭞ᬲᬶᬂᬲᬸᬯᬸᬤ᭄ᬫᭂᬘᬸᬓ᭄ᬳᬮᬶᬲ᭄᭞ᬧᬚᬮᬦᬾᬳᬸᬮᬢ᭄ᬗᬫ᭄ᬩᬸᬮ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬜᬶᬭᬶᬬᬂ᭞
ᬓᬸᬤ᭄ᬬᬂᬧᬘᬂᬫᬦ᭄ᬓᭂᬧᬶᬦ᭄᭞ᬲᬧᬸᬦᬶᬓᬵ᭞ᬢᬶᬢ᭄ᬬᬂᬢ᭄ᬯᬭᬧᬘᬂᬗᬸᬩ᭄ᬥ᭟ᬓᬾᬢᭀᬫᬸᬜᬶᬦ᭄ᬲᬂᬨᬮ᭄ᬕᬸᬡ᭞ᬳᬶᬲᬸᬧ᭄ᬭᬪᬵᬫᬜᬯᬸᬭᬶᬦ᭄᭞ᬩᬳᬦᬾᬲ᭄ᬯᬾᬤᬶᬚᬮᬦ᭄᭞ᬧᬲᬯᬸᬢᬾᬳᬶᬯᬂ
ᬢᬫ᭄ᬧᬶ᭞ᬤᬾᬄᬤᬾᬯᬲᬂᬓᬶᬭᬶᬝᬶ᭞ᬳᬤᭀᬄᬧᬫᬃᬕ᭄ᬕᬶᬦᬾᬲᬵᬫ᭄ᬧᬸᬦ᭄᭞ᬓᬾᬦ᭄ᬤ᭄ᬭᬦᬾᬧ᭄ᬥᬲ᭄ᬧᬶᬲᬦ᭄᭞ᬢᬶᬗ᭄ᬕᬃᬢᬶᬗ᭄ᬓᬄᬜᬦᬾᬩᭂᬘᬶᬓ᭄᭞ᬫᬳᬶᬍᬳᬦ᭄᭞ᬕᬸᬦᬸᬂᬫᬳᬵᬫᬾᬭᬸᬦᬾᬓᬵ
